LIOLONGANJI 20:23 - Embimbiliya - Bíblia Sagrada em Umbundu

²³ Va Isareli va enda, yu va lilila kovaso a Yehova toke koñolosi. Va puliliya ku Yehova, vati, Tuenda vali oku yaka la vamanjetu va Benjamini, ale? Kuenje Yehova hati, Va katukili.

LIOLONGANJI 20:23 Iomraidhean Croise

II SAMUELE 3:35

Omanu vosi veya ku Daviti. Vo pilika oku lia ombolo osimbu kuli utanya. Daviti puãi wa lisinga hati, Suku a ci niuwile loku vandekako nda ndi maha kombolo pamue cimue cikuavo toke ekumbi liñila.

HOSEA 5:15

Niukila vali kocitumãlo cange, toke va limbuka ongole yavo, ha va sandi ocipala cange, ha va sandiliya volohali viavo, vati,

YEHOSUA 7:6

Yehosua wa tola uwalo waye, wa tuvika ocipala caye posi kovaso yocikasa ca Yehova, toke koñolosi, eye kumue lakulu va Isareli. Va litaila eve kovitue viavo.

YEHOSUA 7:7

Yehosua wa popia hati, Avoyo we, a Yehova Suku! Nye wa yokisila omanu ava Yordão, hu tu eci peka lia va Amori loku tu takisa? Nda tua sanjukilile ño oku tumala sinya olio lia Yordão, nda hĩse.

LIOLONGANJI 1:1

Kovaso yokufa kua Yehosua, va Isareli va puliliya ku Yehova, vati, Pokati ketu helie o fetikako oku katukila va Kanana ha liyaki lavo?

LIOLONGANJI 20:18

Va Isareli va katuka, va lamanela ko Betele, yu va puliliya ku Yehova, vati, Pokati ketu helie o fetikako oku yaka la va Benjamini? Yehova wa popia hati, Yuda eye o fetikako.

LIOLONGANJI 20:22

Omanu vaco, alume va Isareli, va kuata utõi, yu va aleka vali ocilunga apa va lialekelele ale keteke liatete.

LIOLONGANJI 20:24

Oco keteke liavali, va Isareli vamako, ha va yaki la va Benjamini.

LIOLONGANJI 21:2

Omanu veya ko Betele, kuenje va kala kovaso a Suku toke koñolosi. Va kaluka loku lila calua.

I SAMUELE 10:3

Oco ove wenda ño toke o pitila ko carvalho ya Tavore. Oko o ñualẽhẽla lalume vatatu va kasi loku lamana ku Suku ko Betele, umue wambata otuhombo tutatu, ukuavo olombolo vitatu, ukuavo ocipa covinyu.

I SAMUELE 11:4

Eci olomunga vieya ko Givea, kimbo lia Saulu, oco va sapula ondaka yaco komanu vosi, kuenje omanu vosi va lia ca lua.

I SAMUELE 7:6

Oco vongolokela vo Misipa. Va tapa ovava kuenje va a itila kovaso a Yehova. Va likandangiya okulia eteke liaco kuenje va popia vati, Tua lingila Yehova ekandu. Samuele wa linga onganji ya va Isareli ko Misipa.