LIOLONGANJI 2:19 - Embimbiliya - Bíblia Sagrada em Umbundu

¹⁹ Puãi olonjanja viosi eci onganji ya fa, va tiukila konyima, kuenje va linga evi via puiya, via lingaile olosekulu viavo vi sule. Va kuama olosuku viñi, va vi vumba loku vi fendela. Lacimue ocituwa cĩvĩ va imbapo, pamue olonjila viavo viumbinde.

LIOLONGANJI 2:19 Iomraidhean Croise

EFETIKILO 6:11

Oluali lua vĩha ku Suku, hailuo lue Yuka letombo.

NEHEMIYA 9:28

Haimo, eci va tumãla vali ciwa va kuata vali kevĩho kovaso ove. Oco ove wa va eca peka liovanyali ha va va viala. Noke, eci va pongoloka, va vilikiya kokuove kuenje wa va yeva ndaño o kasi kilu. Kuenje, ndeci ca tuwa ohenda yove, wa va yovola olonjanja via lua.

OLOSAMO 78:8

kuenda okuti ka va lingi nda vaisia ya vaisiavo, haivo ocitumbulukila cesino lolonamalala haico ka ca kaile lutima wa popoloka kesunga. Ovitima viavo ka via pandekelele ku Suku.

ETUNDILO 32:7

Oco Yehova wa sapuila Mose, hati, Kuende. Loka, momo omanu vove wopa vofeka ye Egito va livĩhĩsa.

YEREMIYA 16:12

lomo ene muẽle wa lingi cĩvi vali enene, okuti eci cavaisiene ci sule,— momo, tala, vosi yene omunu, omunu, vu lingainga ndeci ovitima viene vĩvi via panga, kuenje ka vu njevelela,—

YEREMIYA 23:17

Va sapowaila ava va sepula ondaka ya Yehova, vati, Ci kala ciwa lene, lava va enda lovipango viovitima viavo va va sapuila vati, Lacimue cĩvi cu sangi.

YEREMIYA 3:17

Koloneke viaco va tukula Yerusalãi vati, Ocalo ca Yehova, kuenje olofeka viosi vi likongelelamo. Vi likongelela vo Yerusalãi londuko ya Yehova. Ka va lingi vali lokusiva kuovitima viavo vĩvi.

ESEKIELE 20:30

Oco, popia lepata lia Isareli huti, Ca popia Ñala Yehova ceci, hati, Wu livĩhĩsi hẽ ndocituwa colosekulu viene oku linyõla lovombondo avo?

MATEO 23:32

Oco yukisi onjongo ya vaisiene.

ESINUMUĨLO 31:29

Momo ñulĩha okuti kovaso yokufa kuange vu linga ovina vĩvi kuenje vu pambuka vonjila ndo lekisi oku endelamo. Koloneke viya cĩvi cu sangi omo vu lingainga eci cĩvi ku Yehova, kuenje vu wengula onyeño yaye lupange wovaka ene.

YEHOSUA 24:31

Va Isareli va vumba Yehova oloneke viosi via Yehosua, loloneke viosi viakulu vokotembo ya Yehosua, vana va kulihile upange wosi Yehova a lingile Isareli.

LIOLONGANJI 10:13

Haimo wa njanduluki, wa vumbi olosuku viñi. Oco ame siu popeli vali.

LIOLONGANJI 2:18

Olonjanja viosi eci Yehova a va katuila olonganji, Yehova wa kala kumue longanji yaco, kuenje wa va popela peka liovanyãli vavo, oloneke viosi vionganji yaco. Momo Yehova wa va kuatela ohenda oku yeva ndomo va leñaleña omo va sakalaisua lomo va talisua ohali.

LIOLONGANJI 2:20

Oco onyeño ya Yehova ya wengukila Isareli, kuenje wa popia hati, Omo omanu ava va lueyela ocisila cange, cina nda handelekele olosekulu viavo, kuenda ka va pokuile kondaka yange,

LIOLONGANJI 2:7

Omanu va vumba Yehova oloneke viosi via Yehosua, loloneke viosi viakulu vokotembo ya Yehosua, vana va muĩle ovopange osi anene Yehova a lingilile Isareli.

LIOLONGANJI 4:1

Eci Ehudi a fa, va Isareli va linga vali eci cĩvi kovaso a Yehova.

LIOLONGANJI 8:33

Tuli Gideone a fa, va Isareli va tianguluka, kuenje va linga ukahonga la Baale. Baale Beriti vo lingisa suku yavo.

I SAMUELE 15:23

Momo okusina kua lisoka lekandu liokutãha, lumbinde wa lisoka levĩho lioku fendela oviteka. Omo ove wa pañula ondaka ya Yehova oco eye wa ku pañulãvo okuti ku lingi vali osoma.