LIOLONGANJI 2:14 - Embimbiliya - Bíblia Sagrada em Umbundu

¹⁴ Onyeño ya Yehova wa wengukila va Isareli, kuenje wa va eca povaka ava va va punda. Wa va landisa povaka ovanyali vavo va va ñuala, oco ka va tẽlele vali oku litamalala lovanyãli vavo.

LIOLONGANJI 2:14 Iomraidhean Croise

II SAMUELE 24:1

Onyeño ya Suku ya wengukila vali va Isareli. Wa va tutuminyila Daviti hati, Kuende, ka tende va Isareli la va Yuda.

II SAMUELE 7:11

tunde kotembo nda nolela omanu vange va Isareli olonganji. Hu puyuisavo kovanyãli vove vosi. Kuenda vali Suku wa ku sapuila hati, Hu tungila onjo.

II OLOSOMA 13:3

Onyeño ya Yehova ya wengukila va Isareli, kuenje wa va eca eca peka lia Hasaele Soma ya Suria lopeka lia Benehadada omõla a Hasaele.

II OLOSOMA 17:20

Yehova wa takumula ombuto yosi ya Isareli, wa va talisa ohali kuenda wa va eca peka liavakuakupunda, toke a va takumula kovaso aye.

II ASAPULO 15:5

Kotembo yaco lomue wa kala lombembua, ndaño poku tunda ndaño puku iñila, momo olonungi viosi violofeka via tokotelelue.

II ASAPULO 28:5

Oco Yehova Suku yaye wa weca peka lia Soma ya Suria. Eye wo yula, kuenje pomanu vaye vambatapo owiñi walua wolohute, yu wa va tuala ko Damasko. Kuenda wa eciwavo peka lia Soma ya Isareli, yu wo lundula cimue.

II ASAPULO 36:16

Puãi ovo va fuanguila olomunga via Suku, va sepula olondaka viaye, loku yola epembe ovaprofeto vaye, toke onyeño ya Yehova ya wengukila omanu vaye, toke ka kua kaile vali ekayo.

NEHEMIYA 9:27

Oco wa va eca peka liovanyali vavo, lovo va va talisa ohali. Puãi koloneke viohali ya vo va vilikiya kokuove kuenje ove wa va yeva ndaño o kasi kilu; kuenje, omo ohenda yove yalua, wa va iha ava va va yovola peka liovanyali vavo.

OLOSAMO 44:11

Wa tu sokisa ndolomeme vi liwa. Wa tu sanduila kolofeka.

OLOSAMO 44:12

Wa landisa omanu vove londando yitito. Kua luisile ukuasi wove londando yaco.

ISAYA 42:24

Helie wa eca Yakoba kukuakukuata? Helie wa eca Isareli kovingumba? Ha Yehovako una tuo lingila akandu? Haeye volonjila viaye ka va tavele oku endelamo, kuenda ka va pokuile kovihandeleko viaye.

ISAYA 50:1

Ca popia Yehova ceci, hati, Ukanda woku nyãla nyõho, una ndo nyãla lawo, u kasi pi? Pokati kolondevalisi viange kulie nda ku landisa? Tala, wa landisilui olohole viene, nyõho wa nyãlĩwila okulueya kuene.

YEREMIYA 37:10

Momo ndaño wa yuli olohoka viosi via va Kaldea vi yaka lene, kuenje pokati kavo pa siala lika vakualongase, haimo va katuka, omunu vombalaka yaye, omunu vombalaka yaye, kuenje va yoka imbo lilo londalu.

OVISILA 26:17

Ndu felisili ocipala cange kuenje wasiwi kovaso ovanyãli vene. Ava vo suvuki vo viali. Vu tila ño ndaño lomue o kasi oku hangisa.

OVISILA 26:28

oco ndi litamãlãla lene lonyeño, lamevo ndu yambuli loku luisa olonjanja epanduvali eyambulo liakandu ene.

OVISILA 26:37

Va likonjuaka huti ño kovaso osipata ndaño lomue o va lupuisa, kuenje ko kala lolohõlo vioku talama kovaso ovanyali vene.

ATENDELO 32:13

Oco onyeño ya Yehova ya wengukila va Isareli. Wa va ñualãisa oko loko vekalasoko akuĩ akuãla kanyamo, te ocitumbulukila caco cosi cava va linga cĩvi kovaso a Yehova ca takata.

ATENDELO 32:14

Kaliye tala, ene wa likuti oku linga cĩvi, wa piñali kolomangu via vaisiene, ho wenguila vali va Isareli onyeño ya tokota ya Yehova.

ESINUMUĨLO 28:20

Omo ovilinga viove via vĩha lomo wa njivala oco kovopange osi ovaka ove Yehova o vetisako esiñalo lesakalalo leseku toke o nyolẽha kuenje o taka lonjanga.

ESINUMUĨLO 28:25

Yehova o ku kunduila kovaso anyali vove. Oku va katukila wendela vonjila yimosi, oku va tila wendela volonjila epanduvali. Oluhimo luove luvi lu yokokisa ovosoma osi okilu lieve.

ESINUMUĨLO 28:58

Nda ku likapela oku tẽlisa olondaka viosi viovihandeleko vilo via sonehĩwa velivulu lilo, okuti o sumbila onduko yilo yulamba kuenda yi kola, YEHOVA SUKU YOVE,

ESINUMUĨLO 32:30

Nda ci tava ndati okuti umosi o lundula ohulukãi, pamue vavali va lupuisa ekuĩ liolohũlũkãi, nda Handa yavo ka va landisile pamue Yehova ka va ecelele?

LIOLONGANJI 1:19

Yehova wa kala kumue la Yuda, kuenje Yuda wa tambula ofeka yolomunda. Puãi ka tẽlele oku tundisa ava va tunga vetapi, momo va kala lakãlu utale.

LIOLONGANJI 1:34

Va Amori va sindila va Dani vofeka yolomunda, kuenje ka va tavele okuti va lokile ketapi.

LIOLONGANJI 10:7

Onyeño ya Yehova ya wengukila va Isareli. Yu wa va landisa peka lia va Filisiti lopeka lia va Amoni.

LIOLONGANJI 2:20

Oco onyeño ya Yehova ya wengukila Isareli, kuenje wa popia hati, Omo omanu ava va lueyela ocisila cange, cina nda handelekele olosekulu viavo, kuenda ka va pokuile kondaka yange,

LIOLONGANJI 3:12

Va Isareli va linga vali eci cĩvi kovaso a Yehova. Kuenje Yehova wa pamisa Egilone, Soma ya Moavi, ha katukila va Isareli, momo va linga eci cĩvi kovaso a Yehova.

LIOLONGANJI 4:2

Kuenje Yehova wa va landisa peka lia Yavini, Soma ya Kanana, una wa viala vo Hasore. Kesongo kolohoka viaye eye Sisera, haeye wa kala ko Haroseta Goyimi.