LIOLONGANJI 2:13 - Embimbiliya - Bíblia Sagrada em Umbundu

¹³ Va yanduluka Yehova, va vumba Baale la Asitarote.

LIOLONGANJI 2:13 Iomraidhean Croise

I OLOSOMA 11:33

Momo va njanduluka, va fendela Asitorete suku ya va Sitono, la Kemosi suku ya va Moavi, la Milikome, suku ya va Amoni. Ka va endelele volonjila viange. Ka va lingile eci ca sunguluka kovaso ange, loku lava ovisila viange lolonimbu viange ndeci ca lingaile Daviti isia ya Salomone.

I OLOSOMA 11:5

Momo Salomone wa kuama Asitorete, suku ya va Sitono, kuenda Milikome, umbondo wa va Amoni.

II OLOSOMA 23:13

Soma wa vihisavo olonumbuko via kala kovaso ya Yerusalãi, kondio yomunda yeviho, vina Salomone Soma ya Isareli a tungilile Asitorete umbondo wa va Sitono, la Kemosi umbondo wa va Moavi, la Milikome umbondo wa va Amoni.

II ASAPULO 12:2

Omo va lueyela Yehova, oco kunyamo watãlo wa Soma Yehovama, Sisiake Soma yEgito a tundila Yerusalãi,

II ASAPULO 28:3

Kuenda vali wa timiha insensu vocimbota comõla a Hinoma, loku yoka omãla vaye vondalu, ndumbondo wavakualofeka, vana Yehova a tundisile kovaso a va Isareli.

II ASAPULO 33:3

Wa tumbulula vali ovotala okolonumbuko ana isiaye Hesekiya a leñuile. Wa tungila vo Baale ovotala, wa panga Asera kuenda wa fendaila olohoka viosi viokilu yu wa vi vumba.

II ASAPULO 7:22

Kuenje va ka tambulula vati, Omo va yanduluka Yehova Suku yolosekulu viavo una wa vopile kofeka yEgito, kuenje va kakatela olosuku vikuavo, va vi fendela loku vi vumba, oco eye a va muisila ohali eyi yosi.

OLOSAMO 106:36

Va vumba oviteka viavo via va lingile ndonjanjo.

YEREMIYA 16:11

huti, Ca popia Yehova ceci, hati, Omo vaisiene va njanduluka loku kuama olosuku viñi kuenje va vi vumba loku vi fendela okuti va njanduluka muẽle, ka va pokuile kovihandeleko viange;

YEREMIYA 2:20

Momo osimbu wa teya okanga yove kuenda wa tepa ovikolo viove, yu wa linga huti, Siu ku vumbi. Momo kolomunda viosi kuenje vemehi lioviti viosi via pulika wa pekela ndocipuepue.

ATENDELO 25:3

Oco va Isareli va tiama ku Baale ya Peore, kuenje onyeño ya Yehova ya wengukila va Isareli.

I VA KORINDO 8:5

Ndaño kuli evi va vi tukula olosuku, ci kale kilu, ci kale posi, ndomo kuli olosuku via lua lovoñala va lua,

LIOLONGANJI 10:6

Va Isareli va linga vali eci cĩvi kovaso a Yehova. Va vumba vo Baale, lAsitarote, lolosuku via Suria, lolosuku via Sidono, lolosuku via Moavi, lolosuku via va Amoni, lolosuku via va Filisiti. Va yanduluka Yehova, ka vo vumbile.

LIOLONGANJI 2:11

Va Isareli va linga eci cĩvĩ kovaso a Yehova, kuenje va vumba vo Baale.

LIOLONGANJI 3:7

Va Isareli va linga eci cĩvi kovaso a Yehova. Va ivala Yehova Suku yavo, kuenje va vumba vo Baale la Asera.

I SAMUELE 12:10

Kuenje va vilikiya ku Yehova vati, Tua lueya omo tua yanduluka Yehova, tua vumba olosuku via Baale levi via Asitorete. Cilo puãi, tu popele peka liovanyali vetu oco tu ku vumba.

I SAMUELE 31:10

Va kapa ovimaleho viaye vonembele ya Asitorete. Va valela etimba liaye kocimbaka ca Betesiane.

I SAMUELE 7:3

Oco Samuele wa popia lepata liosi lia Isareli hati, Nda ocili vu kasi loku livela lutima wene wosi oku tiukila ku Yehova, imbipo olosuku viosi via vakualofeka levi via Asitarote ho tiamisi ovitima viene ku Yehova loku u vumba eye lika. Kovaso eye u popeli povaka a va Filisiti.