LIOLONGANJI 2:11 - Embimbiliya - Bíblia Sagrada em Umbundu

¹¹ Va Isareli va linga eci cĩvĩ kovaso a Yehova, kuenje va vumba vo Baale.

LIOLONGANJI 2:11 Iomraidhean Croise

EFETIKILO 13:13

Va Sodoma va kala olondingaĩvi. Va lingaila Yehova akandu a lua.

EFETIKILO 38:7

Puãi Ere, nuñulu ya Yuda, ondingaivi ku Yehova, oco Yehova wo lia.

I OLOSOMA 11:5

Momo Salomone wa kuama Asitorete, suku ya va Sitono, kuenda Milikome, umbondo wa va Amoni.

I OLOSOMA 18:18

Eliya wa kumbulula hati, Hameko nda sakalaisa Isareli, puãi ove lepata lia so, momo wa yanduluki ovihandeleko via Yehova, kunda ove wa kuama Baale.

I OLOSOMA 22:53

Wa vumba Baale, wo fendela, yu wa wengula onyeño ya Yehova, Suku ya Isareli, ndeci cosi ca lingaile isiaye.

II ASAPULO 28:2

puãi wa endaila volonjila violosoma via Isareli. Wa pangela Baale oviñumañuma via itilua.

II ASAPULO 28:3

Kuenda vali wa timiha insensu vocimbota comõla a Hinoma, loku yoka omãla vaye vondalu, ndumbondo wavakualofeka, vana Yehova a tundisile kovaso a va Isareli.

II ASAPULO 33:6

Wa yokela omãla vaye ndocilumba vocimbota comõla a Hinoma. Wa pilola, wa taha taha, wa kala lovombanda, wa talavaya lakualondele lolonganga. Wa linga evĩho lialua kovaso a Yehova, loku wengula onyeño yaye.

ESERA 8:12

Kepata lia Asegade, Yohanana, omõla a Hakatana. Alume ocita lekuĩ va enda laye.

NEHEMIYA 9:26

Puãi haimo va linga ovimbinde; va tamalãla love; va imba konyima ovihandeleko viove. Va ipaya ovaprofeto vove, vana va va vetaiya okuti va tiukila kokuove. Pokati kaco va linga ovina via lua via puiya.

OLOSAMO 78:56

Haimo lumue vo nyika nyika, va tamalala la Suku Tõlo. Ka va tẽlisile ovisila viaye.

YEREMIYA 11:10

Va tiukila kolohole via vakukululu vavo, vana ka va tavele oku yeva olondaka viange, kuenje va tiamẽla kolosuku vikuavo oku vi vumba. Epata lia Isareli leli lia Yuda va nyõla ocisila cange nda lisila la vakukululu vavo.

YEREMIYA 16:11

huti, Ca popia Yehova ceci, hati, Omo vaisiene va njanduluka loku kuama olosuku viñi kuenje va vi vumba loku vi fendela okuti va njanduluka muẽle, ka va pokuile kovihandeleko viange;

YEREMIYA 2:20

Momo osimbu wa teya okanga yove kuenda wa tepa ovikolo viove, yu wa linga huti, Siu ku vumbi. Momo kolomunda viosi kuenje vemehi lioviti viosi via pulika wa pekela ndocipuepue.

YEREMIYA 2:23

O popia ndati huti, Sia liñisilue, sia kuamẽle va Baale? Tala onjila yove yovomaka, limbuka eci wa linga. Vumange yongamelo yolupesi yi lupukila volohoka viayo.

YEREMIYA 32:23

Yu va iñilamo kuenje ya linga yavo. Puãi ka va pokuile kondaka yove, ka va endelele vovihandeleko viove; cosi wa va tuma oku linga ovo ka va ci lingile. Oco wa va nenẽla ũvi u wosi.

YEREMIYA 9:14

puãi, oku tava kovitima viavo via tĩla, va kuama va Baale ndeci vaisiavo va va longisa,

ATENDELO 25:3

Oco va Isareli va tiama ku Baale ya Peore, kuenje onyeño ya Yehova ya wengukila va Isareli.

ESINUMUĨLO 31:16

Yehova wa popia la Mose hati, Tala, ndopo ove o pekela lolosekulu viove. Kovaso yaco omanu valo o fetika oku linga ukahonga lolosuku wiñi viofeka oko va enda oku kala. Ame va njanduluka. Va nyõla ocisila cange nda lisila lavo.

ESINUMUĨLO 4:25

Eci vu kala lomãla vene kuenda omãla vomãla vene, leci vu kukila vofeka, nda vu livĩhĩsa loku songa ociteka cesetahãlo limue loku lingila cĩvi kovaso a Yehova Suku yene okuti eye o vu temẽla,

LIOLONGANJI 10:10

Va Isareli va vilikiya ku Yehova, vati, Tua ku lueyela, momo tua yanduluka Suku yetu, kuenje tua vumba vo Baale.

LIOLONGANJI 10:6

Va Isareli va linga vali eci cĩvi kovaso a Yehova. Va vumba vo Baale, lAsitarote, lolosuku via Suria, lolosuku via Sidono, lolosuku via Moavi, lolosuku via va Amoni, lolosuku via va Filisiti. Va yanduluka Yehova, ka vo vumbile.

LIOLONGANJI 13:1

Va Isareli va linga vali eci cĩvi kovaso a Yehova. Kuenje Yehova wa va eca peka lia va Filisiti, akuĩ akuãla kanyamo.

LIOLONGANJI 3:12

Va Isareli va linga vali eci cĩvi kovaso a Yehova. Kuenje Yehova wa pamisa Egilone, Soma ya Moavi, ha katukila va Isareli, momo va linga eci cĩvi kovaso a Yehova.

LIOLONGANJI 3:7

Va Isareli va linga eci cĩvi kovaso a Yehova. Va ivala Yehova Suku yavo, kuenje va vumba vo Baale la Asera.

LIOLONGANJI 4:1

Eci Ehudi a fa, va Isareli va linga vali eci cĩvi kovaso a Yehova.

LIOLONGANJI 6:1

Va Isareli va linga vali eci cĩvĩ kovaso a Yehova, kuenje Yehova wa va eca peka lia va Midiane anyamo epanduvali.

LIOLONGANJI 6:25

Kuteke waco, Yehova wa popia laye hati, Kuata onui ya so, yina yavali yanyamo epanduvali. Lundula utala wa Baale, una u kuete so, timbula oviti vi kola vi kasi konele yawo.

LIOLONGANJI 8:33

Tuli Gideone a fa, va Isareli va tianguluka, kuenje va linga ukahonga la Baale. Baale Beriti vo lingisa suku yavo.

I SAMUELE 12:10

Kuenje va vilikiya ku Yehova vati, Tua lueya omo tua yanduluka Yehova, tua vumba olosuku via Baale levi via Asitorete. Cilo puãi, tu popele peka liovanyali vetu oco tu ku vumba.

I SAMUELE 7:3

Oco Samuele wa popia lepata liosi lia Isareli hati, Nda ocili vu kasi loku livela lutima wene wosi oku tiukila ku Yehova, imbipo olosuku viosi via vakualofeka levi via Asitarote ho tiamisi ovitima viene ku Yehova loku u vumba eye lika. Kovaso eye u popeli povaka a va Filisiti.

I SAMUELE 7:4

Va Isareli yu va imbapo olosuku viosi via Baale levi via Asitarote kuenje va vumba lika Yehova.