LIOLONGANJI 2:1 - Embimbiliya - Bíblia Sagrada em Umbundu

¹ Ungelo wa Yehova wa tunda ko Giligali, yu wa enda ko Bokimi. Kuenje wa popia hati, Nda wupi kEgito, yu ndo neni vofeka yina nda lisilile oku yeca kolosekulu viene. Nda popele siti, Lalimue eteke ndi nyõla ocisila cange nda lisila lene.

LIOLONGANJI 2:1 Iomraidhean Croise

EFETIKILO 12:7

Yehova wa limõlehisa ku Avirama hati, Ame ngeca ofeka yilo kombuto yove. Oco Avirama wa tungapo utala apa Yehova a limõlehisa kokuaye.

EFETIKILO 16:13

Oco Hagare wa luka Suku u wa vangula laye, hati, Ove wu Suku o vanja vanja; momo wa lipula hati, Ocili hẽ okuti nda mõla Suku, kuenje haimo ñasilili lomuenyo?

EFETIKILO 48:16

haeye ungelo wa njovola kevĩho liosi, eye a sumũluise amãlehe ava; londuko yange yi tumbuluiwe lavo, ndaño olonduko violosekulu viange, Avirahama la Isake. Va linga muẽle owiñi kilu lieve.

OLOSAMO 89:3

Nda likuminya ohuminyo lu nda nola. Nda lisinga lukuenje wange Daviti,

OLOSAMO 89:34

Si nyõli ohuminyo yange. Eci ca tunda komela wange si ci pongolola.

ETUNDILO 14:14

Yehova o vu yakela. Cene oku ũha lika.

ETUNDILO 14:19

Omunga ya suku, yina ya pitila olohoka via Isareli kovaso, ya sondoloka, ya enda konyima yavo. Ongunji yelende ya tunda kovaso yavo kuenje yeya konyima yavo,

ETUNDILO 20:2

Ame ndi Yehova Suku yove, nda ku upa vofeka ye Egito, vonjo yupika.

ETUNDILO 23:20

Tala, mitisa kovaso yene ungelo oku vu lava vonjila, loku vu tuala kocitumãlo nda wangiliyili.

ETUNDILO 33:14

Yehova wa linga hati, Ngenda lene ame muẽle. Ame muẽle ndu muisi owusa.

ISAYA 63:9

Olohali viavo viosi eye wa vi talelavo kumosi lavo. Hamungako pamue ungelo wa va popela, puãi eye muẽle wa kalako kuenje wa va popela. Wa va yovola locisola caye kuenda ohenda yaye, wa va yelula kuenje wa vambata oloneke viosi viosiãhũlu.

YEREMIYA 14:21

Ku ka tu pukule. Tua ku livondela londuko yove. Ku ka muĩse ocalo culamba wove osõi. Ivaluka! Ku ka nyõle ocisila wa lisila letu.

OVISILA 26:42

oco njivaluka ohuminyo yange la Yakoba, lohuminyo yange la Isake, lohuminyo yange la Avirahama. Njivalukavo ofeka.

OVISILA 26:44

Haime, ndaño cosi oco, eci va kasi vofeka yovanyãli vavo si va pamũla loku va nyehũla oku va nyõla pe, loku nyõla ohuminyo yange lavo, omo ame ndi Yehova Suku yavo.

SAKARIYA 11:10

Oco nda nyañula ombueti yange, Henda, kuenje nda yi teya. Ca lekisa okuti nda imũla ocisila cina nda lisila lomanu vaco vosi.

MALAKIYA 3:1

Tala! Ndi tuma omunga yange okuti o mongiyila onjila, kuenje Yehova, u wu sanda sanda, iya ocipikipiki konembele yaye. Ocili, una wa sanjukili, haeye omunga yocisila, iya muẽle. Oco ca popia Yehova Ukualohoka.

ATENDELO 14:34

Koku tenda, oloneke wa ka lavuluili ofeka akuĩ akuãla vi soka lanyamo vu yambuiwa, okuti akuĩ akuãla. Kuenje wu limbuka ndomo nda liamũha lene.

ESINUMUĨLO 1:8

Tala, ofeka yeyi, ndi yeca kokuene. Iñili, kuati ofeka Yehova a lisila lolosekulu viene, Avirahama la Isake kuenda Yakoba, oku yeca kokuavo lokombuto yavo yi va kuãi.

ESINUMUĨLO 4:34

Kuli hẽ osuku yimue ya la seteka oku enda oku ka liupila epata vokati kepata likuavo ndeci Yehova Suku yene a linga? Ene muẽle wa moli lovaso ene ndeci Yehova a enda ke Egito kuenje wo wupilili lohali kuenda ovindekaise lovikomo lovita kuenda eka lia pama lokuokuo kuolõha levi vi yokokisa.

ESINUMUĨLO 7:9

Oco limbuki okuti Yehova Suku yene, eye muẽle Suku, eye Suku o kolelua haeye Suku o lemũlũla toke kohulũkãi yovitumbulukila ocisila a lisila lava vo sola loku lava ovihandeleko viaye, kuenje haeye Suku o va sola locisola ka ci pongoloka.

YEHOSUA 3:10

Yehosua hati, Vu laika oku limbuka okuti Suku Ukuamuenyo o kasi pokati kene, kuenje ka pumbi oku tundisa kovaso ene va Kanana, la va Hiti, la va Hiwi, la va Perisi, la va Girigasi, la va Amori, la va Yevusi. Vu ci limbuka ndomo:

LIOLONGANJI 11:24

Ku tambula nga ofeka ya ku iha suku yove Kemosi ha yi lingi yove? U wosi Yehova Suku yetu a tundisa kovaso etu, etu tu tambula ofeka yaye.

LIOLONGANJI 13:2

Kua kala ulume umue u Sora, ukuepata lia Dani, onduko yaye Manoa. Ukãi waye wa kala osiũle, kuenje ka citile.

LIOLONGANJI 13:3

Ungelo wa Yehova wa tukulukila ukãi, kuenje wa popia laye hati, Tala, ove wusiũle, haive kua la cita. Puãi o mina, o cita omõla ulume.

LIOLONGANJI 2:5

Ocitumãlo caco va ci luka vati, Bokimi. Haiko va lumbila Yehova ovilumba.

LIOLONGANJI 6:8

oco Yehova wa tuma uprofeto ku va Isareli. Eye wa popia lavo hati, Ca popia Yehova Suku ya Isareli, ceci, hati, Ame nda wupi kEgito, nda wupi konjo yupika.