LIOLONGANJI 19:6 - Embimbiliya - Bíblia Sagrada em Umbundu

⁶ Oco kavali kavo va tumãla, va lia, va nyua. Isia yufeko wa popia lulume hati, Hu pinga, tava oku lala vali, lutima wove u sanjuke.

LIOLONGANJI 19:6 Iomraidhean Croise

II SAMUELE 13:28

Noke Aminone wa sanjuka luholua. Eci mopia lene siti, Ipayi Aminone, oco vu wipaya. Ko ka kuati usumba. Hameko hẽ ndo tumĩli? Kolisiko. Lingi olonõi.

I OLOSOMA 21:7

Ukãi waye Isevele wa popia laye hati, Haveko hẽ wa viala usoma wa Isareli? Pasuka, lia, lutima wove u sanjuke. Ame ndu ku iha ocumbo cayuva ca Navote u Yiserele.

ESTER 1:10

Keteke liepanduvali eci Soma a kolua, Soma wa tuma Mehumana la Bisita la Harivona kuenda Bigita la Avageta la Setala la Karikasi, ovo anuku epanduvali va vumba Soma Ahasuero ndakuenje vaye,

OLOSAMO 104:15

lovinyu vi sanjuisa utima womunu, kuenda ulela u ninisa ocipala caye, lombolo yi kolisa utima womunu.

LUKA 12:19

Oco mopia lutima wange siti, Otima, o kuete ovikuata via lua via solekelua anyamo a lua, livala, lia, nyua, sanjuka.

I VA TESALONIKE 5:3

Eci omanu va kasi loku linga vati, Tua kolapo, tu kasi lombembua, oco okunyõleha ocipikipiki kuiya kokuavo, ndeci olongembia viya ku o misi. Oku puluka ka ku kala.

ESITULUILO 11:10

Ava va tunga kilu lieve va yola epembe ovaprofeto vaco vavali, va sanjukila okufa kuavo, va liyolelisako loku liavela olombanjaile, omo ovaprofeto vaco va sakalaisaile ava va tunga kilu lieve.

ESITULUILO 11:13

Powola yaco pa pita ocilemawe cinene, kuenje onepa yekui yimbo ya kupuka. Kocilemawe caco kua fa olohũlũkãi epanduvali komanu. Vakuavo va kuata usumba, kuenje va imba ulamba ku Suku yokilu.

LIOLONGANJI 16:25

Eci ovitima viavo via sanjuka, va popia vati, Kovongi Samisone, a tu papalele. Oco va kovonga Samisone vokayike, yu wa papalela kovaso avo. Vo talamisa pokati kolongunji.

LIOLONGANJI 19:7

Ulume wa katuka ha endi, puãi ndatembo yaye wo peya, oco wa lala vali.

LIOLONGANJI 19:9

Eci ulume kumue lukama waye lukuenje waye va katuka ha va endi, ndatembo yaye isia yufeko, wa popia laye hati, Tala, kaliye ekumbi lia enda, lali vali. Tala, ekumbi liñila, lala kulo, lutima wove u sanjuke. Hela vu tunda ociteketeke, hu endi kimbo.

LIOLONGANJI 9:27

Va enda kovapia. Vongula ayuva koviumbo viavo viayuva. Va a kosa, yu va linga ocipito. Va iñila vonjo yosuku yavo. Va lia, va nyua, kuenje va siñala Avimeleke.

RUTI 3:7

Eci Boasi a lia kuenda wa nyua, lutima waye wa sanjuka, oco wa ka pekela konele yesenge liolomema. Kuenje Ruti weya levando, wa sikũlũla kolomãi viaye, wa pekela.

I SAMUELE 25:36

Avigaile yu weya ku Nabala. Wonjo yaye mua kala ofesta ya soka lofesta yosoma. Nabala wa sanjuka loku yola yola omo wa kolua enene. Oco Avigaile ko sapuilile cimue toke omele.