LIOLONGANJI 19:3 - Embimbiliya - Bíblia Sagrada em Umbundu

³ Veyaye wa katuka, yu wo landula, ha popi laye lumbombe loku tiuka laye. Wa enda lukuenje waye kumue lovimbulu vivali. Ufeko wa wiñisa vonjo ya isiaye. Eci isia yufeko o mõla, weya oku u tambula lonjolela.

LIOLONGANJI 19:3 Iomraidhean Croise

EFETIKILO 34:3

Utima waye wa leñelẽla Dina omõla a Yakoba; wa sola ufeko waco kuenje wo lembeleka.

EFETIKILO 50:21

Oco ko ka kuati usumba. Ene muẽle lotumãla tuene ame ndu tekuli. Oco wa tulumula ovitima viavo kuenje wa va kolisa.

YEREMIYA 3:1

Ndi va pula siti, Umue nda o nyãla ukãi waye kuenje eye ukãi wo sia ha lingi ukãi wulume ukuavo, ulume o tiukila vali kokuaye? Oco hẽ ofeka yaco ka yi liñisua enene? Ove wa linga ukahonga lolombaisi via lua, haimo o tiukila kokuange? Oco ca pula Yehova.

HOSEA 2:14

Oco ndu tamba. Ndu tuala kekalasoko. Mbangula laye loku omboka.

HOSEA 2:16

Yehova hati, Eteke liaco o nukula huti, Veyange. Ku nukula vali huti, Baale yange.

OVISILA 19:17

Ku ka suvukile ukuẽle vutima wove; ocili o lemẽla u o lisungue love, puãi ku ka lituike ekandu liaye.

OVISILA 20:10

Nda ulume o pekela lukãi wokuavo, lulume kuenda ukãi kavali kavo vakuovaisi, va ipaiwa muẽle.

ATENDELO 22:22

Puãi onyeño ya Suku yo wengukila omo a enda, kuenje ungelo wa Yehova wo lavekela vonjila ndunyali. Eye wa endela kocimbulu caye, lakuenje vavali kumue laye.

MATEO 1:19

Kuenje omo veyaye Yosefe ukuesunga, yu ka yonguile oku u sepuisa, oco wa sokele oku u wimbapo uyombeki.

YOANO 8:11

Eye hati, A Ñala, lomue. Yesu wa popia laye hati, Ndaño ame, si ku pisa. Kuende, ku ka linge vali ekandu.

VA GALATIA 6:1

A vamanji, nda umue wa kuatiwa lokulueya kumue, ene wakue Espiritu u tiuli lutima womboka loku lunguka sanga lovevo o yonjiwa.

LIOLONGANJI 15:1

Kovaso yaco, kotembo yoku ungula otiliku, Samisone wa enda oku pasula ukãi waye lokahombo. Kuenje hati, Njongola oku enda kukãi wange, nyiñila vohondo yaye. Puãi isia yukãi ko tavele oku iñilamo.

LIOLONGANJI 19:2

Ukama waye wa linga ukahonga, kuenje wo tunda, wa enda konjo ya isiaye ko Beteleme ya Yuda. Kuenje wa kalako ca soka olosãi vikuãla.

LIOLONGANJI 19:26

Kociteketeke ukãi weya, wa liyala pombundi yonjo yulume, muna mua kala cime caye, toke kua ca.

LIOLONGANJI 19:4

Ndatembo yaye, isia yufeko, wo sikiya. Wa kala kumue laye oloneke vitatu. Va lia, va nyua, haiko va lala lala.