LIOLONGANJI 18:5 - Embimbiliya - Bíblia Sagrada em Umbundu

⁵ Va popia laye vati, Tu ku pinga, tu puliliyeko ku Suku, ha tu limbuka nda ungende wetu u laika oku enda ciwa.

LIOLONGANJI 18:5 Iomraidhean Croise

I OLOSOMA 22:5

Yehosafata wa popia la Soma ya Isareli hati, Hu pinga, puliliya handi ondaka ya Yehova.

II OLOSOMA 16:15

Soma Ahasi wa handeleka ocitunda Uriya hati, Kutala unene lumbilako ocilumba comele coku pia elisi. Koñolosi lumbilako ocilumba colomema locilumba ca Soma coku pia elisi, locilumba caye colomema kumue locilumba coku pia elisi comanu vosi vofeka locilumba cavo colomema lovilumba viavo vioku nyua. Nyilako osonde yosi yocilumba coku pia elisi losonde yosi yocilumba. Puãi utala wosipi ndi sokolola eci ndinga lawo.

ISAYA 30:1

Yehova wa linga hati, Omãla va sina, ngongo yavo! Va tẽlisa ehãla, puãi haliangeko; va likuminya ohuminyo puãi halespiritu liangeko, oco kakandu va vokiyako ekandu.

ESEKIELE 21:21

Momo osoma ya Bavulono yi talama panyãha, panyãha olonjila vivali, ha tãhi. O sekula ovisongo, o pula koviteka, kuenje o vanja komuma.

HOSEA 4:12

Omanu vange va pinga pinga kociteka cuti, lombueti yavo yi va imbaimba onumbi. Momo utima wukahonga wa va lueyisa, kuenje va litepa la Suku yavo ha va lingi vakahonga.

OVILINGA 8:10

Vosi va tava kokuaye, tunde kuava vatito toke kuava vanene. Va popia popia vati, Omunu waco eye Unene wa Suku una u tukuiwa Cimãlõmata.

LIOLONGANJI 17:13

Oco Mika wa popia hati, Kaliye nda limbuka okuti Yehova o sumuluisa, momo ñuete ocitunda cu Lewi.

LIOLONGANJI 17:5

Ulume waco Mika wa kala lonjo yosuku yaye. Wa panga efonde limue la terafi yimue, kuenje wa tumbika umue wopomala vaye valume, yu wa linga ocitunda caye.

LIOLONGANJI 18:14

Oco alume vatãlo vana va kũlĩhisile ofeka ya Laisi, va popia lavakuavo vati, Wa kũlĩhi hẽ okuti volonjo evi muli efonde la terafi lociñumañuma ca songiwa, lociñumañuma ca itilua? Kaliye sokololi eci vu linga.

LIOLONGANJI 18:4

Wa popia lavo hati, Mika wa ndingila ongandi longandi. O nyihaiha ofeto, kuenje nda linga ocitunda caye.

LIOLONGANJI 18:6

Ocitunda ca popia lavo citi, Kuendi lombembua. Kungende wene Yehova wa imbako iso.

I SAMUELE 9:9

Ale ca kaile vo Isareli okuti eci umue a ka pula ku Suku eye o popia hati, Enju, tuende kukuavinjoinjoi momo u va tukola palo vati, Uprofeto, ale vo tukowaile ukuavinjoinjoi.