LIOLONGANJI 18:30 - Embimbiliya - Bíblia Sagrada em Umbundu

³⁰ Va Dani va litumbikila ociñumañuma ca songiwa. Yonatão, omõla Gerisiomo, omõla a Mose, eye kumue lomala vaye va linga ovitunda viepata lia va Dani, toke keteke liumandekua wofeka.

LIOLONGANJI 18:30 Iomraidhean Croise

II OLOSOMA 15:29

Koloneke via Peka, Soma ya Isareli, Tigilati Pilesere, Soma ya Asuria, weya, yu wa kuata Iyoni la Avelebetimaka la Yanoha la Kedesi la Hasore la Gileada la Galilea lofeka yosi ya Nafitali, kuenje wa tuala omanu vaco kumandekua kAsuria.

II OLOSOMA 17:18

Oco Yehova wa temela calua Isareli, wa va tundisa kovaso aye. Lomue wa supapo, te lika epata lia Yuda.

II OLOSOMA 17:20

Yehova wa takumula ombuto yosi ya Isareli, wa va talisa ohali kuenda wa va eca peka liavakuakupunda, toke a va takumula kovaso aye.

II OLOSOMA 17:22

Va Isareli va endaila vakandu osi a linga Yerevoama. Ka va litepele lao,

II OLOSOMA 17:23

toke Yehova a tundisa Isareli kovaso aye ndeci a popele lomẽla wovakuenje vaye vosi ovaprofeto. Oco va Isareli vopiwa vofeka yavo, va tualiwa kAsuria, toke etaili lilo.

ETUNDILO 18:3

lomãla vaye vavali. Ukuavo onduko yaye Gerisiome, omo hati, Nda kala ocingendelei vofeka yamãle.

ETUNDILO 2:22

Eye wa cita omõla ulume, wo luka Gerisiome, ca lomboloka ocingendeleyi, momo hati, Nda kala ocingendeleyi vofeka yamale.

ETUNDILO 20:4

Ku ka lisongele ociñumañuma pamue esetahãlo lieci ci kasi kilu, pamue lieci ci kasi posi, pamue lieci ci kasi vovava vemẽhi liongongo;

OVISILA 26:1

Ko ka lisongeli iteka. Ko ka litalamisili ociñumañuma ca songiwa, pamue ongunji yoku fendela. Ko ka tumbiki ociteka cewe vofeka yene ho ci fendela, omo ame ndi Yehova Suku yene.

ESINUMUĨLO 27:15

Omunu omesele o tunga uyombeki lovaka aye ociteka cimue ca songiwa pamue cimue ca itilua, haico umbondo ku Yehova, omunu waco a siñaliwe. Lomanu vosi va kumbulula vati, Ci lingiwe.

ESINUMUĨLO 31:16

Yehova wa popia la Mose hati, Tala, ndopo ove o pekela lolosekulu viove. Kovaso yaco omanu valo o fetika oku linga ukahonga lolosuku wiñi viofeka oko va enda oku kala. Ame va njanduluka. Va nyõla ocisila cange nda lisila lavo.

ESINUMUĨLO 31:29

Momo ñulĩha okuti kovaso yokufa kuange vu linga ovina vĩvi kuenje vu pambuka vonjila ndo lekisi oku endelamo. Koloneke viya cĩvi cu sangi omo vu lingainga eci cĩvi ku Yehova, kuenje vu wengula onyeño yaye lupange wovaka ene.

LIOLONGANJI 13:1

Va Isareli va linga vali eci cĩvi kovaso a Yehova. Kuenje Yehova wa va eca peka lia va Filisiti, akuĩ akuãla kanyamo.

LIOLONGANJI 17:3

Oco wa tiula ohulukãi locita colosiekele viopalata ku inaye, kuenje inaye hati, Opalata eyi yopeka liange, ndi yi tumbika ku Yehova hã si pangela layo omõlange ociñumañuma ca songiwa lociñumañuma ca itilua. Oco cilo hu yi tiuwila.

LIOLONGANJI 17:5

Ulume waco Mika wa kala lonjo yosuku yaye. Wa panga efonde limue la terafi yimue, kuenje wa tumbika umue wopomala vaye valume, yu wa linga ocitunda caye.