LIOLONGANJI 18:27 - Embimbiliya - Bíblia Sagrada em Umbundu

²⁷ Oco va Dani va enda locina ca tunga Mika, locitunda va livala haivo va lipola. Va va ipa lomela wosipata, kuenda va yoka imbo liaco londalu.

LIOLONGANJI 18:27 Iomraidhean Croise

EFETIKILO 49:16

Dani eye o tetuluila omanu vaye muẽle. O kuata epata pokati kapata a va Isareli.

ESINUMUĨLO 33:22

Oku tukula Dani, wa popia hati, Dani okahosi. Ka somboka ko Basiane.

YEHOSUA 11:11

Vosi va kalamo, va va ipa lomela wosipata, va va kundula pe. Lomue wa fuima wa supapo. Kuenda wa yoka Hasore londalu.

YEHOSUA 19:47

Olongave via va Dani via sambukilavo kuiñi. Momo va Dani va katuka, yu va liyaka la Lesieme, va li kuata kuenje va li kundula lomela wosipata. Va li tambula, yu va tungamo, kuenje va luka Lesieme vati. Dani, ndonduko ya isiavo Dani.

LIOLONGANJI 18:10

Eci wendi, vu ka sanga omanu va lipola. Ofeka ya tanda, kuenda Suku wa yeca povaka ene. Kovina viosi viokilu lieve, lacimue ca kamba vofeka yaco.

LIOLONGANJI 18:26

Va Dani va enda lonjila yavo. Eci Mika a mõla okuti vo velapo kongusu, wa ñualapo, kuenje wa tiukila konjo yaye.

LIOLONGANJI 18:7

Oco alume vaco vatãlo va katuka, veya ko Laisi. Va mõla omanu va tungako, ndomo va salala ndocituwa ca va Sidono, va livala, va lipola. Lacimue va kamba vofeka, puãi va kala lukuasi. Va kalavo kupãla la va Sidono, ka va litengele lomanu vakuavo.

LIOLONGANJI 8:11

Gideone wa lamana lonjila yovando ya kala kutundilo wa Noba la Yogibeha, yu wondumuhila olohoka, momo olohoka viaco via lipolelepo.