LIOLONGANJI 17:6 - Embimbiliya - Bíblia Sagrada em Umbundu

⁶ Coloneke viaco kIsareli ka kua kaile osoma. Omunu omunu wa linga eci co sungulukila eye muẽle.

LIOLONGANJI 17:6 Iomraidhean Croise

EFETIKILO 36:31

Olosoma via viala kofeka ye Edome osimbu ka kua vialele handi osoma kova Isareli vievi:

OLOSAMO 12:4

A nyõle vosi va popia popia vati, Tu yula lalimi etu. Ovimela vietu, vietu muẽle. O tu tumĩla helie?

OLOSAPO 12:15

Onjila yeveke yo sunguluka, ukualondunge puãi o yeva kalungulo.

OLOSAPO 14:12

Kuli onjila yimue yi mõleha kumunu okuti ya suñama, efulilo liayo puãi, olio onjila yi panda kokufa.

OLOSAPO 16:2

Olonjila viosi viomunu vi yela kovaso aye muẽle, puãi Yehova o setaeka ovitima.

UKUNDI 11:9

Okuenje, yolela oloneke viove viovokuenje; utima wove u ku sanjuise voloneke viove viovokuenje; enda ndeci utima wove u panga; enda oko ovaso ove a lete; puãi limbuka okuti Suku o ku tetuluila ovina evi viosi.

ESINUMUĨLO 12:8

Ko lingi vali ndeci etu vosi tu kasi loku linga kulo etaili, okuti omunu omunu o linga ndeci cu sunguluka eye muẽle;

ESINUMUĨLO 33:5

Oco Yehova wa linga Soma vi Isareli eci apata osi a va Isareli kumosi lasongui vavo vongoloka pamosi.

LIOLONGANJI 18:1

Koloneke viaco kIsareli ka kua kaile osoma. Koloneke viaco epata lia va Dani lia kala loku lisandela ocipiñalo ha va tumalamo. Momo toke opo pokati kapata a Isareli, lacimue ocipiñalo ca va ihiwa.

LIOLONGANJI 19:1

Koloneke viaco eci kIsareli ka kua kaile osoma, u Lewi umue wa tumala nele oyo yolomunda via Efarimi, yu wa livanjela ukama wa tunda ko Beteleme ya Yuda.

LIOLONGANJI 21:25

Koloneke viaco kIsareli ka kua kaile osoma. Omunu omunu wa linga eci co sungulukila eye muẽle.

LIOLONGANJI 21:3

Va popia vati, A Yehova, a Suku ya Isareli, eci ceyilila nye kIsareli okuti etaili kIsareli ku kamba epata limue?