LIOLONGANJI 17:3 - Embimbiliya - Bíblia Sagrada em Umbundu

³ Oco wa tiula ohulukãi locita colosiekele viopalata ku inaye, kuenje inaye hati, Opalata eyi yopeka liange, ndi yi tumbika ku Yehova hã si pangela layo omõlange ociñumañuma ca songiwa lociñumañuma ca itilua. Oco cilo hu yi tiuwila.

LIOLONGANJI 17:3 Iomraidhean Croise

II ASAPULO 33:7

Ociñumañuma ca songiwa, cina a pangele, wa ci kapa vonjo ya Suku, yina Suku a popele la Daviti kuenda omolaye Salomone hati, Vonjo yilo lovo Yerusalãi, imbo nda nola povapata osi a va Isareli, ñapamo onduko yange otembo ka yi pui.

ETUNDILO 20:23

Ko ka tungi olosuku viopalata oku vi kongela lame. Ko ka litungili ene muẽle oviteka viulu.

ETUNDILO 20:4

Ku ka lisongele ociñumañuma pamue esetahãlo lieci ci kasi kilu, pamue lieci ci kasi posi, pamue lieci ci kasi vovava vemẽhi liongongo;

ETUNDILO 34:17

Ka ci tava oku litungila olosuku viutale wa yenguluiwa.

ISAYA 30:22

Oco winasi oviñumañuma viene via songiwa haivio via lañiwa lopalata, winasivo oviñumañuma viene via itilua havio via lañiwa lulu. Vu vi inasi ndovina via liña. Vu popia lavio hoti, Kuendi.

ISAYA 66:3

U ipa ongombe wa soka ndu wa ipa omunu; u o lumba omeme wa soka ndu wa teya osingo yombua; u o lumba ocilumba cosema wa soka ndu o lumba osonde yongulu, u o timĩha insensu o linga ndu o sivaya ociteka. Va nõla olonjila viavo muẽle kuenje ovitima viavo via sanjukila evĩho liavo.

YEREMIYA 10:8

Vosi yavo va wulua haivo ovitende. Okulongisa kuoviteka viavo kua kola nduti.

OVISILA 19:4

Ko ka sokolokeli kovina viaño pamue oku lilulikila olosuku viutale wa itilua. Ame ndi Yehova Suku yene.

YOANO 16:2

Vo tundisi volosunangonga, kuenje, kuiya eteke okuti u o wipayi o soka hati, Nda vumba Suku.

ESINUMUĨLO 12:3

Vu nyõla ovotala avo, loku nyanyõla olongunji viavo, loku yoka londalu oviti viavo vi kola. Vu vumbula oviñumañuma violosuku viavo, loku nyõla onduko yavio kocitungilo caco.

ESINUMUĨLO 27:15

Omunu omesele o tunga uyombeki lovaka aye ociteka cimue ca songiwa pamue cimue ca itilua, haico umbondo ku Yehova, omunu waco a siñaliwe. Lomanu vosi va kumbulula vati, Ci lingiwe.

LIOLONGANJI 17:13

Oco Mika wa popia hati, Kaliye nda limbuka okuti Yehova o sumuluisa, momo ñuete ocitunda cu Lewi.

LIOLONGANJI 17:2

Wa popia la inaye hati, Ohulukãi locita colosiekele viopalata, vina via ku ivilue, haivio wa popelele esiñalo lia yevala vatui ange, tala, opalata yaco, ame ñasi layo, ame nda yiva. Inaye wa popia hati, Yehova a sumuluise omolange.

LIOLONGANJI 17:4

Eci a tiuwila inaye olombongo, inaye wopapo ovita vivali violosiekele viopalata. Yu wa vi eca kutẽli wopalata, leye wa panga lavio ociñumañuma ca songiwa lociñumañuma ca itilua. Kuenje ca kala vonjo ya Mika.

LIOLONGANJI 18:30

Va Dani va litumbikila ociñumañuma ca songiwa. Yonatão, omõla Gerisiomo, omõla a Mose, eye kumue lomala vaye va linga ovitunda viepata lia va Dani, toke keteke liumandekua wofeka.

LIOLONGANJI 18:5

Va popia laye vati, Tu ku pinga, tu puliliyeko ku Suku, ha tu limbuka nda ungende wetu u laika oku enda ciwa.