LIOLONGANJI 16:4 - Embimbiliya - Bíblia Sagrada em Umbundu

⁴ Kovaso yaco, wa sola ukãi umue wokocimbota ca Soreke. Onduko yaye Delila.

LIOLONGANJI 16:4 Iomraidhean Croise

I OLOSOMA 11:1

Soma Salomone wa sola akãi valua vakualofeka, ndokuti omõla a Fareo, kuenda vali akãi va Moavi la va Amoni la va Edome la va Sitono la va Hiti,

NEHEMIYA 13:26

Nda popia lavo siti, Eli halioko he ekandu Salomone, Soma ya va Isareli, a lueya lalio? Kolofeka viosi ka kua la kala osoma yikuavo ya lisoka laye. Wa soliwa la Suku yaye kuenje Suku wo kapa Soma ya va Isareli vosi. Puãi ndaño eye muẽle wa tambiwa lakãi va vakualofeka ha lingi ekandu.

OLOSAPO 22:14

Omẽla welãsãla okueve kua longa, undeti Yehova a temela o famo.

OLOSAPO 23:27

Momo elãsãla okueve kua longa, ukuovaisi ocisimo ca sukatela,

OLOSAPO 26:11

Ndeci ombua yi tiukila vali kosanjo yayo, haico eveke li tongeka luveke walio.

OLOSAPO 27:22

Ndaño o sulila eveke lowisi vocine haimo uveke waye ka u u tundi.

I VA KORINDO 10:6

Ovina evi via tu lingila ndalungulo okuti ka tu liveli evĩho ndeci ovo va livelele.

LIOLONGANJI 16:3

Samisone wa pekela toke vokati kuteke. Oco vokati kuteke wa pasuka, wa kuata kapito ombundi yimbo lokovikuli viaco vivali, wa vi veyulapo viosi kumue locikundiko caco. Wa vi lituika pocitai, yu wa vi ambata toke kilu liomunda ya lisuñama la Hevrone.

LIOLONGANJI 16:5

Olombuale via va Filisiti vieya kokuaye, via popia laye, viti, U yonja, kulihisa apa pali ongusu yaye, lomo tu tẽla oku u yula, ha tu u kuti loku u pokuisa, kuenje etu vosi omunu omunu tu ku iha ohulukãi locita colosiekele viopalata.