LIOLONGANJI 16:30 - Embimbiliya - Bíblia Sagrada em Umbundu

³⁰ Samisone hati, Ndi fe kumue la va Filisiti. Oco wa likukutila longusu yaye yosi, kuenje onjo ya kupukila olombuale lomanu vosi va kalamo. Oco ava a ipa pokufa kuaye, ovo valua, ava a ipa osimbu a kala lomuenyo, va sule.

LIOLONGANJI 16:30 Iomraidhean Croise

EFETIKILO 3:15

Ñapa ukuse pokati kene, love lukãi, lo pokati kombuto yove lombuto yaye. Eye o sasõla utue wove, kuenje ove u lumana kocisendemãi.

YOVI 20:5

onjolela ya vakuevĩho ka yi tumãla osimbu, lesanju liava ka va kolela Suku li pita lonjanga?

YOVI 31:3

Ohali he ka yiya ku vakuakandu? Longongo he ka yiya ku vakuevĩho?

OLOSAMO 62:3

Ene vosi, eteke lipi vu liweka oku kongiliya loku nyanyola pe omunu wa linga ale ndocimbaka ca yenduka pamue ndolumbo lu señenya?

UKUNDI 9:12

Momo omunu ka kũlĩhĩle eteke liaye. Ndeci olosi vi kuatiwila vowanda ũvi, pamue olonjila vi kuatiwila vonjanjo, haico omãla vomanu va kuatiwa keteke lĩvi eci ci va kupukila ocipikipiki.

MATEO 16:25

Momo u o yongola oku popela omuenyo waye u pesela ño, puãi u o mesila omuenyo waye u sanga.

OVILINGA 20:24

Puãi si tendi omuenyo wange ndocina cimue ci silivila pamue ci mepa. Cimosi lika ndi livela ceci, Oku tẽlisa ocikundi cange loku mala upange nda tambula ku Ñala Yesu, loku imbila uvangi ondaka yiwa yocali ca Suku.

OVILINGA 21:13

Oco Paulu wa kumbulula hati, Eci hẽ, vu ci lingila nye? Vu yongola nga oku konyuisa utima wange lokulila kuene? Momo ame haku kutiwako lika nãilili, puãi loku filavo onduko ya Ñala Yesu vo Yerusalãi.

VA FILIPOI 2:17

Ndaño ame muẽle meselua hã si itiliwila kocilumba ci kola cupange wekolelo liene, haimo sanjuka, kuenje njolelela kumosi lene vosi.

VA FILIPOI 2:30

Momo, pa kambele ño naito, nda wa fila upange wa Kristu. Wa likolisila oku tẽlisa onjongole yene yoku ñuatisa, ndaño wa enda lomuenyo waye peka.

VA FILIPOI 2:8

Kuenje, omo a citiwa ndomunu, oco wa liketisa, kuenje wa pokola toke kokufa, ndaño okufa kuokekulusu.

VA KOLOSAI 2:15

Wopa ovimaleho viovonene lovoviali, kuenje wa a lekisa ndomo a kasi ocili. Wa a yula lekulusu.

I VA TESALONIKE 5:2

Momo ene muẽle wa kũlĩhi ciwa ciwa okuti eteke lia Ñala liya ndeci ocimunu ciya kuteke.

LIOLONGANJI 14:19

Espiritu lia Yehova lio wila lunene, kuenje wa lokila kAsikelone. Wa ipako akuĩ atatu kalume. Wa nyañula ovikuata viavo kuenje wa eca ovowalo oku lipongolola kuava va tukula olusapo. Wa lamanela konjo ya isiaye, onyeño ka likuete.

LIOLONGANJI 15:15

Wa sanga olumbanjo luocimbulu ndopo lua punyuiwa. Wolola eka liaye, yu wa lu nyañula, kuenje wa ipa laluo ohulukãi yalume.

LIOLONGANJI 15:8

Wa va pupola kavangovango lovikalo, wa va kundula cimue. Noke wa lokila keleva liewe lia Etami, yu wa tumalako.

LIOLONGANJI 16:29

Samisone wa kuata kolongunji vivali viovokati, vina vi kuete onjo. Wa kunamela kokuavio, eka liaye liondio kongunji yikuavo, leka liaye liepĩli kongunji yikuavo.

LIOLONGANJI 16:31

Oco vamanjaye lavakuepata lia isiaye vosi va lokilako, vo yelula, yu va lamana laye, kuenje vo kenda pokati ka Sora la Esitaole, veyambo lia isiaye Manoa. Wa tetuluila Isareli akuĩ avali kanyamo.