LIOLONGANJI 15:15 - Embimbiliya - Bíblia Sagrada em Umbundu

¹⁵ Wa sanga olumbanjo luocimbulu ndopo lua punyuiwa. Wolola eka liaye, yu wa lu nyañula, kuenje wa ipa laluo ohulukãi yalume.

LIOLONGANJI 15:15 Iomraidhean Croise

II SAMUELE 23:8

Olonduko viasualali va Daviti vana va velapo kutoi, vievi: Yoseve—basievete u Takimoni, eye tete ku vatatu vaco. Wa ipaya ovita ecẽlãla eteke liongongo lonjelia yaye.

OVISILA 26:7

Vu lupuisa ovanyali vene ha va kupukila kovaso ene losipata.

OVISILA 26:8

Oco vatãlo yene va lupuisa ocita, locita cene ci lupuisa ekui liolohũlũkãi; kuenje ovanyãli vene va kupukila kovaso ene losipata.

VA HEVERU 11:34

va ima ongusu yondalu, va puluka komẽla wosipata, va leñela tupu haimo va kuata ongusu, kovita va linga olonõi, va lundula olohoka via vakualofeka.

YEHOSUA 23:10

Omunu umuamue pokati kene o lundula ohulũkãi yomanu, momo Yehova Suku yene, eye u yakeliko, ndeci o ci popeli.

LIOLONGANJI 15:16

Samisone wa popia hati, Lolumbanjo luocimbulu, olondunda lolondunda! Lolumbanjo luocimbulu, nda ipa ohulũkãi yalume.

LIOLONGANJI 15:17

Eci a mala oku popia, wa inasi olumbanjo lua kala peka liaye. Ocitumalo caco va ci tukula vati, Ramati Lehi.

LIOLONGANJI 3:31

U wo kuama, Siamigara, omõla a Anate. Haeye wa ipa ovita epandu vialume va Filisiti locitungo coku ombola olongombe. Kuenje leyevo wa popela Isareli.

LIOLONGANJI 4:21

Oco osimbu a kala loku pekela otulo tuelume, omo wa kava calua, Yaele, ukãi wa Heveru, wa nyañula ombambo yombalaka. Wa kuata omatelo peka. Wo yomba levando kuenje wa valela ombambo polombandu viaye, toke ya toma posi, kuenje wa fa.

LIOLONGANJI 7:16

Ovita viaco vitatu vialume, wa vi tepa kovisoko vitatu. Wa eca povaka avo vosi anguena lasanga upolokoso, lovimihi vokati kasanga aco.

I SAMUELE 14:14

Ekundu liaco liatete lia Yonatão lukuavimãleho viaye lia soka lakui avali kalume. Lapa va fila pa kala patito calua.

I SAMUELE 14:6

Yonatão wa popia lukuenje wambata ovimãlẽho viaye hati, Enju, tuende kocilombo coviyamba viaco; mbi sanga Yehova o tu lingila cimue momo lacimue ci tateka Yehova oku popela, ci kale la valua, ci kale la vañamiñami.