LIOLONGANJI 14:4 - Embimbiliya - Bíblia Sagrada em Umbundu

⁴ Puãi isiaye la inaye ka va kũlĩhile okuti ca tunda ku Yehova. Momo Samisone wa kala loku sanda evelo lioku yakisa va Filisiti. Koloneke viaco, va Filisiti ovo va tulamela Isareli.

LIOLONGANJI 14:4 Iomraidhean Croise

I OLOSOMA 12:15

Oco Soma ka yevele komanu, momo ondaka yaco ya songuiwa la Yehova, oco a telise ondaka yaye, yina Yehova a popele la Yerevoama omõla a Nevata lomela wa Ahiya u Siloni.

I OLOSOMA 12:24

Ca popia Yehova ceci, hati, Ko ka lamaneliko, ko ka yaki la vamanjene va Isareli. Tiukili omunu omunu konjo yaye, momo ocina eci ca tunda kokuange. Oco va yeva kondaka ya Yehova, va tiukila yu va enda lonjila yavo, ndondaka ya Yehova.

II OLOSOMA 6:33

Osimbu a kala handi loku popia lavo, tala, Soma weya kokuaye. Kuenje hati, Ohali eyi yi tunda ku Yehova. Ndavokela vali nye ku Yehova?

II ASAPULO 10:15

Oco Soma ka yevele komanu, momo ondaka yaco ya songuiwa la Suku, oco Yehova a tẽlise ondaka yaye, yipa a popele la Yerevoama omõla a Nevata, lomela wa Ahiya u Siloni.

II ASAPULO 22:7

Suku wa panga okuti Ahasiya o sanga enyoleho poku pasula Yorama, momo eci eyako, eye kumue la Yehorama, va katukila Yehu omõla a Nimisi, una Yehova a wavekelele oku nyõla epata lia Ahava.

II ASAPULO 25:20

Puãi Amasiya ka yonguile oku yevako, momo ca tunda ku Suku wa panga ale oku va eca peka liovanyali vavo, momo va sandele olosuku viEdome.

OLOSAMO 115:3

Suku yetu o kasi muẽle kilu. Cosi a panga wa ci linga.

DANIELE 6:4

Oco asongui lapalanga va sanda evelo lioku pindika Daniele londaka yimue yuviali. Puãi ka va muĩle evelo limue, ndaño eko, momo we lipua ka va sangele kokuaye cimue cĩvi ndaño eko.

ESINUMUĨLO 28:48

oco o vumbila ovanyãli vove, ava Yehova, Suku yove, a ku tumisa. O va vumba lonjala, lenyona, lepẽle, lusuke wovina viosi. Yehova o ku kapa okanga yutale kosingo, toke wa ku nyõla.

YEHOSUA 11:20

Momo Yehova wa ci panga okuti va tĩlise ovitima viavo, oco va katukile va Isareli loku liyaka lavo, hã ha va va kundula pe, ohenda lakamue, puãi va va kundule ndeci Yehova a handelekele Mose.

LIOLONGANJI 13:1

Va Isareli va linga vali eci cĩvi kovaso a Yehova. Kuenje Yehova wa va eca peka lia va Filisiti, akuĩ akuãla kanyamo.

LIOLONGANJI 14:5

Oco Samisone wa lokila ko Timina, kumue la isiaye la inaye, yu weya koviumbo viayuva vioko Timina. Kuenje tala, eyove liohosi lio tundila loku koma.

LIOLONGANJI 15:11

Oco olohulukãi vitatu vialume va Yuda via lokila keleva liewe lia Etami, va popia la Samisone vati, Kua kũlĩhile nga okuti va Filisiti, ovo olombiali vietu? Eci hẽ nye wa tu linga ndeti? Wa popia lavo hati, Ndeci va ndinga ame, haico nda va linga.

LIOLONGANJI 15:3

Samisone wa popia lavo hati, Kaliye ndi pua eko la va Filisiti, nda ndi va linga cĩvi.