LIOLONGANJI 14:19 - Embimbiliya - Bíblia Sagrada em Umbundu

¹⁹ Espiritu lia Yehova lio wila lunene, kuenje wa lokila kAsikelone. Wa ipako akuĩ atatu kalume. Wa nyañula ovikuata viavo kuenje wa eca ovowalo oku lipongolola kuava va tukula olusapo. Wa lamanela konjo ya isiaye, onyeño ka likuete.

LIOLONGANJI 14:19 Iomraidhean Croise

LIOLONGANJI 1:18

Yuda wa kuatavo Gasa kumue lovisenge viaco, la Asikelone kumue lovisenge viaco, la Ekirone kumue lovisenge viaco.

LIOLONGANJI 13:25

Espiritu lia Yehova lia fetika oku u tuñunya ko Mahanendani, pokati ka Sora la Esitaole.

LIOLONGANJI 14:18

Eteke liepanduvali, osimbu ekumbi ka lia iñilile, omanu vimbo va popia laye, vati, ye ci sõsa, nda hawikiko? ye ca pama, nda hahosiko? Eye wa popia lavo hati, Nda ka wa limili lonema yange, nda ka wa situluili olusapo luange.

LIOLONGANJI 14:6

Espiritu lia Yehova lio wila lunene. Yu wa tola ohosi pokati, ndeci omunu a tola okahombo, eye lacimue ambatele peka. Puãi eci a linga, ka ci sapuilile isiaye ndaño inaye.

LIOLONGANJI 15:14

Eci eya ko Lehi, va Filisiti va ñualehela laye loku ulula. Espiritu lia Yehova lio wila lunene. Ovikolo viokovoko aye via linga ndutele wa vawuka londalu. Ovikolo viaye via loluka kovaka aye.

LIOLONGANJI 3:10

Espiritu lia Yehova lio wila, kuenje wa tetuluila Isareli. Wa tunda oku yaka, kuenje Yehova wa eca peka liaye Kusiana Risiatayimi. Soma ya Mesopotamia. Wa yula Kusiana Risiatayimi.

I SAMUELE 11:6

Eci Saulu a yeva ondaka yaco oco Espiritu lia Suku lia wila longusu kuenje onyeño yaye ya wenguka enene.

I SAMUELE 6:17

Ovipumbu viulu, vina va Filisiti va lumbila Suku ya va Isareli ocilumba celembe lioku lueya, vievi, cimosi ca Asidode, cimosi ca Gasa, cimosi ca Asekeloni, cimosi ca Gati, cimosi ca Ekirone.

I SAMUELE 6:4

Oco va pula vati, Ocilumba celembe lioku lueya tu a lumbila oco nye? Vati, Ovipumbu viulu vitãlo kuenda olomuku viulu vitãlo, ca soka lakulu vovaimbo atãlo a va Filisiti. Momo efengi limosi lio veti vosi imbo limbo lia vetavo akũlu vene.