LIOLONGANJI 13:6 - Embimbiliya - Bíblia Sagrada em Umbundu

⁶ Ukãi wa ka sapuilile veyaye hati, Omunu umue wa Suku weya kokuange. Ocipala caye ca mõleha ndocipala cungelo wa Suku, ci lingisa usumba. Sio pulile oko a tunda, leye ka sapuilile onduko yaye.

LIOLONGANJI 13:6 Iomraidhean Croise

EFETIKILO 18:2

Avirahama wa petula ovaso aye, wa vanja yu wa mõla alume vatatu va tãi okacivanja laye. Eci a va mõla wa tunda puvelo wombalaka, wa va lupukila oku ñualẽhela lavo. Wa petamẽla posi,

EFETIKILO 32:29

Oco Yakoba wo puĩa hati, Sapuila onduko yove. Eye hati, Nye wa mulila onduko yange? Kuenje wo sumũluisilapo.

I OLOSOMA 17:18

Ukãi wa popia la Eliya hati, Nye ñuete love, amunu wa Suku? Weya nga kokuange oku njivaluisa ekandu liange loku ipa omolange?

I OLOSOMA 17:24

Ukãi wa popia la Eliya hati, Kaliye ndi ci okuti vumunu wa Suku, kuenda ondaka ya Yehova vomela wove, ocili.

II OLOSOMA 4:16

Elisia wa popia hati, Enyamuali, koloneke nda vilo, wangata omõla ulume. Ukãi hati, Sio a cime cange, amunu wa Suku, ku ka kembe omolove.

II OLOSOMA 4:9

Wa popia la veyaye hati, Tala, kaliye nda limbuka okuti u o pita pita ndeti konjo yetu, omunu umue o kola wa Suku.

ETUNDILO 3:2

Ungelo wa Yehova wo tukulukila vulienge wondalu vocisapa. Eye wa vanjako, kuenje wa mõla ocisapa ci taima londalu puãi ka ci pi.

ETUNDILO 3:6

Wa popia vali hati, Ame ndi Suku yaso, haime ndi Suku ya Avirahama la Isake kuenda Yakoba. Mose wa lisitika kocipala omo oku tala Suku co linga usumba.

DANIELE 10:11

Eye wa popia lame hati, A Daniele, olume wa soliwa calua, yevelela olondaka mopia love, talama vilu, momo kaliye nda tumiwa kokuove. Eci a popia lame ondaka yaco nda talama loku luluma.

DANIELE 10:5

Nda petula ovaso loku vanja, kuenje ota, kua kala ulume wa wala onanga yovalatanya. Vombunda yaye wa litika lulu wa fina wa Ufasi.

DANIELE 8:17

Oco wa amẽla apa nda talama, kuenje eci eyapo nda yokoka, yu nda wila posi, nda lituvikapo. Puãi eye wa popia lame hati, Limbuka, amõla omunu, momo ocinjonde eci ci tiamẽla kotembo yesulilo.

LUKA 1:19

Ungelo wo kumbulula hati, Ame Gabrieli, nalayama kovaso a Suku. Nda tumiwa oku vangula love loku ku sapuila ondaka eyi yiwa.

LUKA 9:29

Eci a kala loku likutilila ocipala caye ca pongoloka, luwalo waye lawovo wa pongoloka, wa yela tue.

OVILINGA 6:15

Oco, vosi va tumala vonjango eci vo vanja va mola ocipala caye huti ño ocipala cungelo.

ESINUMUĨLO 33:1

Esumũlũho Mose, ukuenje wa Suku, a sumũluĩsa lalio va Isareli osimbu ka file handi lieli,

I TIMOTEO 6:11

Puãi ove amunu wa Suku, yuvula ovina evi viosi. Kuama esunga, loku fendela Suku, kuenda ekolelo, locisola, lepandi, kuenda usima,

YEHOSUA 14:6

Oco va Yuda veya ku Yehosua ko Giligali. Kuenje Kalembe, omõla a Yefune, u Kenesi, wa popia laye, hati, Wa kũlĩha eci Yehova a tu tukuilile ame love, cina a popele la Mose, omunu wa Suku, ko Kadesi Barnea.

ESITULUILO 1:17

Eci ndo mola nda kupukila posi kolomãi viaye ndu wa fa. Eye puãi wa ndamba londio yaye, hati, Ku ka yokoke ño. Ame Tete, haime Kuasula,

LIOLONGANJI 13:10

Ukãi wa yayulako, yu wa lupuka, kuenje wa sapuila veyaye hati, Ota, omunu una weyile kokuange eteke lina, wa nukulukila vali.

LIOLONGANJI 13:22

Manoa wa popia lukãi waye, hati, Ocili tu fa, momo tua mõla Suku.

LIOLONGANJI 13:3

Ungelo wa Yehova wa tukulukila ukãi, kuenje wa popia laye hati, Tala, ove wusiũle, haive kua la cita. Puãi o mina, o cita omõla ulume.

LIOLONGANJI 13:7

Puãi wa popia lame hati, Tala, o mina, o cita omõla ulume. Oco ku ka nyue ovinyu pamue vievi vi koluisa, ndaño oku lia eci ca vĩha. Momo omõlaco o linga u Nasiri wa Suku tunde vimo lia inaye toke keteke liokufa kuaye.

LIOLONGANJI 13:8

Manoa wa livondela ku Yehova, hati, A Yehova, hu pinga, omunu wa Suku una wa tumĩle, eye vali kokuetu, ha tu longisa eci tu linga lomõla o laika oku citiwa.

LIOLONGANJI 6:11

Ungelo wa Yehova weya, yu wa tumala vemi liocinendele co kOfira, ca kala ca Yoasi, u Aviyesere. Omolaye Gideone wa kala loku sasa otiliku vocikoselo cayuva, oco va Midiane ka va ka yi mõle.

I SAMUELE 2:27

Kuenje ku Eli kueya umue omunu wa Suku, wa popia laye hati, Ca popia Yehova ceci, hati, Nda lisituluilile kepata lia so cina va kaile apika vonjo ya Fareo ve Egito.

I SAMUELE 9:6

Ukuenje puãi wa popia laye hati, Tala, vimbo lilo muli omunu wa Suku, eye wa kemãla, cosi a popia ciya muẽle. Tuende kokuaye, sanga o tẽla oku tu lomboluila cimue cungende tu kasi loku enda.