LIOLONGANJI 12:4 - Embimbiliya - Bíblia Sagrada em Umbundu

⁴ Oco Yefita wongolola alume vosi va Gileada, kuenje wa liyaka la va Efarimi. Alume va Gileada va lundula va Efarimi, momo va popele vati, Ene a va Gileada, wa tili kEfarimi, ene vu kasi pokati kEfarimi la Manase.

LIOLONGANJI 12:4 Iomraidhean Croise

I OLOSOMA 17:1

Eliya, u Tisibi, umue polonungi via Gileada, wa popia la Ahava hati, La Yehova Suku ya Isareli o kasi lomuenyo, haeye ndukuakuvumba, anyamo alo ka ku kala olume ndaño ombela, te nda londaka yange.

NEHEMIYA 4:4

Yeva, a Suku yetu, ndomo tua pembuiwa. Epembe liavo li wile kovitue viavo muẽle. Va eca ha va pundiwila vofeka yumandekua.

OLOSAMO 78:9

Va Efarimi va maleha lolohonji, haimo va ci tuva veteke liocilunga.

OLOSAPO 12:13

Ukuevĩho o kuatiwa lolohole viomẽla waye, ukuesunga puãi o puluka kelamba.

OLOSAPO 15:1

Etambululo liombembua li tulumũla ocikumbiti, ondaka ya kãla puãi yi wengula onyeño.

LIOLONGANJI 11:10

Akulu va Gileada va popia la Yefita vati, Yehova o linga ombangi pokati ketu love. Ocili muẽle, tu linga ndondaka yove.

LIOLONGANJI 12:3

Eci nda limbuka okuti ko mopela, oco nda kuata omuenyo wange peka, nda katukila va Amoni, kuenje Yehova wa va eca peka liange. Oco hẽ, nye wa ñatukilili etaili, ho liyaki lame?

LIOLONGANJI 12:5

Va Gileada va kuata olonjiva via Yordão via lisuñama la Efarimi. Kuenje eci umue wa tila kEfarimi a popia hati, Njokisi, oco alume va Gileada va popia laye vati, Ove wu Efarimi, ale? Nda o popia hati, Sio,

I SAMUELE 25:10

Nabala wa kumbulula akuenje va Daviti hati, Daviti nga helie? Omõla a Jese nga helie? Oloneke vilo kuli akuenje valua va kasi loku tila vacime cavo.