LIOLONGANJI 10:6 - Embimbiliya - Bíblia Sagrada em Umbundu

⁶ Va Isareli va linga vali eci cĩvi kovaso a Yehova. Va vumba vo Baale, lAsitarote, lolosuku via Suria, lolosuku via Sidono, lolosuku via Moavi, lolosuku via va Amoni, lolosuku via va Filisiti. Va yanduluka Yehova, ka vo vumbile.

LIOLONGANJI 10:6 Iomraidhean Croise

I OLOSOMA 11:33

Momo va njanduluka, va fendela Asitorete suku ya va Sitono, la Kemosi suku ya va Moavi, la Milikome, suku ya va Amoni. Ka va endelele volonjila viange. Ka va lingile eci ca sunguluka kovaso ange, loku lava ovisila viange lolonimbu viange ndeci ca lingaile Daviti isia ya Salomone.

I OLOSOMA 11:5

Momo Salomone wa kuama Asitorete, suku ya va Sitono, kuenda Milikome, umbondo wa va Amoni.

I OLOSOMA 11:7

Kemosi, umbondo wa Moavi, Salomone wo tungila utala komunda yo kutundilo wa Yerusalãi. Haico a lingila Moleke, umbondo wa va Amoni.

I OLOSOMA 16:31

Kokuaye, oku endela vakandu a Yerevoama, omõla a Nevata, lopo co lingila ndocina caño, oco wa kuela Isevele omõla a Etibaale Soma ya va Sitono, kuenje wa enda, wa vumba Baale, yu wo fendela.

II OLOSOMA 17:16

Va yanduluka ovihandeleko viosi via Yehova Suku yavo. Va litungila oviñumañuma via itilua ndokuti olonale vivali. Va panga ociñumañuma ca Asera. Va fendela olohoka viosi viokilu kuenda va vumba Baale.

II OLOSOMA 23:13

Soma wa vihisavo olonumbuko via kala kovaso ya Yerusalãi, kondio yomunda yeviho, vina Salomone Soma ya Isareli a tungilile Asitorete umbondo wa va Sitono, la Kemosi umbondo wa va Moavi, la Milikome umbondo wa va Amoni.

II ASAPULO 28:23

Wa lumbila olosuku vioko Damasko, vina vio yulile. Yu wa popia hati, Omo olosuku violosoma via Suria vi va kuatisa, oco ndi vi lumbila ha vi ñuatisa. Puãi via linga enyõleho liaye leli lia Isareli yosi.

OLOSAMO 106:36

Va vumba oviteka viavo via va lingile ndonjanjo.

ISAYA 23:4

A Sidono, ucikolo cokalunga, osõi yi ku kute omo okalunga ka popia, kati, Sia la kala lolongembia vioku cita, ndaño oku cita. Sia la pindisa akuenje, ndaño oku tekula afeko.

YEREMIYA 2:13

Momo omanu vange va linga ovina vivali vĩvi. Va ngu sia ame ndino yovava omuenyo, kuenje va lisokotuila atangi a toka toka, ka a kuata ovava.

YEREMIYA 2:20

Momo osimbu wa teya okanga yove kuenda wa tepa ovikolo viove, yu wa linga huti, Siu ku vumbi. Momo kolomunda viosi kuenje vemehi lioviti viosi via pulika wa pekela ndocipuepue.

YEREMIYA 32:23

Yu va iñilamo kuenje ya linga yavo. Puãi ka va pokuile kondaka yove, ka va endelele vovihandeleko viove; cosi wa va tuma oku linga ovo ka va ci lingile. Oco wa va nenẽla ũvi u wosi.

ESEKIELE 27:16

Suria wa fũla fũla love mekonda liokulua kukuasi wove. Wa ku landisa ovawe emeralda, lolonanga vi vumbula, lolonanga via mindaliwa, lolovalatanya lolomota vi kusuka, levi viovitulu ya fina.

ESINUMUĨLO 13:6

Nda manjove, wa tundi vimo limosi, pamue omõlove ulume, pamue omõlove ukãi, pamue ekamba liove lia soka ndomuenyo wove muẽle, pamue ukãi wove wa soliwa, o ku yonjela pulika, hati, Tu ende, tu vumbe olosuku viñi,— vina ku vi, ndaño ove ndaño olosekulu viove,—

ESINUMUĨLO 13:8

ku ka tave kokuaye, ndaño oku u yevelela. Ovaso ove ka ko fileko ocisõi, ndaño oku u popela, ndaño oku u limbukila,

ESINUMUĨLO 31:16

Yehova wa popia la Mose hati, Tala, ndopo ove o pekela lolosekulu viove. Kovaso yaco omanu valo o fetika oku linga ukahonga lolosuku wiñi viofeka oko va enda oku kala. Ame va njanduluka. Va nyõla ocisila cange nda lisila lavo.

ESINUMUĨLO 31:17

Oco onyeño yange yi va wengukila eteke liaco. Ndi va yanduluka, ndi va wundisila ocipala cange, kuenje va liwa. Ovina via lua vĩvi lohali vi va wila okuti eteke liaco va linga vati, Ovina viaco vĩvi hẽ ka via tu vetelele omo Suku yetu ka kasi pokatu ketu?

ESINUMUĨLO 32:15

Puãi Ukuesunga Isareli wa linetisa, wa tusula. Ove wa linetisa, wa sapa, wa kuta etimba lia salala. Oco wa yanduluka Suku, Usovoli waye. Yu wa pembula Handa yeyovo liaye.

YEHOSUA 13:31

Onepa ya Gileada la Asitarote la Edirei, ovaimbo ovusoma wa Oge ko Basiane, a tiamela komala va Makiri, omola a Manase, ndokuti konepa yomala va Makiri, ndapata avo.

LIOLONGANJI 10:5

Yairi wa fa, kuenje vo kenda ko Kamone.

LIOLONGANJI 11:24

Ku tambula nga ofeka ya ku iha suku yove Kemosi ha yi lingi yove? U wosi Yehova Suku yetu a tundisa kovaso etu, etu tu tambula ofeka yaye.

LIOLONGANJI 13:1

Va Isareli va linga vali eci cĩvi kovaso a Yehova. Kuenje Yehova wa va eca peka lia va Filisiti, akuĩ akuãla kanyamo.

LIOLONGANJI 16:23

Olombuale via va Filisiti via liongoluila oku lumbila suku yavo Dagoni ocilumba cinene, loku sanjuka, momo vati. Suku yetu wa eca unyali wetu Samisone peka lietu.

LIOLONGANJI 3:7

Va Isareli va linga eci cĩvi kovaso a Yehova. Va ivala Yehova Suku yavo, kuenje va vumba vo Baale la Asera.

LIOLONGANJI 4:1

Eci Ehudi a fa, va Isareli va linga vali eci cĩvi kovaso a Yehova.

LIOLONGANJI 6:1

Va Isareli va linga vali eci cĩvĩ kovaso a Yehova, kuenje Yehova wa va eca peka lia va Midiane anyamo epanduvali.

LIOLONGANJI 8:33

Tuli Gideone a fa, va Isareli va tianguluka, kuenje va linga ukahonga la Baale. Baale Beriti vo lingisa suku yavo.

I SAMUELE 5:2

Kuenje va Filisiti va yelula ocikasia covisila via Suku, va ci tuala vonjo ya Dagoni, va ci tumbika konẽle ya Dagoni.