LIOLONGANJI 10:16 - Embimbiliya - Bíblia Sagrada em Umbundu

¹⁶ Oco va tundisa olosuku viñi pokati kavo, kuenje va vumba Yehova. Leye ka tẽlele vali oku tutuiya ocikembe cutima waye kupongo wa Isareli.

LIOLONGANJI 10:16 Iomraidhean Croise

EFETIKILO 6:6

Oco Yehova Suku wa livela omo a lulika omunu kilu lieve; co vala vutima.

II OLOSOMA 13:23

Puãi Yehova wa vombokela, wa va linga ohenda wa va ivaluka mekonda liocisila caye la Avirahama la Isake la Yakoba. Ka yonguile oku va nyõla, ndaño toke cilo lopo ka va takumuĩle kovaso aye.

II ASAPULO 15:8

Eci Asa a yeva olondaka evi viocitumasuku cuprofeto Asariya, omõla a Odede, oco wa kuata utoi kuenje wa tundisa evĩho liosi vofeka yosi ya Yuda la Benjamini leli liovaimbo ana a pundile kolomunda via Efarimi, kuenda wa tumbulula utala wa Yehova, una wa kala kovaso yocindumba conjo ya Yehova.

II ASAPULO 33:15

Olosuku viamale lociteka, vonjo ya Yehova wa viupamo. Ovotala osi a tungilile komunda yonjo ya Yehova lo vo Yerusalãi, wa a inasila kosamua yimbo.

II ASAPULO 7:14

oco omanu vange, vana va tukuiwa londuko yange, nda va liketisa loku likutilila kuenda nda va sanda ocipala cange loku tinduka kolonjila viavo vivi, oco ame kilu njevako, kuenje ngecela ekandu liavo, ñayisa ofeka yavo.

OLOSAMO 73:21

Eci vutima mua tangeleka, okuti vokati mua suvala,

ISAYA 63:9

Olohali viavo viosi eye wa vi talelavo kumosi lavo. Hamungako pamue ungelo wa va popela, puãi eye muẽle wa kalako kuenje wa va popela. Wa va yovola locisola caye kuenda ohenda yaye, wa va yelula kuenje wa vambata oloneke viosi viosiãhũlu.

YEREMIYA 31:20

Efarimi hẽ, hamõlangeko wa soliwa? Hamõlako o sokoluiwa enene? Ndaño ndu pisa pisa haimo ndu wivaloka So. Oco utima wange wu kuetele ongeva, kuenje ndu linga ohenda. Oco ca popia Yehova.

HOSEA 11:8

A Efarimi, ndi litepa ndati love! Hu eca ndati, a Isareli! Nẽla ndati oku ku kundula ndeci nda linga la Adimah! Nẽla ndati oku linga love ndeci nda linga la Cevoyi! Utima wange ka u tava, ohenda yange yi tumbuluka loku omboka.

HOSEA 14:8

A Efarimi, ñuete hẽ nye loviteka? Ame, ame muẽle ndukuaku kumbulula, haime hu tata. Nda linga ndulemba u talala. Kokuange ku tunda esumũlũho liove.

MIKA 7:18

Helie Suku wa soka ndove, u ecela olohõle, haeye ivala okulueya kuocisupe cocipiñalo caye? Eye ka kala ño-o hũ lonyeño yaye momo o sanjukila ohenda locisola.

LUKA 15:20

Kuenje wa katuka, wa enda ku isiaye. Puãi osimbu a kasi handi kupala, isiaye wo mola, kuenje wo kuatela ohenda, wa lupuka, wo limbila posingo, yu wo sipula.

LUKA 19:41

Eci a sumĩhĩla ocipepi, kuenje wa mola imbo, oco wa li lilila.

YOANO 11:34

Yu wa pula hati, Wo langeki pi? Vo kumbulula vati, A Ñala, enju, ndo tale.

VA EFESO 4:32

Liombokeli pokati loku lilinga ohenda loku liecela pokati, ndomo Suku a weceli vu Kristu.

ESINUMUĨLO 32:36

Momo eci Yehova a mõla okuti unene wavo wa pua, leci a mõla okuti ka pa va supila ndaño umosi, ci kale upika, ci kale omamale, oco Yehova o tetuluila omanu vaye, kuenje o linga akuenje vaye ohenda.

VA HEVERU 3:10

Oco nda temelele ocitumbulukila caco. Nda popia siti, Va lueya lueya ño lovitima viavo. Ka va kũlĩhile olonjila viange.

VA HEVERU 4:15

Ka tu kuete ocitunda cinene okuti okuleñela kuetu ka ku u yevala, puãi tu kuete ocitunda ca yonjaiwa kovina viosi ndetu, haimo ka ca la linga ekandu.

YEHOSUA 24:23

Eye hati, Oco tundisi olosuku viñi vi kasi pokati kene. Tiamisi ovitima viene ku Yehova, Suku ya Isareli.

LIOLONGANJI 2:18

Olonjanja viosi eci Yehova a va katuila olonganji, Yehova wa kala kumue longanji yaco, kuenje wa va popela peka liovanyãli vavo, oloneke viosi vionganji yaco. Momo Yehova wa va kuatela ohenda oku yeva ndomo va leñaleña omo va sakalaisua lomo va talisua ohali.

I SAMUELE 12:10

Kuenje va vilikiya ku Yehova vati, Tua lueya omo tua yanduluka Yehova, tua vumba olosuku via Baale levi via Asitorete. Cilo puãi, tu popele peka liovanyali vetu oco tu ku vumba.

I SAMUELE 7:3

Oco Samuele wa popia lepata liosi lia Isareli hati, Nda ocili vu kasi loku livela lutima wene wosi oku tiukila ku Yehova, imbipo olosuku viosi via vakualofeka levi via Asitarote ho tiamisi ovitima viene ku Yehova loku u vumba eye lika. Kovaso eye u popeli povaka a va Filisiti.

I SAMUELE 7:4

Va Isareli yu va imbapo olosuku viosi via Baale levi via Asitarote kuenje va vumba lika Yehova.