LIOLONGANJI 10:14 - Embimbiliya - Bíblia Sagrada em Umbundu

¹⁴ Kuendi, ka vilikiyi kolosuku vina wa noli. Ovio viu popeli kohali yene.

LIOLONGANJI 10:14 Iomraidhean Croise

II OLOSOMA 3:13

Elisia wa popia la Soma ya Isareli hati, Ndi likuetele nye love? Kuende kovaprofeto va so lokovaprofeto va nyoho. Soma ya Isareli wa popia laye hati, Hacoko, momo Yehova wa kongela pamosi olosoma evi vitatu ha vi eci peka lia Moavi.

ISAYA 10:3

Vu linga ndati veteke lieyambulo kuenda vekungukungu li tunda ocipãla? Kulie vu tilila ho kuatisa? Kuenje ku pi vu sia ukuasi wene?

ISAYA 46:7

Va yambatela pocitãi, va yi tumbika kocitumãlo cayo, kuenje haiko yi talama; ka yi tẽla oku tunda vocitumãlo cayo. Nda umue o yi vilikiya ka yi tẽla oku kumbulula, ndaño oku u popela kohali yaye.

ISAYA 57:13

Eci o vilikiya owiñi woviteka viove u ku popele! Ofela yi vi ambata. Okafela katito ka enda lavio viosi. Puãi u o vunda kokuange o kuata ofeka kuenje o piñala omunda yange yi kola.

YEREMIYA 2:28

Puãi olosuku viene wa litungili vi kasi pi? Vi votoke, nda vi tẽla oku u popeli kohali yene. A Yuda, olosuku viove via lua, via lisoka lovaimbo ove.

ESEKIELE 20:39

Puãi ene, a vakuepata lia Isareli, ca popia Ñala Yehova ceci, hati, Tunde opo omunu omunu a ende, a ka vumbe oviteka viaye nda ka yongola oku njevelela. Puãi onduko yange yi kola ko ka yi sepuisi vali loviali viene loviteka viene.