LIOLONGANJI 10:13 - Embimbiliya - Bíblia Sagrada em Umbundu

¹³ Haimo wa njanduluki, wa vumbi olosuku viñi. Oco ame siu popeli vali.

LIOLONGANJI 10:13 Iomraidhean Croise

I ASAPULO 28:9

Love, amolange, a Salomone, kuliha Suku ya soyove, u vumba loku pua evelo kuenda lutima wove wosi. Momo Yehova o pendusola ovitima viosi, kuenje o limbuka ovipangelo viosi viovisimilo. Nda ove u sanda, eye o tava oku sangiwa love. Puãi nda u yanduluka, leye o ku takumũla ño hũ.

II ASAPULO 12:5

Oco uprofeto Semaya weya ku Rehovama lokolombuale via Yuda va liongoluilile Sisiake ko Yerusalãi. Wa popia lavo hati, Ca popia Yehova ceci, hati, Omo wa njanduluki, oco ame ndo weceli peka lia Sisiake.

II ASAPULO 15:2

Kuenje wa enda ku ñualẽhẽla la Asa, yu wa popia laye hati, ye a Asa, love a Yuda, la Benjamini yosi, njeveleli. Yehova o kala lene osimbu ene vu kalavo laye, kuenje nda vu u sandiliyi eye o tava oku sangiwa lene, puãi nda ene vu u yanduluki eye u yandulukivo.

II ASAPULO 21:10

Oco va Edome va ñualelapo uviali wa Yuda, toke etaili lilo. Koloneke viaco, Livina lia ñualelapovo uviali waye, momo eye wa yandulukile Yehova, Suku yolosekulu viaye.

YEREMIYA 2:13

Momo omanu vange va linga ovina vivali vĩvi. Va ngu sia ame ndino yovava omuenyo, kuenje va lisokotuila atangi a toka toka, ka a kuata ovava.

YEREMIYA 2:19

Evĩho liove liu ku longa, kuenda olukonyo luove lu ku yambula. Oco ci kũlĩha kuenda ci limbuka ove muẽle okuti okuyanduluka Yehova Suku yove kuvi kuenda ku lula. Ove ku ñuetele usumba. Oco ca popia Yehova Suku Ukualohoka.

YONA 2:8

Ava va sumbila ovina viaño viuhembi va sia ocikolo cavo cocili.

ESINUMUĨLO 32:15

Puãi Ukuesunga Isareli wa linetisa, wa tusula. Ove wa linetisa, wa sapa, wa kuta etimba lia salala. Oco wa yanduluka Suku, Usovoli waye. Yu wa pembula Handa yeyovo liaye.

LIOLONGANJI 10:14

Kuendi, ka vilikiyi kolosuku vina wa noli. Ovio viu popeli kohali yene.

LIOLONGANJI 2:12

Va yanduluka Yehova Suku yolosekulu viavo, una wa vopile vofeka yEgito. Va kuama olosuku viñi viopokati kolosuku violofeka via va ñuala, kuenda va vi fendela. Oco va wengula onyeño ya Yehova.

LIOLONGANJI 2:19

Puãi olonjanja viosi eci onganji ya fa, va tiukila konyima, kuenje va linga evi via puiya, via lingaile olosekulu viavo vi sule. Va kuama olosuku viñi, va vi vumba loku vi fendela. Lacimue ocituwa cĩvĩ va imbapo, pamue olonjila viavo viumbinde.