LIOLONGANJI 1:23 - Embimbiliya - Bíblia Sagrada em Umbundu

²³ Epata lia Yosefe lia tuma oku kũlĩhĩsa Betele. Osimbu ale imbo liaco lia tukuiwile Lusi.

LIOLONGANJI 1:23 Iomraidhean Croise

EFETIKILO 28:19

Yu wa luka onduko yusenge waco hati, Betele, puãi onduko yimbo liaco kefetikilo ya kaile Lusi.

EFETIKILO 35:6

Oco Yakoba weya ko Lusi, ca lomboloka ko Betele vofeka ya Kanana, eye lomanu vosi va kala laye.

EFETIKILO 48:3

Yakoba yu wa popia la Yosefe hati, Suku Ukuonenewosi wa nukulukila ko Lusi kofeka ya Kanana, wa sumũluisa,

YEHOSUA 16:1

Ocela ca va Yosefe copisa ko Yordão, ocipepi la yeriko, kutundilo wovava a Yeriko. Ongave yaco ya pita vekalasoko liopisila ko Yeriko toke kolomunda vi lisungue la Betele.

YEHOSUA 16:2

Oku tunda ko Betele, ya enda ko Lusi, yu ya vambala kAtaroti, kongave ya va Ariki.

YEHOSUA 18:13

Oku tundako, ongave ya pita ko Lusi, ko Sul ya Lusi, hailio Betele. Noke ya pita komunda yi kasi ko Sul ya Bete Horone yokombuelo, kuenje ya lokila kAtaroti Adara.

YEHOSUA 2:1

Yehosua, omõla a Nune, wa katula alume vavali ko Sitimi, wa va tuma uyombeki ndolondavululi, hati, Kuendi, kũlĩhisi ofeka kuenda Yeriko. Oco va enda, veya konjo yocipuepue cimue, onduko yaco Rahava, haiko va sikĩla.

YEHOSUA 7:2

Yehosua wa tuma alume, va tunda ko Yeriko ha va endi ko Hai, yi lisungue la Betavene, kutundilo wa Betele, yu wa popia lavo hati, Kuendi, kũlĩhisi ofeka. Oco alume va enda kuenje va kũlĩhisa Hai.

LIOLONGANJI 1:22

Epata lia Yosefe laliovo lia katukila Betele, kuenje Yehova wa kala kumue lavo.

LIOLONGANJI 18:2

Va dani va nola kapata avo osi alume vatãlo vakuotõi. Va tunda ko Sora lo kEsitaole, va va tuma oku kũlĩhisa ofeka loku yi nyula. Va popia lavo vati, Kuendi, nyuli ofeka. Oco va pitila kolomunda via Efarimi, konjo ya Mika, kuenje oko va sikĩla.