I SAMUELE 8:3 - Embimbiliya - Bíblia Sagrada em Umbundu

³ Omãla vaye valume puãi ka va endelele volonjila viaye, va pambukila olombongo, va tambola ovitukiko kuenje va pengisa esunga.

I SAMUELE 8:3 Iomraidhean Croise

II SAMUELE 15:4

Avisalome wamisako vali, hati, Ya, ame nda nda kaile onganji vofeka, nda wosi weya kokuange londaka nda wa sanga esunga.

OLOSAMO 15:5

Ka levalisa olombongo viaye losindike. Ka tambula ovitukiko vioku pisa u ka kuete eko. U o lingainga ovina evi ka sengiwa vali.

OLOSAMO 26:10

Povaka avo pa kasi evĩho. Ovaka avo ondio e yuka ovitukiko.

ETUNDILO 18:21

Kuenda vali pokati komanu vosi o nolapo alume vamue va sunguluka, haivo va sumbila Suku, alume vocili, haivo va suvuka ovitukiko. Omanu va tepisua kovisoko. Ovisoko viaco vi kala ndomo, vimue lohulukãi ohulukãi, vimue locita ocita, vimue lakui atãlo, vimue lekui ekuĩ. Lomanu va nolĩwa ovo va linga asongui vovisoko viaco.

ETUNDILO 23:6

Ka ci tava oku pengisa esunga lia sesamẽla ondaka yosuke yove.

ETUNDILO 23:8

Ka ci tava oku tambula ovitukiko omo ovitukiko vi kokela olonganji upeke, kuenje vi pengisa olondaka viava va kuete esunga.

UKUNDI 2:19

Kuenje elie wa kuliha nda hẽ eye o kala ukualondunge ale, ele eveke? Haimo eye o viala cosi nda ci talavayela lolondunge vemi liekumbi. Eci lacovo esanda.

ISAYA 1:23

Olombiali viene violonamalãla haivio via linãla lovimunu. Viosi vi sole ovitukiko kuenje vi kuama olombanjaile. Ka vi lingi olonganji violosiwe, ndaño ondaka yocimbumba ka yiya kokuavo.

ISAYA 33:15

U endaenda lesunga kuenda o popia popia eci ca sunguluka, haeye o pembula onganyu yundiandia, kuenje o tutumula ovaka aye sanga a lamba kovitukiko, loku sitika ovatũi okuti ka yevi ondaka yoku pesela osonde, kuenda o patako okuti ka mõli cĩvi,—

MIKA 3:11

Akulu vaco va tetuluila olondaka lovitukiko. Ovitunda viaco vi longisila ofeto. Ovaprofeto vaco va piluila olombongo, haimo va kunamẽla ku Yehova, kuenda vati, Yehova hẽ, ka kasi pokati ketu? Oco lacimue cĩvi ciya kokuetu.

ESINUMUĨLO 16:19

Ka ci tava oku pengisa esunga ndaño oku amẽla omunu. Ka ci tava oku tambula ovitukiko, momo ovitukiko vi sitika ovaso a vakualondunge, kuenje vi fisa olondaka via vakuesunga.

I TIMOTEO 3:3

ka ka kolue, ka ka yambule loku veta, a lungule puãi loku unjuka, ka ka hoye, ka ka sole olombongo,

I TIMOTEO 6:10

Momo ocisola coku sola olombongo oco olumbombo luavĩho osi. Vamue oku pindamua laco va yapuka vekolelo, kuenje va litoma lohali ya lua.

I SAMUELE 12:2

Cilo tali, osoma yi pita kovaso ene. Ame nda kuka, haime ndukuawele, lomala vange vava va kasi lene. Ame nda pita pita kovaso ene tunde kutila wange toke ketaili lilo.

I SAMUELE 2:35

Kuenje ndi likatuila ame muẽle ocitunda cocili, eye o lingainga ndovisimilo viange lolonjongole viange. Ndu muisa epata ka li pui. Kuenje o kala ño hũ kovaso ombuavekua yange.