I SAMUELE 7:8 - Embimbiliya - Bíblia Sagrada em Umbundu

⁸ Va Isareli va livondela la Samuele vati, Ku ka liweke oku tu likutilala ku Yehova Suku yetu okuti o tu popela povaka a va Filisiti.

I SAMUELE 7:8 Iomraidhean Croise

ISAYA 37:4

Mbi Yehova Suku yove wa yeva olondaka via Ravesiake una cime caye, Soma ya Asuria, a tuma oku fuanguila Suku yomuenyo, kuenda vali mbi Yehova Suku yove o yambuila olondaka viaco a yeva; oco likutililila ocisupe ca sialapo.

ISAYA 62:1

Mekonda lia Siono, si ũha. Mekonda lia Yerusalãi, si puyuka toke esunga li tua ndocinyi, kuenda eyovo liaye li linga ndondiyelo yi taima.

YEREMIYA 27:18

Ovo, nda ovaprofeto vocili, kuenje nda ondaka ya Yehova yi kasi lavo, va pinge Yehova Ukualohoka okuti ovikuata via siala vonjo ya Yehova, kuenda vonjo ya Soma ya Yuda, kuenda vo Yerusalãi, ka vi endi ko Bavulono.

YEREMIYA 42:2

Va popia laye vati, Tueya kokuove lepingilo lietu. Etu tucisupe ca sialapo tua pinga okuti o tu likutilila ku Yehova, Suku yove. Momo tua kaile va lua puãi tua siala vatito, ndeci ove o tu lete.

TIAGO 5:16

Oco, litaveli pokati akandu ene loku likutililila pokati okuti vu veluisua. Ohutililo yukuesunga o likutilila lutima wosi yi muisa unene wa Suku.