I SAMUELE 7:3 - Embimbiliya - Bíblia Sagrada em Umbundu

³ Oco Samuele wa popia lepata liosi lia Isareli hati, Nda ocili vu kasi loku livela lutima wene wosi oku tiukila ku Yehova, imbipo olosuku viosi via vakualofeka levi via Asitarote ho tiamisi ovitima viene ku Yehova loku u vumba eye lika. Kovaso eye u popeli povaka a va Filisiti.

I SAMUELE 7:3 Iomraidhean Croise

EFETIKILO 35:2

Yakoba yu wa pañinya onjo yaye lomanu vosi va kala laye hati, Imbipo olosuku viakombe vina vi kasi pokati kene, liyelisi ho pongolola uwalo wene.

I OLOSOMA 11:33

Momo va njanduluka, va fendela Asitorete suku ya va Sitono, la Kemosi suku ya va Moavi, la Milikome, suku ya va Amoni. Ka va endelele volonjila viange. Ka va lingile eci ca sunguluka kovaso ange, loku lava ovisila viange lolonimbu viange ndeci ca lingaile Daviti isia ya Salomone.

I OLOSOMA 8:48

nda va kondokela kokuove lutima wavo wosi lomuenyo wavo wosi vofeka yovanyali vavo vana va va tuala kumandekua, kuenje nda va likutilila loku imba ovaso kofeka yavo, yina wa ecele kolosekulu viavo, lokimbo lina wa nola lokonjo nda tungila onduko yove;

II OLOSOMA 17:39

Puãi sumbi Yehova Suku yene. Leye u popela peka liovanyali vene vosi.

II OLOSOMA 23:15

Kuenda vali utala wo ko Betele lonumbuko yina ya pangele Yerevoama omõla a Nevata, una wa kokela Isareli oku lueya, utala waco lonumbuko yaco, wa vi leñula. Wa yoka onumbuko, wa yi keleketa toke ya linga oneketela. Wa yokavo Asera.

I ASAPULO 22:19

Kaliye likapeli oku sanda Yehova Suku yene longusu yene yosi lutima wene wosi. Oco katuki, tungi onembele ya Yehova Suku, ho nena ocikasa covisila via Yehova, kumue lovikuata vi kola via Suku vonjo yi laika oku tungilua onduko ya Yehova.

I ASAPULO 28:9

Love, amolange, a Salomone, kuliha Suku ya soyove, u vumba loku pua evelo kuenda lutima wove wosi. Momo Yehova o pendusola ovitima viosi, kuenje o limbuka ovipangelo viosi viovisimilo. Nda ove u sanda, eye o tava oku sangiwa love. Puãi nda u yanduluka, leye o ku takumũla ño hũ.

II ASAPULO 19:3

Haimo lumue kokuove kua sangiwa vimue viwa, okuti wopa oviteka via Asera vofeka kuenda wa kapa utima wove oku sanda Suku.

II ASAPULO 20:33

Haimo lumue, olonumbuko ka viopilueko, momo omanu lopo ka va tiamisile ovitima viavo ku Suku yolosekulu viavo.

II ASAPULO 30:19

u wosi wa kapela utima waye oku sanda Suku Yehova, Suku yolosekulu viaye, ndaño ka kuete onjelo yina yi sesamela vocitumãlo ci kola.

OLOSAPO 16:1

Ovisimilo viutima vi kasi komunu, puãi etambululo lielimi li tunda ku Yehova.

ISAYA 55:7

ukuakulinga cĩvi a sie ocituwa caye, u ka lingi esunga a liweke ovisimĩlo viaye, a tiukile ku Yehova, kuenje u linga ohenda, ku Suku yetu kuenje o wecela ca lua.

YEREMIYA 24:7

Ndi va ĩha utima woku ndimbuka okuti ame ndi Yehova; oco va linga omanu vange, kuenje ame ndinga Suku yavo, momo va tiuka kokuange lutima wavo wosi.

YEREMIYA 36:3

Mbi epata lia Yuda li tava oku yeva ovina viosi nda panga oku vi linga, okuti vosi va tinduka, omunu omunu konjila yaye yivi, kuenje ndi va ecela evĩho liavo lakandu avo.

YEREMIYA 4:1

A Isareli, nda o tiuka, nda o tiuka muẽle kokuange, loku inasi ovombanda ene okuti si a mõli vali, kuenda nda ku tungayala vali,

ESEKIELE 14:6

Oco popia lepata lia Isareli huti, Ca popia Yehova Suku ceci, hati, Tiuki. Imbipo oviteka viene. Tinduli ovipala viene kovombondo ene osi.

ESEKIELE 18:31

Imbipo oku lueya kuene kuosi kuna wa ndueyeli. Kuati utima wokaliye lespiritu liokaliye. Vu fila nye, apata lia Isareli?

HOSEA 14:1

A Isareli, tiukili ku Yehova Suku yene, momo wa kupukili akandu ene.

MATEO 15:8

Omanu ava va sumbila ño lovimẽla viavo, puãi ovitima viavo vi kasi ocipãla lame.

MATEO 4:10

Oco Yesu wa popia lalio hati, A Satana, tundapo, momo ca sonehiwa citi, Fendela Yehova Suku yove, eye lika o vumba.

MATEO 6:24

Lomue o tẽla oku vumba vacime vavali, momo pamue umue u suvuka lukuavo u sola, pamue o sumbila umue lukuavo u lavisa. Ko tẽla oku vumba Suku kuenda ukuasi.

LUKA 4:8

Yesu wa li kumbulula hati, Ca sonehiwa citi, Fendela Ñala Suku yove, eye lika o vumba.

YOANO 4:24

Suku Espiritu kuenje ca sesamela ava vo fendaila oku u fendela lespiritu locili.

ESINUMUĨLO 10:20

Sumbila Yehova, Suku yove, loku u vumba, eye u kakatela, loku lisila londuko yaye.

ESINUMUĨLO 13:4

Kuami Yehova, Suku yove, loku u sumbila. Pokola kovihandeleko viaye, loku sumbila ondaka yaye. Eve muẽle o vumba, loku kakatela kokuaye.

ESINUMUĨLO 4:29

Puãi haiko vu vanjiliyila Yehova Suku yene kuenje nda vu u vanjiliya lutima wene wosi lomuenyo wene wosi vu u sanga.

ESINUMUĨLO 6:13

Sumbila Yehova Suku yove; eye o vumba; kuenje oku lisila, lisila londuko yaye.

YEHOSUA 13:31

Onepa ya Gileada la Asitarote la Edirei, ovaimbo ovusoma wa Oge ko Basiane, a tiamela komala va Makiri, omola a Manase, ndokuti konepa yomala va Makiri, ndapata avo.

YEHOSUA 24:14

Oco cilo sumbi Yehova. U vumbi lutima wosi locili. Tundisi olosuku vina via vumbile olosekulu viene kesinya liolui lo kEgito. Kuenje vumbi Yehova.

YEHOSUA 24:23

Eye hati, Oco tundisi olosuku viñi vi kasi pokati kene. Tiamisi ovitima viene ku Yehova, Suku ya Isareli.

LIOLONGANJI 10:16

Oco va tundisa olosuku viñi pokati kavo, kuenje va vumba Yehova. Leye ka tẽlele vali oku tutuiya ocikembe cutima waye kupongo wa Isareli.

LIOLONGANJI 10:6

Va Isareli va linga vali eci cĩvi kovaso a Yehova. Va vumba vo Baale, lAsitarote, lolosuku via Suria, lolosuku via Sidono, lolosuku via Moavi, lolosuku via va Amoni, lolosuku via va Filisiti. Va yanduluka Yehova, ka vo vumbile.

LIOLONGANJI 2:11

Va Isareli va linga eci cĩvĩ kovaso a Yehova, kuenje va vumba vo Baale.

LIOLONGANJI 2:13

Va yanduluka Yehova, va vumba Baale la Asitarote.

I SAMUELE 31:10

Va kapa ovimaleho viaye vonembele ya Asitorete. Va valela etimba liaye kocimbaka ca Betesiane.