I SAMUELE 5:9 - Embimbiliya - Bíblia Sagrada em Umbundu

⁹ Eci va ci tualako eka lia Yehova lia veta imbo liaco kuenje kueya efengi linene, alume vosi vo vimbo lamalehe lolosekulu, va vela ovipumbu.

I SAMUELE 5:9 Iomraidhean Croise

OLOSAMO 78:66

Wa sandula ovanyali vaye. Wa va muisa efuki ka li pui.

AMOSI 5:19

Li soka ndulume o tila ohosi kuenje ongue yi tokeka laye, pamue ndulume iya konjo yaye, o kuatelela kocimano leka, kuenje onyõha yu lumana.

ESINUMUĨLO 2:15

Momo eka lia Yehova lia va veta kuenje lia va nyõla toke vocilombo mua pua asualali.

I SAMUELE 12:15

Puãi nda ka vu yevelela kondaka ya Yehova, nda vu ñualelapo ocihandeleko ca Yehova, oco eka lia Yehova liu pongolokelimo ene losoma yene.

I SAMUELE 5:10

Oco va tuma ocikasia ca Suku ke Ekirone. Puãi eci ocikasia ca Suku ceya ke Ekirone oco va Ekirone va vilikiya vati, Va tu nenela ocikasia ca Suku ya va Isareli ha ci tu ipãla etu lomanu vetu.

I SAMUELE 5:11

Oco vongolola olosungu viosi via va Filisiti, vati, Tumi kupãla ocikasia ca Suku ya va Isareli. Ci tiukile muẽle komangu yaco, okuti ka ci nyõli vali ndaño omanu vetu. Momo imbo liosi lia sakalala eci ca kãla enene. Eka lia Suku lia va veta enene.

I SAMUELE 5:6

Eka lia Yehova lia veta omanu va Asidode. Wa va yokokisa, kuenje wa asa ovipumbu va Asidode lovikanjo viaco viosi.

I SAMUELE 6:11

Va kapa ocikasia ca Yehova vekãlu, va kapavo ocikasia omu mua endela oviñumañuma violomuku viulu levi viovipumbu.

I SAMUELE 7:13

Oco va Filisiti va yuliwa, ka veyile vali kofeka ya va Isareli, kuenje eka lia Yehova lia veta va Filisiti oloneke viosi via Samuele.