I SAMUELE 4:4 - Embimbiliya - Bíblia Sagrada em Umbundu

⁴ Oco omanu va tuma ko Silo, va nena ocikasa covisila via Suku yolohoka, haeye wa tumãla kilu lia va Keruvi. Lomãla vavali va Eli, Hafeni la Finehase, va kala locikasia covisila via Suku.

I SAMUELE 4:4 Iomraidhean Croise

II SAMUELE 15:24

Sadoke la Aviatare va kala laye. Vambata ocikasia covisila via Suku. Va tula ocikasia ca Suku toke omanu vosi va pita oku tunda vimbo.

II SAMUELE 6:2

Daviti wa katuka, wa enda kumosi lomanu vosi va kala laye ko Baale Yuda, wa enda oku kopa ocikasia ca Suku ca kalako. Ocikasia caco ca lukiwa londuko ya Yehova Ukualohoka. Eye, Yehova Ukualohoka, o tumala ndosoma kilu lia vakeruvi.

II OLOSOMA 19:15

Hesekiya wa likutilila ku Yehova hati, A Yehova Suku ya Isareli, ukuakutumala pokati ka vakeruvi, ove lika, ove Suku yovosoma osi okilu lieve, haive wa panga ilu losi.

OLOSAMO 80:1

Yevelela, ongombo wa Isareli. Ove o songuila Yosefe ndocunda colomeme. Okuakutumãla ko va Keruvi, litukulula

OLOSAMO 80:2

kovaso a Efarimi la Benjamini kuenda Manase. Pindula ongusu yove. Enju o tu popele.

OLOSAMO 99:1

Yehova o viala, olofeka vi lulume. Wa tumala ko va Keruvi. Ongongo yi lisenge.

ISAYA 37:16

A Yehova Ukualohoka, Suku ya Isareli, o kasi kilu lia va Keruvi; ove lika wove u Suku yovoviali osi o kilu lieve; ove wa lulika ilu losi.

MALAKIYA 1:9

Cilo, likutilili ku Suku okuti o tu linga ohenda. Locilumba ndoco hẽ u lingi ohenda? Oco ca popia Yehova Ukualohoka.

ATENDELO 4:15

Eci Arone lomãla vaye va mãla oku sikĩlĩla ocitumãlo ci kola lovikuata viosi viocitumãlo ci kola, kuenje ocilombo lacovo ca longeka ale, oco va Kohata veya noke oku vi yelula. Puãi ka va lambi kovina vi kola sanga va fa. Evi ovio ovikuata viombalaka yoku ñualehela la Yehova viambatiwa la va Kohata.

ATENDELO 4:5

Eci ocilombo ci votoka, Arone lomãla vaye veñila kuenje va tulula ongumbo yoku vindikiya, va sikĩlĩla layo ocikasia covisila.

ATENDELO 7:89

Eci Mose a iñila vombalaka yoku ñualehela la yehova oku vangula la Yehova, oco a yeva ondaka ya popia laye, ya tundilila kilu liomangu yohenda ya kala kilu liocikasia covisila, pokati ka va Keruvi vavali, oco ya popia laye.

I SAMUELE 1:24

Oco, eci wo sumula wa enda laye, wambatavo ongombe yanyamo atatu lefa limosi liosema locipa covinyu. Wo tuala konjo ya Yehova ko Silo. Lomõlaco omõla muele.

I SAMUELE 14:3

kuenda vali Ahiya omõla a Ahituva, manja a Ikabode, omõla a Finehase, omõla a Eli, ocitunda ca Yehova ko Silo. Eye wambata efonde. Omanu ka va kũlĩhĩle okuti Yonatão wa enda.

I SAMUELE 2:22

Cilo Eli wa kuka ca lua. Wa yeva ndomo omãla vaye valume va kala loku linga vofeka yosi ya Isareli. Wa yeva ndomo va pekaila lakãi va vumba vumba kuvelo wombalaka yoku ñualehela la Suku.