I SAMUELE 4:3 - Embimbiliya - Bíblia Sagrada em Umbundu

³ Eci va Isareli veya vali kocilombo cavo oco akulu vavo va va pula vati, Suku wa tu lunduililila nye etaili kovaso a va Filisiti? Tu kopi ocikasia covisila via Yehova ci kasi ko Silo, tu ci nena kulo okuti eye o kala pokati ketu loku tu popela kongusu yovanyãli vetu.

I SAMUELE 4:3 Iomraidhean Croise

II SAMUELE 15:25

Noke Soma wa popia la Sadoke hati, Tuala vali vimbo ocikasia ca Suku. Nda Suku wa sanjukila o niula vali, kuenje ndi ci mõla vali. Mõlavo vali ocitumãlo caye ci kola.

I ASAPULO 17:1

Eci Daviti a kala vonjo yaye, Daviti wa popia luprofeto Natana hati, Tala, ame ñasi vonjo yovinendele, puãi ocikasa covisila via Yehova ci kasi ño vombalaka.

OLOSAMO 74:1

A Suku, o tu takumowaila nye? Nye onyeño yove ya tuimilila olomeme viusenge wove?

OLOSAMO 74:11

Nye o tiuwila eka liove? Nye o solekela eka liove liondio vonete?

ISAYA 50:1

Ca popia Yehova ceci, hati, Ukanda woku nyãla nyõho, una ndo nyãla lawo, u kasi pi? Pokati kolondevalisi viange kulie nda ku landisa? Tala, wa landisilui olohole viene, nyõho wa nyãlĩwila okulueya kuene.

ISAYA 58:3

Va popia vati, Nye tua likandangiyila okulia, ove yu kua ci muĩle? Nye tua liketisila, ove yu kua ci limbukile? Tali, eteke liokulikandangiya kuene okulia, vu ci lingila esanju liene kuenje vu sakalaisa ño vakuopange vene.

ISAYA 59:1

Tala, eka lia Yehova ka lia tepulukile okuti ka li tẽla oku popela, ndaño etui liaye ka lia sitikilue okuti ka li tẽla oku yeva;

ISAYA 59:2

puãi olohole viove via ku tepa la Suku yove, akandu ove a ku vundisila ocipala caye okuti ka yevi.

YEREMIYA 3:16

Yehova wa linga hati, Noke eci vu licita kuenda wa lui vofeka, oco voloneke viaco ka va ka tukola vali ocikasa covisila ca Yehova, ka va ci sololola vali, ka va ci ivaluka vali, ka va ci kuatela vali ongeva, ka va ci tungi vali.

YEREMIYA 7:4

Ko ka koleli olondaka viuhembi vioku linga hoti, Yilo oyo onembele Yehova, yilo oyo onembele ya Yehova, yilo oyo onembele ya Yahova.

ATENDELO 10:33

Oco va tunda komunda ya Yehova kuenje va enda ungende woloneke vitatu. Loloneke viaco vitatu ocikasia covisila via Yehova ca va pitila kovaso, oku sanda apa va puyukila.

ATENDELO 10:35

Kuenda vali posi ocikasia ca tundila, Mose wa popia hati, A Yehova, votoka! Ovanyali vove va sanduke. Ava va ku suvuka va ku tile.

ATENDELO 31:6

Oco Mose wa va tuma kovita okuti kepata ohulũkãi, kepata ohulũkai. Wa va tuma kumosi la Finehase, omõla ocitunda Eleasa. Mose wa kundika ku Finehase ovikuata viocitumãlo ci kola kuenda olombeta vioku sikila ocilunga.

ESINUMUĨLO 29:24

oco vakualofeka viosi va pula vati, Nye Yehova a lingila ndomo lofeka eyi? Onyeño eyi ya lua haiyo ya tokota ya lomboloka ndati?

ESINUMUĨLO 31:26

Nyañuli elivulu lilo liovihandeleko. Li kapa konẽle yocikasia covisila via Yehova, Suku yene, okuti li linga ombangi yoku vu pisa.

II TIMOTEO 3:5

Va limolehisa nda vakuekolelo lioku kolela Suku, puãi va likala unene walio. Oco litepa lavo.

VA HEVERU 9:4

Vohondo yaco yovokati mua kala ociyukilo culu cinsensu locikasa covisila ca lañiwa lulu kolonele viosi. Vokati kaco mua kala ombia yulu omu mua kapiwa mana, kuenda ombueti ya Arone yina ya yova, lovawe ocisila.

YEHOSUA 4:7

oco vu va kumbulula hoti, Ovava a Yordão a kotokelele kovaso yocikasa covisila via Yehova. Eci ca yoka Yordão, oco ovava a Yordão a kotuiwile. Ovawe a, ku va Isareli a linga ndonjivaluko oloneke ka vi pui.

YEHOSUA 6:6

Oco Yehosua, omõla a Nune, wa kovonga ovitunda, wa popia lavo hati, Yeluli ocikasa covisila. Ovitunda epanduvali viambate anguena epanduvali olombinga viovitupi, kuenje vi pite kovaso yocikasa ca Yehova.

YEHOSUA 7:7

Yehosua wa popia hati, Avoyo we, a Yehova Suku! Nye wa yokisila omanu ava Yordão, hu tu eci peka lia va Amori loku tu takisa? Nda tua sanjukilile ño oku tumala sinya olio lia Yordão, nda hĩse.

YEHOSUA 7:8

A Yehova, mopia nye? Momo va Isareli va imba onyima ovanyali vavo, va tila.

I PETULU 3:21

Eci ci linga ocisetahãi cepapatiso. Cilo epapatiso liu popela, omo Yesu Kristu a pinduka. Ka li popela ndoku yuisa etimba lia liña, puãi li lekisa oku pinga okuti Suku o wihi utima we lipua.

YUDA 1:5

Kaliye, ndaño wa kũlĩhi ale ovina evi viosi, haimo njongola oku wivaluisi okuti, una wa popela omanu kofeka ye Egito haeye, noke, wa nyõla vali ava ka va tavele.

I SAMUELE 1:24

Oco, eci wo sumula wa enda laye, wambatavo ongombe yanyamo atatu lefa limosi liosema locipa covinyu. Wo tuala konjo ya Yehova ko Silo. Lomõlaco omõla muele.

I SAMUELE 14:18

Saulu yu wa popia la Ahiya hati, Nena kulo efonde lia Suku. Momo kotembo yaco eye wambayata efonde kovaso a va Isareli.

I SAMUELE 4:2

Va Filisiti va lialekela va Isareli. Eci va liyaka oco va Isareli va yuliwa la va Filisiti. Va ipãliwa la va Filisiti vovita viaco va tẽla olohũlukãi vikuãla vialume.