I SAMUELE 26:9 - Embimbiliya - Bíblia Sagrada em Umbundu

⁹ Daviti puãi wa popia la Avisiai hati, Ku ko wipaye. Helie o tẽla oku oluila eka liaye ombuavekua ya Yehova loku pua eko?

I SAMUELE 26:9 Iomraidhean Croise

II SAMUELE 1:14

Daviti wa popia laye hati, Ci kasi ndati okuti kua kaile lusumba woku olõla eka oku nyõla ombuavekua ya Yehova?

II SAMUELE 1:16

Daviti wa popia laye hati, Osonde yove ya peseka ya pesekela ongole yove muẽle omo omela wove muẽle wa ku imbila uvangi uti, Nda ipaya ombuavekua ya Yehova.

II SAMUELE 19:22

Daviti puãi hati, Ene, amãla va Ceruya, ndo lingi nye okuti etali wa lingi ovanyãli vange?? Vo Isareli etali nga mu pondiwa umue? Ame he, sia kulihile okuti etali nda linga Soma ya va Isareli?

OLOSAMO 105:15

hati, Ko ka lambi kolombuavekua viange. Ko ka lingisi ovaprofeto vange.

OLOSAMO 17:4

Kondaka yovilinga viomanu, omo nda pokola kondaka yomela wove, nda yuvula olonjila viocinyõi.

OLOSAMO 57:1

Ndinge ohenda, a Suku, ndinge muẽle ohenda, momo utima wange u wunda kokuove. Mbunda vundembo wavava ove toke otokua eyi yenyõleho yi pita.

OLOSAMO 7:4

nda nda muisile ekamba liange cĩvi, pamue nda nda pundile olivova unyali wange;

I SAMUELE 10:1

Samuele wa nyañula okacitau kulela, wo witila kutue waye, wo sipula, hati, Yehova hẽ, ka ku wavekele okuti o linga osoma yomanu vaye va Isareli? Ove o viala omanu va Yehova, haive o va popela peka liovanyali vavo va va ñuala. Eci cu ku lingila ondimbukiso okuti Yehova wa ku waveka hu lingi Soma yocipiñalo caye.

I SAMUELE 12:3

Cilo amilo, misili kovaso a Yehova, kuenda kovaso ombuavekua yaye. Ongombe yelie nda punda? Ocimbulu celie nda punda? Pamue helie nda liaña. Helie nda kangisa? Pamue kulie nda tambula ovitukiko ha vi sitika vovaso? Misi laco kuenje ndi ci tiula.

I SAMUELE 26:8

Avisiai wa popia la Daviti hati, Suku wa eca unyali wove peka liove etaili. Oco cilo, tava okuti ndu tomẽla posi lonjelia onjanja yimosi, siu tomi luvali.