I SAMUELE 22:3 - Embimbiliya - Bíblia Sagrada em Umbundu

³ Daviti wa tundako kuenje wa enda ko Misipa ko Moavi. Wa popia losoma ya Moavi hati, Ñasi oku ku pinga okuti tate la mai va kala love toke ñuliha eci Suku o linga lame.

I SAMUELE 22:3 Iomraidhean Croise

EFETIKILO 47:11

Oco Yosefe wa tungisa isiaye la vahuvaye, wa va iha ocitumãlo vofeka ya Ramesese, oyo onele ya velapo yofeka yosi ye Egito. Wa linga ndomo Fareo o sapuila.

II SAMUELE 8:2

Wa yulavo va Moavi. Wa va kapa kovilala loku va pekelisa posi. Wa tepapo ovilala vivali, hati, Va fe. Ulala umosi wo supisapo. Va Moavi va linga akuenje va Daviti kuenje vo lambuila ulambu.

ETUNDILO 20:12

Sumba so la nyõho oco oloneke viove vi lue vofeka yina yi ku iha Yehova Suku yove.

I TIMOTEO 5:4

Nda kuli ocimbumba ci kuete omãla pamue olonekulu, omãla vaco kuenda olonekulu va lilongise okuti ocikele catete cukuetavo oku kuatisa epata loku tiuwilako olonjali viavo, momo oco ca sunguluka ku Suku.

LIOLONGANJI 11:29

Oco Espiritu lia Yehova lia wila Yefita. Yu wa tomẽla ko Gileada la Manase, wa pita ko Misipa ya Gileada, wa katukila va Amoni.

RUTI 4:10

Nda landavo Ruti u Moavi, ukãi wukuakuenda Mahilona, ha lingi ukãi wange, okuti onduko yukuakuenda ka yivaliwa la vamanjaye pamue la vakuakuviala vimbo liavo. Ene muẽle wa lingi olombangi viaco etaili.

RUTI 4:17

Oco akãi va lisungue laye vo sapa onduko vati, Ku Naomi kua citiwa omõla ulume. Kuenje vo luka onduko vati, Ovede. Eye isia ya Jese, isia ya Daviti.

I SAMUELE 14:47

Eci Saulu a viala va Isareli wa yaka lovanyãli vaye kolonẽle viosi, wa yaka la va Moavi, la va Amoni, kuenda va Edome, lolosoma via Cova, la va Filisiti, kuosi a endela wa va yula.

I SAMUELE 22:2

Kuenje vosi va kala kohali yimue, la vosi va sakalala lolofuka kuenda vosi va suvala, vongolokela kokuaye, eye wa linga usongui wavo. Alume va kala laye va tẽla ovita vikuãla.

I SAMUELE 22:4

Oco wa va sia la Soma ya Moavi. Va kala laye otembo yosi Daviti a kala vocikolo.

I SAMUELE 3:18

Samuele yu wo sapuila cosi, ko limbikile cimue. Kuenje Eli hati, Eye muẽle Yehova. A linge eci co sungulukila.