I SAMUELE 22:2 - Embimbiliya - Bíblia Sagrada em Umbundu

² Kuenje vosi va kala kohali yimue, la vosi va sakalala lolofuka kuenda vosi va suvala, vongolokela kokuaye, eye wa linga usongui wavo. Alume va kala laye va tẽla ovita vikuãla.

I SAMUELE 22:2 Iomraidhean Croise

II SAMUELE 17:8

Husiai wa popiavo hati, Ove wa ci kũliha okuti so lalume vaye vakualohõlo. Cilo, vovitima viavo va tema ndongue ya nyehiwa omãla vayo vusenge. Kuenda vali, so wa lunguka enene kovita. Ka lala lomanu.

II SAMUELE 5:2

Konyima, eci Saulu a kala Soma yetu, ove, ove wa songowaila va Isareli kolongenda viavo viosi. Kuenje Yehova wa popia love hati, Ove o linga ungombo womanu vange va Isareli, o lingavo Soma ya va Isareli.

II OLOSOMA 20:5

Tiuka, popia la Hesekiya, ombiali yomanu vange, huti, Ca popia Yehova, Suku ya so Daviti, ceci, hati, Nda yeva ohutililo yove. Nda mõla asuelela ove. Tala, hu kayisa. Keteke liatatu o lamanela konjo ya Yehova.

II OLOSOMA 4:1

Ukãi wulume umue wopocisoko covaprofeto wa lisiõsuĩla Elisia, hati, Veyange ukuenje wove wa fa. Ove wa kuliha okuti ukuenje wove wa sumbilile Yehova. U wo levalisile weya oku upa omãla vange vavali ha va lingi apika.

OLOSAPO 31:6

Eca ovingundu ku o kasi loku nyõlẽha, kuenda ovinyu kuava va kasi lotokua.

MATEO 11:12

Tunde koloneke via Yoano Upapatisi toke cilo usoma wokilu wa kagisua, kuenje lopo vakuakukangisa vo kuata.

MATEO 11:28

Enjui kokuange, vosi wa sovoloki kuenda wa lemiwi kuenje ndu kavuluisi.

VA HEVERU 2:10

Ovina viosi vi kasilili Suku, haeye usovoli wavio. Kuenje, eci omãla va lua va muisua ulamba, oco co sunguluka okuti Omõlaye, u wa va songuila keyovo, o kanguisua lohali.

LIOLONGANJI 11:3

Oco Yefita wa tila ku vamanjaye yu wa tumala kofeka ya Tova. Omanu vakuesanda va liongoluila Yefita, yu va enda enda laye.

LIOLONGANJI 18:25

Va Dani va popia laye, vati, Ondaka yove ka tu ka yi yeve, sanga vakuanyeño va ku undumuhila, hu peselapo omuenyo wove, lomuenyo wocikumba cove.

I SAMUELE 1:10

Hana wa sumua enene vutima kuenje wa kala loku likutilila ku Yehova loku lila calua.

I SAMUELE 22:3

Daviti wa tundako kuenje wa enda ko Misipa ko Moavi. Wa popia losoma ya Moavi hati, Ñasi oku ku pinga okuti tate la mai va kala love toke ñuliha eci Suku o linga lame.

I SAMUELE 23:13

Oco Daviti lalume vaye ovita eapndu va katuka, va tunda ko Kaila va enda oko loko, kuosi va tẽla. Eci va sapuila Saulu okuti Daviti wa tila ko Kaila oco Saulu kaileko vali.

I SAMUELE 25:13

Daviti vu wa popia lalume vaye hati, Omunu lomunu a limalehise osipata yaye. Oco vosi yavo, omunu omunu, wa limalehisa osipata yaye. Daviti layevo wa limalehisa osipata yaye. Oco ovita vikuãla vialume via enda la Daviti, ovita vivali via siala oku tata ovikuata.

I SAMUELE 30:6

Daviti wa sakalala cimue vutima momo omanu vo simila oku u sosola lovawe; omo omanu vosi va nyumãla vovitima, omunu omunu wa nyumalela omala vaye valume lomãla vaye vakãi. Daviti puãi wa likolisa vutima poku imba ovaso ku Yehova Suku yaye.

I SAMUELE 9:16

Hẽla liya, ola yilo muẽle, hu tumisa ulume ukuafeka ya Benjamini. Eye muẽle o waveka ha lingi Soma yomanu vange va Isareli. Eye o popela omanu vange peka lia va Filisiti, momo nda mõla ohali yomanu vange, lomo uteto wavo wa njevala.