I SAMUELE 20:3 - Embimbiliya - Bíblia Sagrada em Umbundu

³ Daviti puãi wa kumbulula hati, So o kũlĩha ciwa okuti ove o sole ame oco o sokoluila hati, Yonatão ka ka ci kũlĩhe sanga o sumua enene. Puãi, mopia ocili, ndomo Suku o kasi lomuenyo, pa kambela ño katitotito okuti ndi fa.

I SAMUELE 20:3 Iomraidhean Croise

II SAMUELE 15:21

Itai puãi wa kumbulula Soma hati, Ndeci Yehova o kasi lomuenyo lomo cime cange Soma o kasi lomuenyo, kuosi ku kala cime cange Soma, ci kale kokufa, ci kale komuenyo, haiko ñalavo ame, ame ndukuenje wove.

II OLOSOMA 2:2

Eliya wa popia la Elisia hati, Hu pinga, siala kulo, momo Yehova wa numa ko Betele. Elisia hati, La Yehova o kasi lomuenyo, lutima wove u kasi lomuenyo, si litepi love! Oco va lokila ko Betele.

II OLOSOMA 2:4

Eliya wa popia laye hati, A Elisia, hu pinga, siala kulo. Momo Yehova wa numa ko Yeriko. Eye wa popia hati, La Yehova o kasi lomuenyo, lutima wove u kasi lomuenyo, si litepi love! Oco veya ko Yeriko.

II OLOSOMA 2:6

Eliya wa popia laye hati, Hu pinga, siala kulo. Momo Yehova wa numa ko Yordão. Eye hati, La Yehova o kasi lomuenyo, lutima wove u kasi lomuenyo, si litepi love! Oco kavali kavo vamako.

OLOSAMO 116:3

Ovikolo viokufa via mandeka. Olongembia vionjembo via ñuata. Nda kala lelamba lohali.

YEREMIYA 38:16

Oco Soma Sedekiya wa lisila la Yeremiya uyombeki hati, Ndeci a kasi lomuenyo Yehova u wa tu fuimila omuenyo, si ku ipaya, siu ku eci povaka ava va sanda omuenyo wove.

YEREMIYA 4:2

kuenje nda o lisila huti, Ndeci Yehova o kasi lomuenyo,— nda o ci lisila muẽle locili, lesunga kuenda esunguluko, oco olofeka vi sumulũhĩla kokuaye, kuenje kokuaye oko vi muila ulamba. Oco ca popia Yehova.

ESINUMUĨLO 28:66

O kala ño-o lomuenyo we yuka ohele. Lutanya luteke onguele oyo yove, wenda muẽle lomuenyo wove peka.

ESINUMUĨLO 6:13

Sumbila Yehova Suku yove; eye o vumba; kuenje oku lisila, lisila londuko yaye.

VA HEVERU 6:16

Momo omanu oku lisinga va lisingasinga lumue wa va velapo, kuenje, kolonamalala viavo viosi, okulisinga oko ku teta onimbu.

I SAMUELE 1:26

Hana yu wa popia hati, A cime cange, ndoku popia muẽle ocili, lomuenyo wove muẽle, ame ndukãi una wa kaile kulo kovaso ove oku likutilila ku Yehova.

I SAMUELE 17:55

Eci Saulu a mõla Daviti oku votokela u Filisiti oco wa pula Avinere, kesongo liovita, hati, A Avinere, umalehe u hẽ, omõla elie? Avinere hati, A Soma, ocili muẽle letimba liove, ame siu wi.

I SAMUELE 20:2

Eye wo kumbulula hati, Lakamue, ku fi. Tala, tate ka lingi cimue, ci kale cinene, ci kale citito, te o ci sapuila ame. Leci hẽ, tate o ci ndimbikila nye? Oco hacoko.

I SAMUELE 20:4

Yonatão yu wa sapuila Daviti hati, Cosi o yongola hu ci lingila muẽle.

I SAMUELE 25:26

Kaliye, a cime cange, ndeci Yehova a kasi lomuenyo, lutima wove u kasi lomuenyo, omo Yehova wa ku tiula kongole yoku pesela osonde loku fetuluniya leka liove muẽle, oco ovanyãli vove lava va sanda oku linga cĩvi cime cange, kokuove va kale nda Nabala.

I SAMUELE 27:1

Daviti wa likunda lutima waye, hati, eteke limue ndaika oku taka muẽle peka lia Saulu. Kokuange ca mbelelapo oku tilila kofeka ya va Filisiti, oco Saulu ka simi vali oku mbanjiliyila vofeka ya va Isareli, kuenje muluka muẽle peka liaye.