I SAMUELE 2:8 - Embimbiliya - Bíblia Sagrada em Umbundu

⁸ O pindula olohũkui koneketela, o yelula olosuke keyala, ha vi tumalisa kumosi lomanu vanene loku vi piñalisa komangu yulamba. Momo olongunji viongongo via Yehova. Kilu liavio wa tumbikako oluali.

I SAMUELE 2:8 Iomraidhean Croise

EFETIKILO 41:14

Oco Fareo wa tumila Yosefe kuenje vokayike vo wupamo lokanyanyu. Eci a lipemũla loku lipongolola uwalo, wa enda ku Fareo.

EFETIKILO 41:40

Oco ove o viala konjo yange, lomanu vange vosi va pokola kokuove. Kuviali lika ame hu velapo.

II SAMUELE 7:8

Oco, popia lukuenje wange Daviti, huti, Ca popia Yehova Ukualohoka ceci, hati, Nda kupa kovisenge koku tata olomeme okuti o linga Soma yomanu vange va Isareli.

I OLOSOMA 16:2

Nda ku upa voneketela loku ku velisapo, kuenda nda ku lingisa ombiali yomanu vange va Isareli, puãi ove wa endaila vonjila ya Yerevoama, haive wa kokela omanu vange va Isareli oku linga ekandu, loku wengula onyeño yange lakandu avo,

II OLOSOMA 9:6

Oco Yehu wa votoka, yu wa iñila vonjo. Umalehe wa itila ulela kutue waye kuenje wa popia laye hati, Ca popia Yehova Suku ya Isareli ceci, hati, Nda ku waveka hu lingi osoma yomanu va Yehova, hu lingi osoma kIsareli.

YOVI 1:21

Wa popia hati, Epõlõla nda tunda lalio vimo lia mãi hailio niukila lalio. Yehova wa eca, Yehova haeye wa tambula vali. Onduko ya Yehova yi sivayiwe.

YOVI 2:8

Yovi wa nyañula ociyo oku lisuya laco kuenje wa tumãla peyala.

OLOSAMO 102:25

Konahululua wa seveta oviseveto violuali. Ovailu laovo upange wovaka ove.

OLOSAMO 104:5

Ove wa seveta oluali koviseveto vialuo okuti ka lu sengiwa vali.

OLOSAMO 107:41

Olosuke puãi, o vi upa kohali, kuenje o vi muisa omãla huti ño ocunda colomeme.

OLOSAMO 24:2

Eye wa lu seveta kokalunga. Wa lu kolisa kolondui.

OLOSAMO 75:3

Eci oluali lu senguluka lava vosi va tungamo, oco ame njika olongunji vialuo.

OLOSAMO 75:4

Mopia lava va lipanda, siti, Ko ka lipandi. Mopia lolondingaĩvi siti, Ko ka petuli olombinga.

OLOSAMO 75:7

Puãi Suku, eye onganji yi tetolola. Eye o sepuisa u, loku kemainya ukuavo.

UKUNDI 4:14

ndaño wa tunda vokayike ha vialekiwa osoma, pamue wa citiwa osuke vofeka yavo.

ISAYA 22:23

Ndu kolisa ndombambo vocinendele kuenje o linga ndocalo culamba vonjo yaisiaye.

DANIELE 2:48

Oco Soma wa kemãlĩsa Daniele, wo wĩha oviali vialua via piãla, yu wo vialeka kofeka yosi ya Bavulono kuenda wo tumbika ndusongui unene wolonoño viosi vio ko Bavulono.

DANIELE 4:17

Episo eli lia kutiwa lolondavululi, kuenda ocihandeleko eci ca tunda kuava va kola, oco vakuamuenyo va limbuke okuti Tõlo o viala kusoma womanu, haeye eca usoma ku a panga, kuenje o vialeka ndaño yu o sule pokati komanu.

DANIELE 6:3

Daniele yu wa kemãla pokati kasongui lapalanga, momo wa kala lespiritu lia velapo. Kuenje Soma wa sima oku u tumbikila uviali wosi wofeka.

VA HEVERU 1:3

Omõlaco o tuisa ocinyi culamba wa Suku. Ovituwa viaye haivio ovituwa via Suku. O tata ovailu loluali londaka yunene waye. Eci a mala oku yelisa akandu, oco a tumala kondio ya Tõlo kilu.

TIAGO 2:5

A vamanjange va soliwa, yeveleli. Suku he, ka nolelele olosuke violuali okuti vi linga olohuasi viekolelo loku lingavo vakapiñala kusoma a likuminya oku eca kuava vo sole?

ESITULUILO 1:6

haeye wa tu muisa usoma okuti tua linga ovitunda via Suku Isiaye, kokuaye ku kale ulamba luviali oloneke vi enda ño-o hũ. Amene.

ESITULUILO 22:5

Ka ku kala vali uteke. Ocinyi condiyelo ka ci yonguiwa, ndaño utanya wekumbi, momo Ñala Suku eye o linga ocinyi cavo, kuenje va viala oloneke vi enda ño-o hũ, ka vi pui.

ESITULUILO 3:21

U o yula ndu wiha oku tumala lame kocalo cange, ndomo ame nda yula, kuenje nda tumala la Tate kocalo caye.

ESITULUILO 5:10

Haive wa va lingisa vakuosoma wa Suku yetu, lovitunda viaye, kuenje va viala kilu lieve.

I SAMUELE 15:17

Samuele yu wa popia laye nati, Ndaño ove o sule kovaso ove muẽle haimo haveko hẽ Soma yapata a va Isareli? Yehova wa ku waveka hu lingi Soma ya va Isareli.