I SAMUELE 2:5 - Embimbiliya - Bíblia Sagrada em Umbundu

⁵ Vakuakuto va talavayela ombolo. Vakuanjala ka va lambuka vali. Osiũle ya cita epanduvali. Ukuamãla valua wa siala ulika.

I SAMUELE 2:5 Iomraidhean Croise

OLOSAMO 113:9

Osiũle o yi tumalisa vonjo ha yi lingi onjali yi sanjukila omãla. Sivayi Yehova.

OLOSAMO 34:10

Omãla volohosi olonjanja va kamba eci va lia, kuenje va lambuka. Ava puãi va sanda Yehova lacimue ciwa va sukila.

ISAYA 33:9

Osi yi sumua kuenje yi vonga. Levanone yi sakalaisua kuenje yuwuka. Siarone ya linga ekalasoko. Basiyane kuenda Karimele, amẽla avo a loluka.

ISAYA 54:1

Asiũle kua citile, imba, ove kua kuatele olongembia vioku cita omõla, imba ovisungo, kaluka. Momo Yehova hati, Omãla vocimbumba va lua, okuti omãla vondombua ya kueliwa va sule.

YEREMIYA 15:9

U wa cita epanduvali wa ambuka, wa tula omuenyo. Ekumbi liaye lia iñila tupu utanya; wa kutisua osõi kuenda wa munihisua. Ava va supa ndi va eca kosipata, lovanyãli vavo va ci mõla. Oco ca popia Yehova.

LUKA 1:53

Wa kutisa vakuanjala ovina viwa. Wa tundisa olohuasi upolokoso.

LUKA 16:25

Puãi Avirahama wa linga hati, Amolange, ivaluka okuti, cina wa kala lomuenyo, ove wa kala lovina viove viwa, osimbu Lasaru a tala ohali. Cilo puãi, kulo, eye o lembelekiwa osimbu ove o kasi kohali.

VA GALATIA 4:27

Momo ca sonehiwa hati, Asiũle kua citile, imba. Ove kua kuatele olongembia vioku cita, imba ovisungo, kaluka. Momo omãla vocimbumba va lua, okuti omãla vondombua ya kueliwa va sule.

RUTI 4:15

Kokuove o linga ukuakupindula omuenyo wove haeye o ku tekula eci o kula. Omo ndatembo yove, una o ku sole haeye wa velapo kokuove okuti, omãla epanduvali valume va sule, eye wo cita.

I SAMUELE 1:20

Noke Hana we mina kuenje wa cita omõla ulume. Wo luka Samuele momo hati, Ndo lomba ku Yehova.

I SAMUELE 1:6

Kuenje osepakai yaye yo popela vasende loku u nyumalisa omo Yehova wo sitika vimo.