I SAMUELE 2:2 - Embimbiliya - Bíblia Sagrada em Umbundu

² Ka kuli ukuavo o kola nda Yehova, kuavo ka kuli te ove lika. Ka kuli ocikolo ca soka la Suku yetu.

I SAMUELE 2:2 Iomraidhean Croise

II SAMUELE 22:3

Eye Suku yange, haeye ewe liange, kokuaye oko mbunda. Eye otevele yange haeye ombinga yeyovo liange. Eye ocikolo cange haeye ociwundilo cange. Eye upopeli wange. O mopela kungangala.

II SAMUELE 22:32

Elie Suku nda ha Yehovako? Elie ewe nda ha Suku yetuko?

II SAMUELE 7:22

Oco ove onene, a Yehova Suku. Ka kuli u wa lisoka love. Ka kuli Suku yikuavo te ove, ndeci tua yeva yeva lovatui etu.

I OLOSOMA 8:23

kuenje wa popia hati, A Yehova Suku ya Isareli, ndaño kilu ndaño posi ka kuli Suku wa lisoka love, wukuakulava ocisila, haive wukuahenda ka yi pongoloka lovakuenje vove vana va endaila kovaso ove lutima wavo wosi.

OLOSAMO 111:9

Wa tumisa omanu vaye eyovo. Wa handeleka okuti ocisila caye ci laviwa otembo ka yi pui. Onduko yaye yi kola, haiyo yi koka oku sumbiwa.

OLOSAMO 18:2

Yehova ewe liange, haeye ocikolo cange, haeye upopeli wange. Eye Suku yange, haeye ewe liange, kokuaye oko mbunda. Eye otevele yange, haeye ombinga yeyovo liange, haeye ombonge yange.

OLOSAMO 18:31

Elie Suku nda ha Yehovako? Elie ewe nda ha Suku yetuko?

OLOSAMO 71:19

Esunga liove, a Suku, li sovi cimue, li pitila kilu. Wa linga evi vinene. A Suku, wa soka love helie?

OLOSAMO 71:3

Ndingile ewe liocilala, kuenda ombonge ya pama, okuti o mopela. Momo ove wucilala cange, haive wumbonge yange.

OLOSAMO 73:25

Helie ñasi laye kilu, te ove? Lo kilu lieve ka ku li u nda yongola, te ove.

OLOSAMO 86:8

Pokati kolosuku ka pa li u wa soka love, a Yehova. Lavimue ovilinga via soka lovilinga viove.

OLOSAMO 89:6

Vovailu helie o tẽla oku sokisua la Yehova? Pokati komãla volosuku helie wa lisoka la Yehova?

OLOSAMO 89:8

A Yehova Suku yolohoka, helie wa lisoka love kunene, a Yehova? Ocili cove ca ku ñuala.

OLOSAMO 99:3

Va sivaye onduko yove yinene yi lingisa usumba. Eye o kola.

OLOSAMO 99:5

Kemainyi Yehova Suku yetu. Fendeli kociliatelo caye. Eye o kola.

OLOSAMO 99:9

Kemainyi Yehova Suku yetu. Fendeli vomunda yaye yi kola, momo Yehova Suku yetu o kola.

ETUNDILO 15:11

A Yehova, wa lisoka love pokati kolosuku hẽ elie? Wa lisoka love hẽ elie? Ulamba wove oku kola. Ovilinga viove vi lingisa usumba, o lingainga ovikomo.

ISAYA 40:18

Oco vu setahaisa Suku lelie? Vu u sokisa le? Vu u sokisa nga lociteka?

ISAYA 44:6

Ca popia Yehova Soma ya Isareli, haeye onjovoli yaye, haeye Yehova Ukualohoka, ceci, hati, Ame Tete haime Kuasula; ka ku li Suku yikuavo, te ame.

ISAYA 44:8

Ku ka kale lohele, ku ka kuate usumba. Sia ku ci sapuilile hẽ tunde kosiãhũlu loku ci lombolola? Ene muẽle vulombangi viange! Kuli nga Suku yikuavo, okuti ame hameko lika? Ka ku li Esenje likuavo, ame sia kulihile limue.

ISAYA 57:15

Momo Tõlo, haeye wa piãla, o tumãla ño-o hũ, onduko yaye yi kola eci a popia ceci, hati, Nda tunga vocitumãlo ca lepa haico ci kola. Nungavo kumue lomunu we lipua, haeye wonjuka, okuti numbulula utima wu we lipua, kuenda utima wu wonjuka.

ISAYA 6:3

Kuenje va livilakaiya vati, O kola, o kola, o kola, Yehova Ukualohoka, oluali luosi lue yuka ulamba waye.

YEREMIYA 10:6

A Yehova, lomue wa lisoka love. Ove vunene kuenda onduko yove ya kemãla lunene.

OVISILA 11:44

Momo ame ndi Yehova Suku yene; oco liyelisi, lingi omanu va kola, momo ame ñola. Ko ka livĩhĩsi levi vi likoka posi, vi kale nye, vi kale nye.

OVISILA 11:45

Omo ame ndi Yehova; ndo wupi vofeka ye Egito okuti ndinga Suku yene; oco wu kola momo ame ñola.

OVISILA 19:2

Popia la va Isareli vosi, huti, Ene u koli momo ame ndi Yehova Suku yene ñola.

VA ROMA 15:4

Momo cosi ca sonehiwa kosiahũlu ca sonehiwila oku tu longisa okuti, epandi kuenda okukolisiwa lovisonehua ku tu kokela elavoko.

VA ROMA 4:8

Omunu Ñala ko veta eko wa sumũlũha.

ESINUMUĨLO 3:24

A Ñala Yehova wa fetika ño oku lekisa kukuenje wove unene wove leka liove lia pama. Momo suku yipi kilu lo posi o tẽla oku linga upange wa soka lovopange ove, lovilinga viove viunene?

ESINUMUĨLO 32:20

oco wa va pañula hati, Ndi va wundisila ocipala cange, kuenje mbanja efulilo liavo nda li kala ndati. Momo ocitumbulukila cavo ocitumbulukila cumbinde. Omãla vaco vakualukonyo.

ESINUMUĨLO 32:39

Oco cilo limbuki okuti Ame, Ame muẽle, Suku yocili. Ka kuli Suku yikuavo te ame. Ame njipaya, haime ngeca omuenyo. Ame ndi tota, haime sakula. Lomue o tẽla oku popela omunu peka liange.

ESINUMUĨLO 32:4

Eye Handa, lupange waye wa lipua. Momo olonjila viaye viosi viesunguluko. Haeye Suku yocili, ka kuete etime. Ukuesunga, wa suñama cimue.

ESINUMUĨLO 4:35

Ca lekisua kokuene oco vu kulihe okuti Yehova, eye Suku, ukuavo ka kuli te eye lika.

ESINUMUĨLO 4:39

oco etaili limbuki loku ci patekela vovitima okuti Yehova eye Suku kilu loposi, ka ku li ukuavo.

I PETULU 1:16

Momo ca sonehiwa hati, Omo ame ñola oco lenevo vu kola.