I SAMUELE 18:4 - Embimbiliya - Bíblia Sagrada em Umbundu

⁴ Kuenje Yonatão wa lula ocikutu a wala, wa ceca ku Daviti kumosi lovimãleho viaye ndaño osipata yaye lohonji yaye kuenda uvia waye.

I SAMUELE 18:4 Iomraidhean Croise

EFETIKILO 41:42

Kuenje Fareo wopa onẽla komuine waye, wa yi kapa komuine wa Yosefe; wo walisa uwalo wombini yovalatanya; wo kapa elienge liulu posingo yaye,

II SAMUELE 1:22

Kosonde yava va fa, ndaño kokuneta kuava va pama, ohonji ya Yonatão ka ya tiukileko, losipata ya Saulu ka yeyile upolokoso.

ISAYA 61:10

Oku sanjuka, sanjukila Yehova. Utima wange u yolaila Suku yange; momo wa mbualisa uwalo wepopelo, wa sikilĩla onyime yesunga, ndeci Sandombua a liposuisa lekofue liolonẽlẽho, pamue ndeci ondombua yi limiangulula laposuiso aye.

ESEKIELE 23:15

Oviongo viavo via itikiwa lovivia, lovifuto vinene via futisua kovitue viavo. Vosi yavo va mõleha ndavakapitango, ociluvialuvia caco ca va Bavulono, ofeka yucitue wavo Kaldea.

LUKA 15:22

Puãi isiaye wa popia lakuenje vaye hati, Yayuliko, kopi uwalo wa velapo, u walisi. Fuomehi onẽla komuine waye. U walisi olohaku kolomãi.

II VA KORINDO 5:21

Una ka kũlĩhile ekandu Suku wo linga ekandu mekonda lietu, okuti vokuaye tu lingiwa esunga lia Suku.

I SAMUELE 17:38

Oco Saulu wa walisa Daviti ovimaleho viaye. Kutue waye wa kapa ongalau yosipi, wo walisa ocikutu covivela.

I SAMUELE 18:5

Kovaso yaco Daviti wa tumaiwa la Saulu kuenje kuosi a enda wa linga ciwa cosi o tumila. Noke Saulu wo nola oku linga kesongo liovita kuenje omanu vosi va ci sanjukila. Akuenje va Saulu lavovo va ci sanjukilavo.