I SAMUELE 13:9 - Embimbiliya - Bíblia Sagrada em Umbundu

⁹ Oco Saulu wa popia hati, Neni kokuange ocilumba coku pia elisi leci combembua. Leye wa lumba ocilumba coku pia elisi.

I SAMUELE 13:9 Iomraidhean Croise

II SAMUELE 24:25

Kuenje Daviti wa tungilako utala wa Yehova. Wa lumbilako ocilumba coku pia elisi leci combembua. Oco Yehova wa yeva kolohutililo vioku likutilila ofeka. Kuenje vi Isareli ekundu lia imũha.

I OLOSOMA 3:4

Soma wa enda ko Giveone ha ka lumbilako, momo oyo onumbuko ya velapo. Kutala waco Salomone wa lumbilako ohulukãi yovilumba vioku pia elisi.

OLOSAMO 37:7

Imba ovaso Yehova, u felevela lepandi. Ku ka lisakalaise mekonda liu wa salala, pamue mekonda liomunu o lingainga evi vĩvi.

OLOSAPO 15:8

Yehova o nyale ovilumba violondingakandu, puãi ohutililo yukuesunga oyo a sole.

OLOSAPO 20:22

Ku ka linge huti, Fetuluinya ũvi. Imba ovaso ku Yehova kuenje eye o ku ohela.

OLOSAPO 21:27

Ocilumba condingaĩvi ocinyuañi, ca piãla nda wa cambatela ocimuenyo cakandu.

OLOSAPO 21:3

Oku linga esunga locili, oco ca velapo ku Yehova, oku lumba ovilumba, ci sule.

ISAYA 66:3

U ipa ongombe wa soka ndu wa ipa omunu; u o lumba omeme wa soka ndu wa teya osingo yombua; u o lumba ocilumba cosema wa soka ndu o lumba osonde yongulu, u o timĩha insensu o linga ndu o sivaya ociteka. Va nõla olonjila viavo muẽle kuenje ovitima viavo via sanjukila evĩho liavo.

ESINUMUĨLO 12:5

Puãi pokati kovitumãlo viosi viapata ene osi, vu vanjiliyapo ocitumãlo Yehova, Suku yene, a nola oku tungisilako onduko yaye onjo yoku kala.

ESINUMUĨLO 12:6

Kocitumãlo caco oko wendaendi, haiko vu tuala ovilumba viene vioku pia elisi, levi vioku yoka kuenda olonepa viene viekuĩ lolombanjaile weci kupange wa Suku. Haiko vu tualavo evi vioku tẽlisa olohuminyo viene, kuenda ovilumba viene viocipango, lolonuñulu viokoviunda viene violongombe levi violomeme,

I SAMUELE 14:18

Saulu yu wa popia la Ahiya hati, Nena kulo efonde lia Suku. Momo kotembo yaco eye wambayata efonde kovaso a va Isareli.