I SAMUELE 12:3 - Embimbiliya - Bíblia Sagrada em Umbundu

³ Cilo amilo, misili kovaso a Yehova, kuenda kovaso ombuavekua yaye. Ongombe yelie nda punda? Ocimbulu celie nda punda? Pamue helie nda liaña. Helie nda kangisa? Pamue kulie nda tambula ovitukiko ha vi sitika vovaso? Misi laco kuenje ndi ci tiula.

I SAMUELE 12:3 Iomraidhean Croise

II SAMUELE 22:22

Momo ndaendaila volonjila via Yehova. Sia lueyele loku tunda ku Suku yange.

NEHEMIYA 5:11

Va tiuwili etali muẽle ovisenge viavo, lovapia ayuva, lovapia Oliveira kuenda olonjo viavo, kumue losindike yaco yolombongo lotiliku lovinyu, leyi yulela, yina wa va yi kisakaili.

OLOSAMO 15:5

Ka levalisa olombongo viaye losindike. Ka tambula ovitukiko vioku pisa u ka kuete eko. U o lingainga ovina evi ka sengiwa vali.

ETUNDILO 20:17

Ku ka livele onjo yokuẽle, ku ka livele ukãi wokuẽle, pamue upika waye ulume, pamue upika waye ukãi, pamue ongombe yaye, pamue ocimbulu caye. Cosi cokuẽle ku ka ci livele.

ETUNDILO 22:4

Nda ocinyama ca iviwa va ci sanga lomuenyo peka liaye, o feta vivali, ocinyama caco ci kale ongombe, ci kale ocimbulu, ci kale omeme.

ETUNDILO 23:8

Ka ci tava oku tambula ovitukiko omo ovitukiko vi kokela olonganji upeke, kuenje vi pengisa olondaka viava va kuete esunga.

OLOSAPO 15:27

Ukuacipululu o luahalisa onjo yaye. U o suvuka ovitukiko eye o tumala hũ.

OVISILA 6:4

eci umue a vi lueya, kuenje a kuete eko, oco o tiula caco eci a ivile pamue ceci a mõla loku lingisa cĩvi, pamue ceci va pindikisile, pamue ceci va nyelisile eye yu wa ci alula,

OVISILA 6:5

ndaño ceci a ci lisingila luhembi. O ci tiula cosi, kuenje o vandekako onepa yatãlo; o ceca ku muẽle yaco eteke vo wasa eko.

ATENDELO 16:15

Oco Mose wa tema ca lua, wa popia la Yehova hati, Ku ka tave kocilumba cavo. Ndaño ocimbulu cimosi sia ci tambuile kokuavo; lomue wavo nda linga cĩvi.

MATEO 22:21

Vo kumbulula vati, Ca Kaisare. Oco a popia lavo hati, Evi via Kaisare vi eci ku Kaisare, levi via Suku vi eci ku Suku.

LUKA 19:8

Oco Sangeo wa talama, kuenje wa popia la Ñala, hati, A Ñala, ngeca ombandu yovikuata viange kolosuke. Nda nda pilika omunu cimue ndu ci tiuwila lukuãla.

OVILINGA 20:33

Sia la livela oku tambula komunu opalata, pamue ulu, pamue uwalo.

II VA KORINDO 12:14

Cilo, yilo onjanja yatatu ñasi loku iya kokuene. Kuenje siu sakalaisi loku ñuatisa omo si sandi cene, te ene muẽle ndu sandi. Momo omãla ka va sesamela oku siliyila olonjali viavo, te olonjali ovio vi siliyila omãla.

ESINUMUĨLO 16:19

Ka ci tava oku pengisa esunga ndaño oku amẽla omunu. Ka ci tava oku tambula ovitukiko, momo ovitukiko vi sitika ovaso a vakualondunge, kuenje vi fisa olondaka via vakuesunga.

I VA TESALONIKE 2:10

Ndaño ene, ndaño Suku, vulombangi viovimuenyo vietu pokati kene wakuetavo, okuti tua kala omanu va kola, haivo va sunguluka, kuenda va pua eko.

I VA TESALONIKE 2:5

Ndeci wa kũlĩhi, ka tua popele lombambe, pamue latutu a tuvika ocipululu. Suku ombangi.

I PETULU 5:2

Lavi ocunda ca Suku co kundikilui, halocikukuiko, puãi momo vu kuete utima waco, hamekondako liocipululu conganyu, te lutima wombili ndeci Suku o yonguili,

I SAMUELE 10:1

Samuele wa nyañula okacitau kulela, wo witila kutue waye, wo sipula, hati, Yehova hẽ, ka ku wavekele okuti o linga osoma yomanu vaye va Isareli? Ove o viala omanu va Yehova, haive o va popela peka liovanyali vavo va va ñuala. Eci cu ku lingila ondimbukiso okuti Yehova wa ku waveka hu lingi Soma yocipiñalo caye.

I SAMUELE 12:4

Ovo vati, Kua la tu liaña pamue oku tu kangisa. Kua la tambula ovitukiko komunu.

I SAMUELE 12:5

Eye wa popia lavo hati, Suku eye ombangi, ombuavekua layevo ombangi okuti ene ka wa la sangi cimue peka liange. Vati, Eye ombangi.

I SAMUELE 2:35

Kuenje ndi likatuila ame muẽle ocitunda cocili, eye o lingainga ndovisimilo viange lolonjongole viange. Ndu muisa epata ka li pui. Kuenje o kala ño hũ kovaso ombuavekua yange.

I SAMUELE 24:11

Tala a tate, o lete ocitetele eci conanga yove ci li peka liange. Siti omo nda teta ocitetele konanga yove kuenje sia ku ipaile ove o tẽla oku kolela okuti peka liange ka pali oku ku linga cimue cĩvi pamue oku ku kuatela usuanji. Sia ku lingilile ekandu ndaño ove o sanda omuenyo wange.

I SAMUELE 24:6

Wa popia lalume vaye hati, Suku a ñuatise okuti eci si ci lingi cime cange, haeye ombuavekua ya Yehova, okuti ndu wolũila eka liange omo eye ombuavekua ya Yehova.

I SAMUELE 24:7

Oco lolondaka evi Daviti wa pongoluisa ovisimilo vialume vaye, kuenje ka tavele okuti va katukila Saulu. Oco Saulu wa votoka, wa tunda veleva kuenje wamako lungende waye.

I SAMUELE 26:11

Yehova a ñuatise okuti si oluila eka liange ombuavekua ya Yehova. Puãi yelula onjelia yi kasi kovitue viaye kuenda esanga liovava. Tuende.

I SAMUELE 26:9

Daviti puãi wa popia la Avisiai hati, Ku ko wipaye. Helie o tẽla oku oluila eka liaye ombuavekua ya Yehova loku pua eko?