I SAMUELE 10:11 - Embimbiliya - Bíblia Sagrada em Umbundu

¹¹ Eci vosi vo kũliha ale va mõla ndomo a imbila owanji kumue lovaprofeto oco va livangula pokati vati, Nye eci ceya komõla a Kisi? Saulu nga layevo o tendiwa pokati kovaprofeto?

I SAMUELE 10:11 Iomraidhean Croise

AMOSI 7:14

Oco Amosi wa kumbulula Amasiya hati, Siuprofetoko. Siukuacisokoko covaprofeto. Ame ndungombo, haime ndukuaku lombuila oviti viakuyu.

AMOSI 7:15

Yehova wa njupa koku tata olomeme. Yehova wa mañinya, hati, Kuende. Ka imbe owanji komanu vange va Isareli.

YOANO 7:15

Oco va Yudea va komoha vati, Undeti wa kũlĩha ndati ovisonehua, ka lilongisile pua?

OVILINGA 3:10

kuenje vo limbuka okuti eye una wa tumalalaile oviali po Mbundiyeposo yonembele. Oco va lisalukako, kuenje va komoha ovina vio lingiwa.

OVILINGA 4:13

Eci va mola utõi wa Petulu la Yoano, leci va va limbuka okuti omanu vaño, haivo ka va longisiwile, oco va komoha, kuenje va limbuka okuti va kala la Yesu.

OVILINGA 9:21

Vosi vo yeva va komoha vati, Heyeko hẽ una wa kaile vo Yerusalãi kuenje wa kangaisa ava va tukula onduko yaco? Kuenje oco muẽle eyilila kulo okuti o va kapa kovikolo loku va tuala kovitunda vinene.

I SAMUELE 19:24

Leyevo wa lula uwalo waye. Leyevo wa imbila owanji kovaso a Samuele, kuenje wa kala epõlõla utanya waco wosi luteke waco wosi. Oco va popaela vati, Saulu leyevo nga wa linga uprofeto?