I SAMUELE 10:1 - Embimbiliya - Bíblia Sagrada em Umbundu

¹ Samuele wa nyañula okacitau kulela, wo witila kutue waye, wo sipula, hati, Yehova hẽ, ka ku wavekele okuti o linga osoma yomanu vaye va Isareli? Ove o viala omanu va Yehova, haive o va popela peka liovanyali vavo va va ñuala. Eci cu ku lingila ondimbukiso okuti Yehova wa ku waveka hu lingi Soma yocipiñalo caye.

I SAMUELE 10:1 Iomraidhean Croise

II SAMUELE 1:14

Daviti wa popia laye hati, Ci kasi ndati okuti kua kaile lusumba woku olõla eka oku nyõla ombuavekua ya Yehova?

II SAMUELE 19:39

Oco omanu vosi va yoka Yordão. Soma puãi wa talama, wa liusika la Barisilai kuenje wo sipula. Barisilai yu wa tiukila konjo yaye.

II SAMUELE 20:19

Ame ndu Isareli, nda tiama kuava va livela ombembua locili. Ove o livela oku nyõla imbo li kasi ndonjali yukãi ku va Isareli. Nye o yonguila oku nyõla ocipiñalo ca eciwa la Yehova?

II SAMUELE 5:2

Konyima, eci Saulu a kala Soma yetu, ove, ove wa songowaila va Isareli kolongenda viavo viosi. Kuenje Yehova wa popia love hati, Ove o linga ungombo womanu vange va Isareli, o lingavo Soma ya va Isareli.

I OLOSOMA 1:34

oco ocitunda Sadoke luprofeto Natana vo wavekeleko ha lingi osoma kIsareli yosi. Siki olumbeta, kuenda popi hoti, Soma Salomone a kale lomuenyo!

I OLOSOMA 19:18

Haimo ndi lisupisilapo olohũlũkãi epanduvali viomanu kIsareli, vana vosi ka va kekamelele Baale kolongolo, haivo ka vo sipuile.

II OLOSOMA 20:5

Tiuka, popia la Hesekiya, ombiali yomanu vange, huti, Ca popia Yehova, Suku ya so Daviti, ceci, hati, Nda yeva ohutililo yove. Nda mõla asuelela ove. Tala, hu kayisa. Keteke liatatu o lamanela konjo ya Yehova.

II OLOSOMA 9:1

Uprofeto Elisia wa kovonga umue pocisoko covaprofeto, wa popia laye hati, Litika vombunda yove, ambata ocekele eci culela peka liove, kuende ko Ramote Gileada.

II OLOSOMA 9:12

Ovo vati, Esanda, tu sapuileko yapa! Oco Yehu hati, Wa popia lame ongandi longandi, hati, Ca popia Yehova ceci, hati, Nda ku waveka hu lingi osoma kIsareli.

OLOSAMO 135:4

Ocili, Yehova wa linolela Yakoba, Isareli ha lingi waye muẽle.

OLOSAMO 2:12

Sipuli olomai viaye sanga o tema kuenje vu nyõlẽhela vonjila, omo onyeño yaye yi wenguka lombili. Vosi va wunda kokuaye va sumũlũha.

OLOSAMO 78:71

Wo wupa koku kuama olomeme via kala lomãla ha lingi ungombo wa va Yakoba, omanu vaye, va Isareli, ocipiñalo caye.

ETUNDILO 30:23

Nyañula olosimbolua evi via velapo, omira ya fina ovita vitãlo violosiekele, okanela omeyu yaco, ndokuti ovita vivali kakui atãlo, kuenda kalamu ovita vivali kakui atãlo,

YEREMIYA 10:16

Suku ya Yakoba puãi ka lisokele lavio momo eye usovoli wovina viosi, kuenda Isareli eye epata liocipiñalo caye. Onduko yaye Yehova Ukualohoka.

ESEKIELE 16:13

Oco wa yanguiwa lulu lopalata, luwalo wove wa kala wovalatanya loseta, hawo wa posuisua. Wa lialia osema ya fina lowiki lulela. Wa linga ondambi, wa sesama unasoma.

HOSEA 13:2

Cilo va kasi loku amamako kakandu. Va litungila oviteka viutale wa yanguluiwa, loviteka vimue va vi tunga lopalata. Upange waco wosi wolomesele. Va popia vati, Vi lumbila! Omanu va sipula olonãle!

OVILINGA 13:21

Oco va pinga osoma, kuenje Suku wa va iha Saulu, omõla a Kisi, ukuepata lia Benjamini. Eye wa viala akui akuãla kanyamo.

ESINUMUĨLO 32:9

Momo onepa ya Yehova oyo omanu vaye va Yakoba. Va Isareli ovo va linga ocipiñalo caye ca noliwa.

I VA TESALONIKE 5:26

Lamipo vamanji vosi lesipulo li kola.

VA HEVERU 2:10

Ovina viosi vi kasilili Suku, haeye usovoli wavio. Kuenje, eci omãla va lua va muisua ulamba, oco co sunguluka okuti Omõlaye, u wa va songuila keyovo, o kanguisua lohali.

ESITULUILO 5:8

Eci a tambula ociña, oco oviendalomuenyo viaco vikuãla, lakulu vaco akui avali la vakuãla, va wila posi kovaso a Kameme, va kuete omunu ohalupa, omunu ohalupa, latiyela ulu e yuka insensu, o-o alombelo olosandu.

I SAMUELE 12:3

Cilo amilo, misili kovaso a Yehova, kuenda kovaso ombuavekua yaye. Ongombe yelie nda punda? Ocimbulu celie nda punda? Pamue helie nda liaña. Helie nda kangisa? Pamue kulie nda tambula ovitukiko ha vi sitika vovaso? Misi laco kuenje ndi ci tiula.

I SAMUELE 13:14

Cilo puãi uviali wove ka u tumãla. Yehova wa livanjela ulume ukuotima waye muẽle. Yehova wo nola ha lingi osoma yomanu vaye momo ove kua lingile eci Suku a ku handeleka.

I SAMUELE 15:1

Samuele wa popia la Saulu, hati, Yehova wa numa oku ku waveka hu lingi Soma yomanu vaye va Isareli. Oco cilo, yevelela olondaka via Yehova.

I SAMUELE 15:17

Samuele yu wa popia laye nati, Ndaño ove o sule kovaso ove muẽle haimo haveko hẽ Soma yapata a va Isareli? Yehova wa ku waveka hu lingi Soma ya va Isareli.

I SAMUELE 16:1

Yehova wa popia la Samuele hati, Oloneke viñami o sumuĩla Saulu? Siti ame ndo pañula okuti ka lingi vali osoma ya va Isareli. Yukisa ombinga yove lulela. Kuende. Hu tuma ku Jese u Beteleme momo pokati komãla vaye valume opo nda linolẽla osoma.

I SAMUELE 16:13

Oco Samuele wa nyañula ombinga yulela, wo wavekela pokati ka vahuvaye. Espiritu lia Yehova lia wila Daviti lunene walua tunde keteke liaco. Samuele wa votoka, wa enda ko Rama.

I SAMUELE 2:10

Ovanyãli va Yehova va sasoha. O va lemilila vilu. Yehova o tepisila ovikanjo viosi violuali. Eca olohõlo kosoma yaye, kuenje o luisa unene wombuavekua yaye.

I SAMUELE 24:6

Wa popia lalume vaye hati, Suku a ñuatise okuti eci si ci lingi cime cange, haeye ombuavekua ya Yehova, okuti ndu wolũila eka liange omo eye ombuavekua ya Yehova.

I SAMUELE 26:11

Yehova a ñuatise okuti si oluila eka liange ombuavekua ya Yehova. Puãi yelula onjelia yi kasi kovitue viaye kuenda esanga liovava. Tuende.

I SAMUELE 26:9

Daviti puãi wa popia la Avisiai hati, Ku ko wipaye. Helie o tẽla oku oluila eka liaye ombuavekua ya Yehova loku pua eko?

I SAMUELE 8:19

Omanu puãi va likala oku yevelela kondaka ya Samuele vati, Oco hacoko. Tu yongola muẽle osoma yi tu viala,

I SAMUELE 8:9

Oco cilo, yevelela kondaka yavo. Cinene ceci, oku vu lungula loku va lekisa ovituwa viosoma yi va viala.

I SAMUELE 9:16

Hẽla liya, ola yilo muẽle, hu tumisa ulume ukuafeka ya Benjamini. Eye muẽle o waveka ha lingi Soma yomanu vange va Isareli. Eye o popela omanu vange peka lia va Filisiti, momo nda mõla ohali yomanu vange, lomo uteto wavo wa njevala.

I SAMUELE 9:27

Eci va suñamela konele yimbo oco Samuele wa popia la Saulu hati, Sapuila ukuenje a pite ño kovaso. Eci a pita ove talama, oco hu sapuile ondaka ya Suku.