ISAYA 9:3 - Embimbiliya - Bíblia Sagrada em Umbundu

³ Ove wa luisa omanu, haive wa luisa esanju liavo. Va ku sanjukila ndeci va sanjukila oku ungula, pamue ndeci alume va sanjukila oku liamuila evi via pundiwa.

ISAYA 9:3 Iomraidhean Croise

NEHEMIYA 9:23

Kuenje wa luisa omãla vavo ndolombungululu viokilu yu wa va nena kofeka yina wa likuminyile lolosekulu viavo okuti va ka iñilamo oku yi kuata.

YOVI 12:23

O luisa olofeka haeye o vi nyõla. Amisa olongave viofeka, lomanu vaco o va tuala umandekua.

OLOSAMO 107:38

O va sumũlũisa okuti va licita calua. Kuenje ka tava okuti olongombe viavo vi tepuluka.

OLOSAMO 119:162

Njolaela ondaka yove ndu wa alula ovikuata via lua.

OLOSAMO 4:7

Wa ñapa onjolela ya piãla vutima, onjolela yavo, eteke olomema lovinyu viavo vi lua, yi sule.

ISAYA 10:26

Kuenje Yehova Ukualohoka o va hanekela ombueti ndeci ca kala eci a veta va Midiani kesenje lia Horeve. Ombueti yaye yi kala kilu liokalunga, o yi tumũla ndeci a lingile ve Egito.

ISAYA 12:1

Keteke liaco o linga hati, A Yehova, hu pandula inomo ndaño wa nemelẽle, haimo okutema kuove kua imũha kuenje wa ndembeleka.

ISAYA 14:5

Yehova wa teya ombueti yukuevĩho, haiyo epangati liolombiali;

ISAYA 25:9

Keteke liaco ci popiwa citi, Tala, u eye Suku yetu, eye tua felevela okuti o tu popela. U, Yehova, eye tua imba ondunge. Tu sanjuki loku yolela okupopela kuaye.

ISAYA 26:15

Puãi ofeka wa yi luisa, a Yehova, ofeka wa yi luisa, love wa kemainyiwa: wamisako olongave viosi viofeka.

ISAYA 35:10

Ava va yowiwa la Yehova va tiuka, veya ko Siono loku imba ovisungo. Kovitue viavo ku kala esanju ka li pui. Va kuata esanju lonjolela, kuenje esumuo loku leñaleña vi va tunda.

ISAYA 35:2

mu siata olonẽlẽho, kuenje li yolela lesanju kuenda ovisungo. Ulamba wa Levanone weciwa kokualio, kuenda eposo lia Karimele leli lia Sarone. Va mõla uwale wa Yehova, kuenda ulamba wa Suku yetu.

ISAYA 54:1

Asiũle kua citile, imba, ove kua kuatele olongembia vioku cita omõla, imba ovisungo, kaluka. Momo Yehova hati, Omãla vocimbumba va lua, okuti omãla vondombua ya kueliwa va sule.

ISAYA 55:12

Momo vu tunda lonjolela, vu songuiwa lombembua. Olomunda kuenda ovikandulukua vimbila ovisungo kovaso ene. Oviti viosi viusenge vi pandula ovaka.

ISAYA 61:10

Oku sanjuka, sanjukila Yehova. Utima wange u yolaila Suku yange; momo wa mbualisa uwalo wepopelo, wa sikilĩla onyime yesunga, ndeci Sandombua a liposuisa lekofue liolonẽlẽho, pamue ndeci ondombua yi limiangulula laposuiso aye.

ISAYA 61:7

Posõi yene pa piñala ovikepa vivali viesanju; osõi yene yi pongoloka onjolela. Oco vofeka yene vu kuata evali, kuenje onjolela yene ka yi pui.

ISAYA 65:14

Tala akuenje vange, omo ovitima viavo via sanjuka, va imba ovisungo, ene puãi, omo ovitima via sumua, vu lila, kuenje, omo ovitima vi kasi loku teka, vu liyula.

ISAYA 65:18

Puãi yoleli, sanjukili ño-o hũ ovina nda lulika; momo tala, nda lulika Yerusalãi okuti omanu va yi yolela. Nda lulika omanu vaye okuti va va sanjukila.

ISAYA 66:10

Yoleli kumue la Yerusalãi, yi sanjukili, ene vosi vu yi sole; yi yoleli lonjolela, ene vosi vu yi lilila;

YEREMIYA 31:7

Momo ca popia Yehova ceci, hati, Imbili Yakoba ovisungo viesanju. Uluili usongui wolofeka. Ci sapuli. Sivayi, hoti, Yehova wa popela omanu vaye, ocisupe ca Isareli.

HOSEA 4:7

Ndeci va licita haico va lovisa akandu va ndingila. Ulamba wavo ndu pongoluisa akutisasõi.

OVISILA 26:13

Ame ndi Yehova Suku yene, u wo wupi vofeka ye Egito, okuti ko lingi apika vavo. Nda teya olombambo violomi viene, ndo siuhisi ha wendi ciwa.

SAKARIYA 10:8

Ndi va kovonga loku vongolola momo nda va yovola. Kuenje va lova vali ndeci va lovele ale.

SAKARIYA 2:11

Eteke liaco vakualofeka via lua vongolokela ku Yehova. Va linga omanu vange kuenje ame numãla vokati kove.

SAKARIYA 8:23

Ca popia Yehova Ukualohoka ceci, hati, Voloneke viaco alume ekũi va tunda kolofeka vialimi osi. Va kuata konanga yu Yuda umosi, vati, Tuenda love, momo tua yeva okuti Suku o kasi lene.

LUKA 11:22

Puãi nda ocindululu co velapo kongusu ciya, ci ci yula, ci ci punda ovimaleho viaco viosi ca kolelele, kuenje ci amula ovikuata viaye.

OVILINGA 8:8

Oco, vimbo liaco, mua kala onjolela ya lua.

VA FILIPOI 4:4

Sanjukili vu Ñala olonjanja viosi. Mopia vali siti, Sanjuki.

I PETULU 1:8

Vu sole Yesu Kristu ndaño ka wa lo moli. Ndaño ka vu u moli cilo, haimo vu u kolela, kuenje wa sanjuki lesanju lia piãla ka li popiwa.

LIOLONGANJI 5:3

Ene alosoma, yeveleli. Lene alombuale, kululi atuĩ. Ame njimbila Yehova. Njimbila Yehova, Suku ya Isareli, esivayo.

LIOLONGANJI 7:22

Eci va sika ovita viaco vitatu vianguena, oco vocilombo cosi Yehova wa panga okuti va liñualelapo lolosipata, omunu lokuavo omunu lokuavo. Oco olohoka via tila toke ko Bete Sita oku panda ko Serera, toke kongave ya Avele Mehola, ko Tabata.

LIOLONGANJI 8:12

Seva la Calimuna va tila, yu wa va landula. Wa kuata olosoma viaco vivali via Midiane, Seva la Calimuna, kuenje wa lundula olohoka viosi.

I SAMUELE 30:16

Eci wo songuilako oco vava, va lisandola kuosi vofeka. Va kala loku lia loku nyua loku cĩla omo olohute via pundiwa ku wa Filisiti kuenda kofeka ya Yuda vialua.