ISAYA 7:2 - Embimbiliya - Bíblia Sagrada em Umbundu

² Eci ca sapuiwila vonjo ya Daviti hati, Suria ya litokeka le Efarimi, oco utima waye lovitima viomanu vaye via luluma ndeci oviti viesisi vi lituñunya lofela.

ISAYA 7:2 Iomraidhean Croise

II SAMUELE 7:16

Epata liove luviali wove vi kolisua kovaso ange otembo ka yi pui. Omangu yove yi tumãla hũ otembo ka yi pui.

I OLOSOMA 11:32

Puãi eye po supila epata limosi, mekonda liukuenje wange Daviti kuenda mekonda lia Yerusalãi, imbo lina nda nola povapata osi a Isareli.

I OLOSOMA 12:16

Eci Isareli yosi ya limbuka okuti Soma ka va yevele omanu va kumbulula Soma vati, Ocikepa ce tu kuete ku Daviti? Ndaño ocipiñalo ka tu kuete komõla a Jese. Kuende kolombalaka viove, a Isareli! Tata epata liove muẽle, a Daviti! Oco va Isareli va enda kolombalaka viavo.

I OLOSOMA 13:2

Yu wa keluhila utala londaka ya Yehova, hati, Otala! Otala! ca popia Yehova ceci, hati, Ota, omõla o citilua vonjo ya Daviti, onduko yaye Yosiya, kokuove o laika oku lumbilako ovitunda viovotala okolonumbuko vina vi kasi loku timihila insensu kokuove, kuenda akepa omanu a laika oku yokelua kokuove.

II ASAPULO 25:10

Oco olohoka vina via wiyililile kEfarimi, Amasiya wa vi tepamo, ha vi endi kofeka yavio. Kuenje va funguila calua Yuda, yu va tiukila kofeka yavo, onyeño ka va likuete.

II ASAPULO 28:12

Oco vamue povasongui va va Efarimi, Asariya, omõla a Yohanana, la Berekiya, omõla a Mesilemote, la Yehisikiya, omõla a Sialume, la Amasa, omõla a Hadilai, va votoka, yu va tamalala lava va tunda kovita.

OLOSAMO 11:1

Ame mbunda ku Yehova. Oco vu popia ndati lame, hoti, Tilila kolomunda ndonjila?

OLOSAPO 28:1

Olondingaĩvi vi tila ndaño ka kuli u vi landula, puãi olondingesunga olonõi ndolohosi.

ISAYA 11:13

Okukuatela Efarimi esepa ku imũha lava va katukila Yuda va nyolẽha. Efarimi ka kuatela vali Yuda esepa, Yuda ka lingi vali cĩvi Efarimi.

ISAYA 22:22

Ñapa pocitãi caye osapi yonjo ya Daviti. Eye o yulula, kuenje lomue o yika; eye o yika kuenje lomue o yulula.

ISAYA 37:27

Omanu vaco, omo vakualohõlo vitito, va yokoka kuenda va tokotelua, va linga ndovikũla viovepia pamue ndowangu u talala, pamue ndowangu wokovailu olonjo una u kakuiwa lofela yi tunda kutakelo.

ISAYA 37:35

Momo ame silamẽla imbo eli okuti ndi li lipopelela muẽle loku li popelela ukuenje wange Daviti.

ISAYA 6:13

Ndaño onepa yekuĩ yi sialamo layovo yi timihiwa vali. Yi timihiwa ndocisingi cuti wulemba pamue wocinendele cina ci siala eci uti u timbuiwa. Ombuto yi kola oyo ocisingi caco.

ISAYA 7:13

Kuenje eye hati, Kaliye njeveleli, anjo ya Daviti: oku kavisa omanu cu lingila citito, okuti vu kavisavo Suku yange.

ISAYA 7:17

Yehova o ku nenẽla oloneke ka via leya tunde keteke Efarimi lia litepa la Yuda, ove lomanu vove kuenda onjo ya so o vu nenẽla osoma ya Asuria.

ISAYA 7:5

Omo Suria kumosi la Efarimi kuenda omõla a Remaliya va ku tumbila ehãla lioku ku linga lãvi, vati,

ISAYA 8:12

Ku ka tukule huti, Ongombo, ovina viosi via tukula omanu ava vati, Ongombo. Ku ka kuatele usumba cosi ovo va kuatela usumba, ndaño oku ci yokokela.

ISAYA 9:9

Kuenje omanu vosi va ci kũliha; ndeci Efarimi kuenda olonungi viovo Samaria, haivo va popia lepela loku lituna vutima vati,

YEREMIYA 21:12

Ca popia Yehova ceci, hati, Apata lia Daviti, omẽle komẽle tetulula lesunga. Popela u wa pundiwa peka liondiandia, sanga onyeño yange yi tunda ndondalu kuenje yi taima okuti lomue o yi ima, momo ovilinga viene vĩvi.

HOSEA 12:1

Efarimi o seteka oku endisa ofela, o landula ofela yokutundilo eteke liosi. Va luisa uhembi lesanda. Va linãlĩsa la Asuria kuenje va tuala ulambu wulela ke Egito.

MATEO 2:3

Eci Soma Herode a ci yeva wa sonda, kuenda Yerusalãi yosi ya sondavo.