ISAYA 4:2 - Embimbiliya - Bíblia Sagrada em Umbundu

² Keteke liaco ocinjovelela ca Yehova ci posoka lulamba, kuenje epako liofeka li linga eposo lia va Isareli ava va puluka; li lingavo ulamba wavo.

ISAYA 4:2 Iomraidhean Croise

OLOSAMO 67:6

Osi ya ima ovaima ayo. Suku, eye Suku yetu, wa tu sumũlũisa.

OLOSAMO 72:16

Vofeka mu kale olomema via lua. Vi hunge hunge kilu liolomunda. Ovaima ayo a soke lavo voko Levanone. Kovaimbo ku telehe omanu ndowangu wovisenge.

ETUNDILO 28:2

O tongela Arone, huvove, uwalo u kola, wulamba, haiwo wa posoka.

ISAYA 11:4

puãi o tetuluila olosuke lesunga, kuenje o tetela omanu vaño voluali olonimbu via sunguluka. O veta oluali lohunya yomẽla waye, kuenje ipa vakuevĩho lofela yovomẽla waye.

ISAYA 26:1

Keteke liaco ocisungo eci ci imbiwa vofeka ya Yuda, citi, Tu kasi limbo lia pama; Suku wa li pamisa lovimbaka kuenda ombindikiyo.

ISAYA 27:6

Koloneke viokovaso Yakoba o tuamẽla, Isareli o yova kuenje o telẽha. Va yukisa oluali luosi lepako liavo.

ISAYA 30:23

Eye o lokisa ombela kombuto wa wayi posi, eca olomema viovaima a tunda posi. Olomema viaco vi lova, vi tekula ciwa omanu. Keteke liaco oviunda viene vi lila vovililo vinene,

ISAYA 45:8

Availu, lokisi eyulo liesunga. Alende a lole esunga; ongongo yi yuluke ha yi yovi eyovo, esunga li kule lombili. Ame ndi Yehova nda ci panga.

ISAYA 53:2

Momo eye wa kulila kovaso aye ndocikũla ca leñela, kuenda ndocisĩla ci tunda vongongo ya kukuta; ka kaile lemolẽhelo pamue ulambi okuti tu u tala, ka kaile leposo okuti tu u yongola.

ISAYA 60:15

Ocili, ale wa siwile, kuenda wa suvukiwile, okuti lomue wa pitapitamo, cilo puãi hu kemãlĩsa lulamba ko pui, hu lingisa onjolela yovitumbulukila via lua.

ISAYA 60:21

Omanu vove vosi va linga vakuesunga; va piñala ño hũ ofeka. Va linga ndomeko nda tuika, pamue ndupange wovaka ange okuti muĩsua ulamba.

ISAYA 61:11

Momo ndeci ongongo yi tundisa osongo yayo, pamue ocumbo ci yovisa ovina via kũlĩwamo, haico Ñala Yehova a yovisila esunga kuenda esivayo kovaso olofeka viosi.

YEREMIYA 23:5

Yehova hati, Tala. Oloneke viya okuti njovisila Daviti ocinjovelela cesunga kuenje eye o viala ndosoma, o linga lolondunge, kuenje vofeka o tetuluila lesunga kuenda lesunguluko.

YEREMIYA 33:15

Voloneke viaco kuenda kotembo yaco njovisila ku Daviti Conjovelelacesunga. Eye o lingila vofeka esunga lesunguluko.

YEREMIYA 44:14

Kocisupe ca va Yuda ceya oku tunga vofeka ye Egito lomue o puluka. Lomue o supapo okuti o tiukila vofeka ya Yuda omo va livela oku tiukila loku tungamo. Momo ka va tiukila muẽle te lika vamue vañamiñami va yomboloka.

YEREMIYA 44:28

Ava va puluka kosipata va tunda vofeka ye Egito kuenje va tiukila kofeka ya Yuda, puãi va kala vañamiñami lika. Kuenje noke ocisupe cosi ca Yuda ceya ke Egito oku tungako, ci kũliha ondaka ya linga yocili, nda yange, nda yavo.

ESEKIELE 34:29

Ndi vi muisa ovisenge via posoka okuti ka vi kala vali lonjala vofeka, ndaño oku tombiwa vali lolofeka.

ESEKIELE 36:8

Puãi ene, alomunda via Isareli, vu yova olonãvi kuenje wimĩla omanu vange va Isareli epako; momo otembo yokutiuka kuavo yi kasi ocipepi.

ESEKIELE 7:16

Ndaño vamue va puluka, va kala kolomunda ndolopomba viovimbota. Vosi va leñaila, omunu evĩho liaye, omunu evĩho liaye.

YOELI 2:32

Kuenje vosi va tukula onduko ya Yehova va popeliwa. Momo vomunda Siono kuenda vo Yerusalãi mu kala ava va popeliwa, ndeci Yehova a popia. Pokati kava va popeliwa pa kala ava va kovongiwa la Yehova.

YOELI 3:18

Eteke liaco volomunda mu loka ovinyu vi sõsa, kuenda koviwulu ku pita asenjele. Olondui viosi via Yuda vi yuka ovava. Konjo ya Yehova ku tunda ono yi tapela ocimbota ca Sitimi.

OVADIYA 1:17

Puãi komunda ya Siono ku kala vamue va puluka, kuenje ku kola. Epata lia Yakoba li kala vali lovikuata vialio muẽle.

SAKARIYA 3:8

Oco, a Yehosua! Acitunda cinene! —yevelela! Momo ove muẽle lavakuẽle va tumãla love kulo, vosi yene, ndu kueteli elavoko. Tala! Mañinya ukuenje wange, Cinjovelela, kuenje iya.

SAKARIYA 6:12

Popia laye, huti, Ca popia Yehova Ukualohoka ceci, hati, Tala! Onduko yulume u, eye Cinjovelela. Eye o yovela kocitumãlo caye kuenje o tunga onjo ya Yehova.

SAKARIYA 9:17

Uwa waco u lua cimue! Lunumbu waco lawovo u lua. Otiliku yi sanjuisa akuenje, kuenda ovinyu viokaliye vi sanjuisa afeko.

MALAKIYA 3:17

Yehova Ukualohoka wa popia hati, Va linga vange, vange muẽle, eteke ñatuka. Ndi va popela ndeci onjali yi popela omõlãye u vumba.

MATEO 24:22

Kuenje, nda oloneke viaco ka via tepuluilue, nda lomue omunu o popeliwa, puãi oloneke viaco via tepuluilua ava va noliwa.

LUKA 21:36

Puãi lavululi olonjanja viosi loku likutilila okuti vu kala longusu yoku puluka kovina evi viosi viya, ho talami kovaso a Mõlomanu.

YOANO 1:14

Oco Ndaka wa linga omunu, kuenje wa tunga pokati ketu, yu we yuka ocali locili. Tua mola ulamba waye. Ulamba waco ulamba wa Mõla wongunga wa Isia.

II VA KORINDO 4:6

Momo Suku, u wa linga hati, Vowelema mu tuile ocinyi, eye wa tuila vovitima vietu ha tuisa ukũlĩhiso wulamba wa Suku wokocipala ca Yesu Kristu.

II PETULU 1:16

Momo, eci tuo sapuili unene wa Ñala yetu Yesu Kristu letukuluko liaye, ka tua kuamele olosapo via sovuiwa ño lovoloño esanda, puãi tua kala muẽle olombangi via mola lovaso uwale waye.