ISAYA 26:3 - Embimbiliya - Bíblia Sagrada em Umbundu

³ Ove o tumalaisa lombembua yocili utima wu wa ku kolela, momo wa ku kolela.

ISAYA 26:3 Iomraidhean Croise

I ASAPULO 5:20

Poku yaka lavo va kuatisiwa, kuenje va Hagare la vosi va kala lavo, va eciwa povaka avo, momo vocilunga caco va vilikiya ku Suku, leye wa yeva kelombelo liavo, momo vo kolela.

II ASAPULO 13:18

Kotembo yaco va Isareli va ketisua kuenje va Yuda va yula momo va kolela Yehova Suku yolosekulu viavo.

II ASAPULO 16:8

Va Etiopia la va Luvimi ka va kaile hẽ olohoka vinenenene kumue lakalu lavakuatuvalu vakahandangala? Haimo lumue, omo ove wa kolelele Yehova, eye wa va eca peka liove.

OLOSAMO 119:165

Ava va sole ovihandeleko viove va kasi lombembua ya lua. Ka kuli eci ci tẽla oku va londuisa.

OLOSAMO 125:1

Ava va kolela Yehova va linga ndomunda Siono, ka yi sengiwa, puãi yi tumãla ño-o hũ.

OLOSAMO 9:10

Ava va kũlĩha onduko yove va ku kolela. Momo ove, a Yehova, kua yandulukile ava va ku sanda.

ISAYA 12:2

Tala, Suku eye eyovo liange. Ñolela kuenje si kuata usumba momo Suku Yehova eye ongusu yange, haeye ocisungo cange kuenje wa linga eyovo liange.

ISAYA 26:12

A Yehova, ove o tu sovuila ombembua. Ovopange etu osi ove wa tu a lingila.

ISAYA 27:5

Nda hacoko, va tilile kombonge yange. Va limbondele, va limbondele.

ISAYA 31:1

Ava va lokila ke Egito oku kuatisiwa, ngongo yavo! Va kolela otuvalu kuenda akãlu ovita omo a lua, va kolelavo vakuakuendela kotuvalu omo va pama ca lua, puãi ka va imbi ovaso ku U o kola wa Isareli, ndaño oku sanda Yehova.

ISAYA 32:17

Epako liesunga ombembua. Lonima yesunguluko utima wa tula kuenda ekolelo ka li pui.

ISAYA 32:18

Omanu vange va kala volonjo viombembua, kuenda vovitungilo via koka, lo vovitumãlo viepuyuko.

ISAYA 42:19

Helie omeke nda hokuenje wangeko? Helie ocisitatuĩ nda hamunga yangeko? Helie omeke nda hacilitumbike cangeko? Helie omeke nda hokuenje wa Yehovako?

ISAYA 42:6

Ame ndi Yehova, nda ku kovongela esunga. Nda ku kuata peka, nda ku silamẽla. Nda ku kapa ndocisila komanu kuenje o linga ocinyi colofeka,

ISAYA 48:2

Momo va litukula vati, Tuakuimbo li kola, kuenje va litanẽla la Suku ya Isareli, onduko yaye Yehova Ukualohoka.

ISAYA 49:8

Ca popia Yehova ceci, hati, Nda ku kumbulula kotembo yiwa, keteke lieyovo nda ku ohela. Nda ku lava. Nda ku lingisa ocisila ceyovo komanu, okuti o tumbulula ofeka, kuenje o tepisila omanu ovipiñalo via linga alunda;

ISAYA 50:1

Ca popia Yehova ceci, hati, Ukanda woku nyãla nyõho, una ndo nyãla lawo, u kasi pi? Pokati kolondevalisi viange kulie nda ku landisa? Tala, wa landisilui olohole viene, nyõho wa nyãlĩwila okulueya kuene.

ISAYA 50:10

Helie pokati kene o sumbila Yehova kuenje o tava kondaka yukuenje waye? Helie endaila vowelema kuenje ka kuete ocinyi, puãi haimo o kolela onduko ya Yehova, loku imbĩla ovaso ku Suku yaye?

ISAYA 66:12

Momo ca popia Yehova ceci, hati, Tala, ndi yi salalisa ndolui, ndi yĩha ulamba wolofeka ndolui lua supoka. Oco vu nyamako, vu pakatiwa, kuenje wangatiwi kolongolo viayo.

YEREMIYA 39:18

Hu popela muẽle, ku fi losipata. Omuenyo wove o kala lawo ndohuate yovita omo wa ñolela. Oco ca popia Yehova.

DANIELE 3:17

Nda oco, Suku yetu una tu vumbavumba o tẽla oku tu popela kelungulungu liondalu vofolono; kuenje haeye o tu popela peka liove, a Soma.

DANIELE 3:28

Nevukandesa wa popia hati, Suku ya Sadrake la Mesake la Aved-Nego a sivayiwe! Wa tuma ungelo waye, wa popela akuenje vaye vo kolela, kuenje va sinila ocihandeleko ca Soma loku eca atimba avo oco ka va ka vumbe ndaño oku fendela osuku yimue yiñi, te lika Suku yavo muẽle.

DANIELE 6:23

Oco Soma wa sanjuka cimue, yu wa handeleka oku upa Daniele keleva. Oco Daniele wopiwa keleva, kuenje lalimue epute vo sanga lalio, momo wa kolela Suku yaye.

MIKA 5:5

Haeye o tu nenẽla ombembua. Eci u Asuria iñila vofeka yetu, kuenje o liatela kongongo yetu, oco tu u katuila ovangombo epanduvali lolosoma ecelãlã.

YOANO 14:27

Ndu sili ombembua, ndu wihi ombembua yange, ndeci ci ihaiha oluali hacoko ndu wihi. Ovitima viene ka vi ka tokotelue, ka vi ka kale lusumba.

YOANO 16:33

Nda vangula lene ovina evi, oco vokuange vu kale lombembua. Voluali vu sakalaisua, puãi kolisiko, ame nda yula oluali.

VA ROMA 5:1

Oco, omo, eci tu kuete ekolelo tu tendiwa nda vakuesunga, oco tu kuete ombembua la Suku, Mitakati yaco Ñala yetu Yesu Kristu.

VA FILIPOI 4:7

Kuenje ombembua ya Suku, yina ya piãla olondunge viosi, yi lava ovitima viene lovisimilo viene vu Kristu Yesu.