ISAYA 2:3 - Embimbiliya - Bíblia Sagrada em Umbundu

³ Olofeka via lua vi popia viti, Enjui, tu lamani komunda ya Yehova, konjo ya Suku ya Yakoba, okuti o tu longisa ovituwa viaye ha tu endaela volonjila viaye. Momo okulongisa ku tunda ko Siono kuenda ondaka ya Yehova yi tunda ko Yerusalãi.

ISAYA 2:3 Iomraidhean Croise

ESTER 9:27

oco va Yudea va tava okuti ovo muẽle kuenda ovitumbulukila viavo, la vosi va litokeka lavo, va ivaloka muẽle unyamo kunyamo oloneke viaco vivali ndomo ca sonehiwa vukanda wa Mordekai.

OLOSAMO 102:23

Wa leñelisa ongusu yange vumãlẽhe. Wa tepulula koloneke viange.

OLOSAMO 110:2

Yehova o tuma epangati liunene wove li tunda ko Siono. Viala muẽle pokati kovanyali vove.

OLOSAMO 119:171

Omela yange yi ku sivaya momo wa ndongisa ovisila viove.

OLOSAMO 122:1

Nda yolela eci va popia lame vati, Tu endi konjo ya Yehova.

OLOSAMO 48:1

Yehova onene, haeye wa posokela esivayo lia piãla vimbo lia Suku yetu li kasi vomunda yaye yi kola.

ISAYA 1:26

Numbulula olonganji viove ndeci via kala ale; numbulula olondunguli viove ndeci viosimbu. Noke o tukuiwa imbo liesunga, imbo lia kolelua.

ISAYA 11:10

Eteke liaco olumbombo lua Jese lu linga ndepandela ku vakualofeka. Olofeka vi lipungikila kokuaye, kuenje ocitumãlo caye ci linga culamba.

ISAYA 19:23

Keteke liaco ku kala elila li tunda ke Egito li enda ka Asuria. Va Asuria veya ke Egito, kuenda va Egito va enda ka Asuria. Kuenje va Egito va fendelela kumue la va Asuria.

ISAYA 28:9

Eye nga o longisa elie? Leci a yeva o ci lombolola kulie?— kuava va sumũha ale,— pamue kuava vopiwa kavele?

ISAYA 44:5

Umue o linga hati, Ame ndukua Yehova, ukuavo o linga hati, Ame nda liluka Yakoba, ukuavo o sonẽha peka liaye hati, Ndukua Yehova kuenje o litukula londuko ya Isareli.

ISAYA 56:5

kokuavo, vonjo yange vokati kovimbaka viange, ngeca onjivaluko londuko. Londuko yaco yi velapo, okuti eyi yomãla yi sule. Ngeca kokuavo onduko ka yi pui, haiyo ka yimũha.

ISAYA 56:7

ovo muẽle ndi va nena komunda yange yi kola, kuenje ndi va sanjuisila vonjo yange yoku likutilila. Ovilumba viavo vioku yoka kuenda ovilumba viavo vioku pia elisi vi tavelua kovotala ange; momo onjo yange yi tukuiwa onjo yoku likutilila yomanu vosi.

ISAYA 60:3

Kuenje olofeka viya kocinyi cove, lolosoma kokutua kuokutunda kuove.

ISAYA 65:11

Puãi ene wa si Yehova, kuenje wa ivali omunda yange yi kola, haene wa angiliyili Esanju omesa, kuenje wa itilili Sande ovinyu,

ISAYA 66:20

Oco veyilila kumue la vakuẽle vosi vokolofeka viosi ha va lingi ocilumba coku Yehova, va endela kotuvalu, lokakãlu kuenda vavanda, kuenda kolomũla, lokolongamelo ha veya komunda yange yi kola ko Yerusalãi, ndeci omãla va Isareli va iñila vonjo ya Yehova locilumba cavo velonga li yela.

YEREMIYA 12:16

Kuenje ci kala okuti, nda va lilongisa ovituwa viomanu vange loku lisinga londuko yange vati, Ndomo Yehova a kasi lomuenyo, ndeci ale va longisile omanu vange oku lisinga la Baale, oco noke va tungisiwa pokati komanu vange.

YEREMIYA 26:18

Mika u Morasiti wa popele ocitumasuku koloneke via Hesekiya, Soma ya Yuda, kuenje wa popia lomanu vosi va Yuda hati, Ca popia Yehova Ukualohoka ceci, hati, Siono yi limiwa ndepia; Yerusalãi yi linga ekundu, kuenda omunda yonembele yi linga ndonumbuko yovesisi.

YEREMIYA 31:6

Momo kuiya eteke eci vakuakulavulula kolomunda via Efarimi va vilikiya vati, Votoki, tu londi ko Siono, ku Yehova Suku yetu.

ESEKIELE 40:2

Kuenje, vovinjoinjoi via Suku haimo, lia nualela kofeka ya Isareli, lia ñapa kilu liomunda yimue ya lepa calua. Konẽle yoko Sul kua kala cimue ca soka ndocitungilo cimbo.

HOSEA 3:5

Noke omãla va Isareli va pongoloka ha va sandi Yehova Suku yavo, la Daviti Soma yavo. Kovaso veya lesumbilo ku Yehova lohenda yaye.

HOSEA 6:3

Tu kũlĩhĩsi Yehova. Tu kuati ombili yoku u kũlĩha. Kokutunda kuaye ka kuli atatahãi, ku sokiyiwa ale ndokutola kuongula, Iya kokuetu ndombela, ndombela yomandavela yina yi yulisa osi.

MIKA 4:2

Kuenje olofeka via lua viya, vi popia, viti, Enjui, tu lamani komunda ya Yehova, konjo ya Suku ya Yakoba, oco a tu longise ovituwa viaye, ha tu endela volonjila viaye. Momo okulonga ku tunda ko Siono, kuenda ondaka ya Yakoba yi tunda ko Yerusalãi.

MATEO 7:24

Wosi o yeva olondaka evi viange kuenje o vi linga wa soka ndomunu wa lunguka wa tungila onjo yaye vohanda.

LUKA 11:28

Yesu puãi wa kumbulula hati, Oco muẽle, puãi ava va yeva ondaka ya Suku kuenje va yi pokola ovo va sumũlũha ca velapo.

LUKA 24:47

citivo okulikekembela akandu kuenda okuecelua ku kundilua vonduko yaye kolofeka viosi oku fetikila ko Yerusalãi.

YOANO 4:22

Ene vu fendela eci ka wa kũlĩhili, etu tu fendela eci tua kũlĩha, momo okupopelua ku tunda ku va Yudea.

YOANO 7:17

Nda umue wa panga oku linga ocipango caye, eye o kũlĩha okulonga kuaco, nda hẽ kua Suku, ele nda ci popia ño ame muẽle.

OVILINGA 1:8

Puãi, eci Espiritu Sandu o wili, oco vu kuata unene, kuenje vu linga olombangi viange vo Yerusalãi, lo vo Yudea yosi, lo vo Samária, kuenda toke kasulilo okilu lieve.

OVILINGA 10:33

Oco nda ku kovongela lonjanga. Wa linga ciwa omo weya. Oco cilo, etu vosi tu kasi mulo kovaso a Suku oku yeva viosi Ñala a ku iha oku popia.

VA ROMA 10:18

Puãi ndi pula siti, Ka va yevele hẽ? Va yeva muẽle, momo, Esapulo liao lia pitila kolofeka viosi, olondaka viao kesulilo lioluali luosi.

ESINUMUĨLO 33:19

Va kovonga omanu oku iya komunda yavo kuenje haiko va lumbila ovilumba via tukuiwa. Momo va lia elau liovokalunga, lovokuasi a vundisua veseke.

ESINUMUĨLO 6:1

Cilo ndu lomboluili ocikundi cene covisila lovihõlo Yehova Suku yene a sapuila oku u longisi okuti vu vi linga vofeka oko wendi oku ka yi kuata.

TIAGO 1:25

Puãi, u o vanja vanja sui vocihandeleko ca kanguka, haico ceca umãmãle, kuenje o pandikisa laco okuti ka lingi ukuakuyeva lika loku ivala, o linga puãi ukuakulinga, eye o sumũlũisua lokulingainga kuaye.