ISAYA 2:2 - Embimbiliya - Bíblia Sagrada em Umbundu

² Ci kala okuti koloneke viesulilo omunda yonjo ya Yehova yi velapo koku lepa pokati kolomunda viosi, yi pitahãla ovivulu; kuenje omanu volofeka viosi volumũhĩlako.

ISAYA 2:2 Iomraidhean Croise

EFETIKILO 49:1

Yakoba yu wa kovonga omãla vaye, wa popia lavo hati, Liongololi okuti ndu sapuili eci cu sangi kovaso.

YOVI 19:25

Momo ame ndi ci okuti Onjovoli yange o kasi lomuenyo, kuenje kesulilo iya kilu lieve.

OLOSAMO 102:23

Wa leñelisa ongusu yange vumãlẽhe. Wa tepulula koloneke viange.

OLOSAMO 2:8

Minge, kuenje hu iha olofeka ha vi lingi ocipiñalo cove, lasukiyo oluali ha a lingi ocitumalo cove.

OLOSAMO 22:27

Asukiyo osi oluali a ivaluka, a pongolokela ku Yehova. Apata osi olofeka a fendela kovaso aye.

OLOSAMO 22:28

Momo uviali waco wa Yehova. Eye ombiali yolofeka.

OLOSAMO 48:2

Ko Norte kupãla kuli omunda yi sovi Siono, haiyo ya posoka, haiyo imbo lia Soma yinene, kuenje ya linga esanju lioluali luosi.

OLOSAMO 68:17

Yehova wa enda lolohuluwa viakãlu, okuti olohũlũkãi kolohũlũkãi. Wa tunda ko Sinai kuenje weya konembele yaye yi kola.

OLOSAMO 72:8

A viale tunde kokalunga toke kokalunga, tunde ko Lui toke kasukiyo oluali.

OLOSAMO 86:9

Olofeka viosi wa tunga viya, vi ku fendela, a Yehova. Vi tumbangiya onduko yove.

OLOSAMO 87:1

Komunda yi kola oko kuli imbo a sovola.

OLOSAMO 87:2

Yehova o sole ca velapo olombundi via Siono, olonjo viosi via Yakoba ci sule.

ISAYA 11:10

Eteke liaco olumbombo lua Jese lu linga ndepandela ku vakualofeka. Olofeka vi lipungikila kokuaye, kuenje ocitumãlo caye ci linga culamba.

ISAYA 25:6

Vomunda yilo Yehova Ukualohoka o lingilamo olofeka viosi ofesta yovina via lẽla, ofesta yovinyu viale, yovina via lẽla haivio vie yuka upuma, ofesta yovinyu viale haivio via kenjiwa ciwa.

ISAYA 27:13

Kuenda vali keteke liaco olumbeta lunene lu sikiwa, kuenje ava va nyelelela vofeka ya Asuria lava va takumũhila ve Egito, va tiuka, va fendela Yehova komunda yi kola ko Yerusalãi.

ISAYA 30:29

Vu kala locisungo ndeci va imbaimba vuteke wofesta yi kola. Vu kala lesanju liovutima ndu enda loku sika kuolombendo oku enda komunda ya Yehova, ke Ewe lia Isareli.

ISAYA 49:6

eye wa linga hati, Oku linga ukuenje wange okuti o katula apata a Yakoba loku tiula ocisupe ca Isareli, oco ca leluka. Hu lingisavo ocinyi cavakualofeka oco eyovo liange li kale toke kasulilo ongongo.

ISAYA 56:5

kokuavo, vonjo yange vokati kovimbaka viange, ngeca onjivaluko londuko. Londuko yaco yi velapo, okuti eyi yomãla yi sule. Ngeca kokuavo onduko ka yi pui, haiyo ka yimũha.

ISAYA 56:7

ovo muẽle ndi va nena komunda yange yi kola, kuenje ndi va sanjuisila vonjo yange yoku likutilila. Ovilumba viavo vioku yoka kuenda ovilumba viavo vioku pia elisi vi tavelua kovotala ange; momo onjo yange yi tukuiwa onjo yoku likutilila yomanu vosi.

ISAYA 60:3

Kuenje olofeka viya kocinyi cove, lolosoma kokutua kuokutunda kuove.

ISAYA 65:11

Puãi ene wa si Yehova, kuenje wa ivali omunda yange yi kola, haene wa angiliyili Esanju omesa, kuenje wa itilili Sande ovinyu,

ISAYA 66:20

Oco veyilila kumue la vakuẽle vosi vokolofeka viosi ha va lingi ocilumba coku Yehova, va endela kotuvalu, lokakãlu kuenda vavanda, kuenda kolomũla, lokolongamelo ha veya komunda yange yi kola ko Yerusalãi, ndeci omãla va Isareli va iñila vonjo ya Yehova locilumba cavo velonga li yela.

ISAYA 66:23

Oco tunde kosãi yokaliye toke kosãi yokaliye, kuenje tunde kesambata toke kesambata, vakuetimba vosi veyaiya oku fendela. Oco ca popia Yehova.

YEREMIYA 16:19

A Yehova, a Ngusu yange, a Cikolo cange, a Civundilo cange keteke liohali, olofeka viosi, tunde kasulilo okilu lieve, viya kokuove, kuenje vi linga viti, Ovina viosi vaisietu va piñala viuhembi lika, haivio viesanda, ka vi kuatisa cimue.

YEREMIYA 23:20

Onyeño ya Yehova ka yi tiukamo te wa linga loku telisa ocipango cutima waye. Koloneke viesulilo cosi ci vu lomboloka ciwa.

YEREMIYA 26:18

Mika u Morasiti wa popele ocitumasuku koloneke via Hesekiya, Soma ya Yuda, kuenje wa popia lomanu vosi va Yuda hati, Ca popia Yehova Ukualohoka ceci, hati, Siono yi limiwa ndepia; Yerusalãi yi linga ekundu, kuenda omunda yonembele yi linga ndonumbuko yovesisi.

YEREMIYA 3:17

Koloneke viaco va tukula Yerusalãi vati, Ocalo ca Yehova, kuenje olofeka viosi vi likongelelamo. Vi likongelela vo Yerusalãi londuko ya Yehova. Ka va lingi vali lokusiva kuovitima viavo vĩvi.

YEREMIYA 30:24

Onyeño ya tokota ya Yehova ka yi tiukamo te wa linga loku tẽlisa ocipango cutima waye. Koloneke viesulilo cosi ci vu lomboloka ciwa.

YEREMIYA 31:12

Veya ha va imbila ovisungo vomunda ya Siono. Veya loku yolela ovina viwa via Yehova, olomema lovinyu lulela, kuenda otumeme vocunda kuenda olonale. Omuenyo wavo u soka ndocumbo ca tapeliwa. Ka vowuka vali.

YEREMIYA 48:47

Haimo koloneke viesulilo numbulula esumũlũho lia Moavi. Oco ca popia Yehova. Eli olio esulilo liepiso Moavi a pisiwa lalio.

YEREMIYA 49:39

Puãi koloneke viesulilo numbulula esumũlũho lia Elami. Oco ca popia Yehova.

YEREMIYA 51:44

Kuenje njambuila Bele vo Bavulono. Njupa vomẽla waye eci a ina. Olofeka ka viya vali ndolui kokuaye. Ocimbaka ca Bavulono ca kupuka ocili.

ESEKIELE 38:16

O lamanela komanu vange va Isareli ndeci elende li sitika ofeka. Kefulilo lioloneke vimue hu nena kofeka yange hu yaki layo, oco olofeka vi ñulĩhe eci ndimbukisila kovaso avo okukola kuange pokati kupange ove, a Goge, o ndingila.

ESEKIELE 40:2

Kuenje, vovinjoinjoi via Suku haimo, lia nualela kofeka ya Isareli, lia ñapa kilu liomunda yimue ya lepa calua. Konẽle yoko Sul kua kala cimue ca soka ndocitungilo cimbo.

DANIELE 10:14

Kaliye ndeyilila oku ku limbukisa evi vi sanga epata liove koloneke viesulilo. Momo ocinjonde eci ci tiamẽla handi koloneke viaco.

DANIELE 2:28

Puãi kilu kuli Suku ukuakusitulula alumbu, kuenje haeye wa lekisa ku Soma eci ci kala koloneke viesulilo. Onjoi yove lovinjonde wa vi muĩla pula wove vievi:

DANIELE 2:35

Oco utale lotuma losipi lopalata lulu, viosi via nyanyõha, via linga ndovisaikiti pocimbandi kotembo yoku sasa; ofela ya vi pengula, kuenje ka via mõlẽhẽle vali. Puãi ewe lia vetele ociñumañuma lia linga omunda yinene kuenda lia yukisa ilu lieve liosi.

DANIELE 2:45

Ndomo wa mõla okuti komunda kua tetuka ewe puãi halovaka omunuko, hailio lia nyanyula utale losipi lotuma lopalata lulu, oco Suku Unene wa lekisa ku Soma eci ci kala kovaso. Onjoi yaco ocili; lelomboluilo liaco lia kolelua.

HOSEA 3:5

Noke omãla va Isareli va pongoloka ha va sandi Yehova Suku yavo, la Daviti Soma yavo. Kovaso veya lesumbilo ku Yehova lohenda yaye.

SAKARIYA 14:10

Ofeka yosi yi linga etapi tunde ko Geva toke ko Rimone, kombuelo yoko Yerusalãi. Yerusalãi puãi lopo yi tumũha kocitungilo cayo tunde kombundi ya Benjamini toke pana pa kaile ombundi yale, kuenda tunde kombundi yokevindi toke kombonge ya Hanavele, okuti kovikamẽlo via Soma.

SAKARIYA 14:9

Kuenje Yehova o linga osoma yoluali luosi. Keteke liaco Yehova o linga umuamue londuko yimuamue.

SAKARIYA 8:22

Vakuapata alua kuenda vakualofeka via pama veya oku sanda Yehova Ukualohoka vo Yerusalãi loku likutilila ku Yehova.

SAKARIYA 8:3

Yehova hati, Niukila ko Siono. Numãla vokati ka Yerusalãi. Kuenje Yerusalãi yi tukuiwa Imbo liesunga, lomunda ya Yehova Ukualohoka yi tukuiwa Omunda yi kola.

MALAKIYA 3:12

Kuenje vakualofeka viosi vo tukuli vati, Va sumũlũha, momo wu lingi ofeka yelau. Oco ca popia Yehova Ukualohoka.

ATENDELO 24:14

Kaliye ngenda komanu vange. Njevelele, hu sapuila ndeci omanu vaco va linga lomanu vove koloneke viya.

OVILINGA 2:17

Suku hati, Koloneke vi sulako, ndi sukumuila Espiritu liange komanu vosi. Omãla vene valume lomãla vene vakãi va imba owanji. Amalehe vene va mola ovinjoinjoi, lolosekulu viene vi lota olonjoi.

II TIMOTEO 3:1

Puãi, limbuka eci okuti, koloneke via sulako kuiya otembo yohali.

VA HEVERU 1:2

Koloneke vilo via sulako puãi, wa popia letu l'Omõlaye, una a nola ha lingi kapiñala kovina viosi, haeye a lulika laye oluali.

II PETULU 3:3

Tete limbuki okuti, koloneke via sulako, kuiya vakuetombo loku tomba, va enda loloñeyi viavo vietimba,

ESITULUILO 11:15

Oco ungelo wepanduvali wa sika olumbeta, kuenje kilu kua yevala olondaka vinene, viti, Uviali woluali wa linga uviali wa Suku yetu kuenda wa Kristu waye. Eye o viala oloneke vi enda ño-o hũ, ka vi pui.

ESITULUILO 20:4

Noke nda mola ovialo, kuenje kovialo viaco kua tumala ava va ihiwa omoko yoku tetulula. Nda molavo ovilelembia viava va topuiwa omo va imbila Yesu uvangi, kuenda va kolela ondaka ya Suku, haivo ka va fendelele ocinyama pamue ociñumañuma caco, kuenje ka va kapiwile ondimbukiso yaco kovipala viavo lo kovaka avo. Ovo va kuata vali omuenyo, kuenje va viala kumue la Kristu ohũlũkãi yanyamo.