ISAYA 11:3 - Embimbiliya - Bíblia Sagrada em Umbundu

³ Esanju liaye li kala koku sumbila Yehova; Ka tetulula ndeci ci lete ovaso aye, pamue oku teta onimbu ndeci ci yeva ovatũi aye,

ISAYA 11:3 Iomraidhean Croise

II SAMUELE 14:17

Nda sima vali, siti, Ondaka ya cime cange Soma yi nulisa utima omo cime cange Soma, poku limbuka eci ciwa leci cĩvi, wa lisoka lungelo wa Suku. Yehova Suku yove a kale love.

II SAMUELE 14:8

Soma yu wa sapuila ukãi hati, Kuende konjo yove. Hu sapuila noke ndomo ondaka yove yi sokiyiwa.

I OLOSOMA 3:28

Isareli yosi ya yeva ndomo Soma a teta ondaka eyi onimbu, kuenje va sumbila Soma, momo va limbuka okuti olondunge via Suku vioku tetulula via kala laye.

I OLOSOMA 3:9

Oco, eca kukuenje wove utima wolondunge vioku tetuluila omanu vove, oco nẽle oku tepisa pokati keci ciwa leci cĩvi, momo helie o tẽla oku tetuluila epata eli liove, hailio linene?

YOVI 12:11

Etuĩ hẽ ka li seteka olondaka ndeci uliakusu u mãha okulia?

YOVI 34:3

Momo etui li seteka olondaka, ndeci uliakusu u mãha okulia.

OLOSAPO 2:5

oco o kũliha oku sumbila Yehova, kuenje o sanga ukũlĩhiso wa Suku.

OLOSAPO 2:9

Oco o limbuka esunga locili kuenda eci ca sunguluka, onjila yosi yiwa,

ISAYA 33:6

Koloneke viene eye u kalisi lolohõlo, eyovo li lua kuenda olondunge lukulĩhĩso. Oku sumbila Yehova oko ukuasi wove.

ESEKIELE 45:8

Oyo yi linga onepa yaye vo Isareli. Kuenje olosoma viange ka vi talisa vali omanu vange ohali, puãi va tepisila va Isareli osi ndeci ca soka lapata avo.

MIKA 4:3

O tetuluila pokati komanu vakualofeka via lua, o tetuluila olofeka vinene vi kasi kupãla; kuenje va tela olosipata viavo ha vi lingi olosungu violosaluwa, lolonjelia viavo ha vi lingi otutana. Ofeka ka yi tikuila vali ofeka yikuavo osipata, ka va lilongisa vali ovita.

LUKA 2:52

Kuenje Yesu wa amako kolondunge lo kutunga kuenda oku soliwa la Suku lomanu.

YOANO 2:25

omo wa kũlĩha omanu vosi, kuenje ka sukilile okuti umue imbila omunu uvangi. Momo eye muẽle wa kũlĩha eci ci kasi vutima womunu.

YOANO 7:24

Ko ka tetuluili ño eci ci moleha, puãi tetululi lesunga.

VA HEVERU 5:14

Puãi okulia kua kola kuakulu, okuti kuava va tẽla oku tepisa pokati keci ciwa leci cĩvi, omo olondunge viavo via pindisua.

I SAMUELE 16:7

Yehova puãi wa popia la Samuele hati, Ku ka vanje keposo liocipala caye pamue kokulepa kutunga waye momo ndo pañula. Momo Yehova ka vanji ndeci omunu o vanja, omunu o vanja okumõleha kuokilu, Yehova puãi o vanja vutima.